Artikolu 7 4

(a)

l-imballaġġ immedjat kif definit fl-Artikolu 1, il-punt (23), tad-Direttiva 2001/83/KE u fl-Artikolu 4, il-punt (25), tar-Regolament (UE) 2019/6;

(b)

l-imballaġġ tal-plastik sensittiv għall-kuntatt tal-apparati mediċi, apparati maħsuba esklużivament għall-użu fir-riċerka u apparat ta' investigazzjoni koperti mir-Regolament (UE) 2017/745;

(c)

l-imballaġġ tal-plastik sensittiv għall-kuntatt tal-apparati mediċi dijanjostiċi in vitro koperti bir-Regolament (UE) 2017/746;

(d)

l-imballaġġ ta' barra kif definit fl-Artikolu 1, il-punt (24), tad-Direttiva 2001/83/KE u fl-Artikolu 4, il-punt (26), tar-Regolament (UE) 2019/6 f'każijiet fejn imballaġġ bħal dan ikun meħtieġ biex tintlaħaq konformità ma' rekwiżiti speċifiċi biex tiġi ppreżervata l-kwalità tal-prodott mediċinali;

(e)

l-imballaġġ tal-plastik kompostabbli;

(f)

l-imballaġġ użat għat-trasport ta' oġġetti perikolużi f’konformità mad-Direttiva 2008/68/KE;

(g)

l-imballaġġ tal-plastik sensittiv għall-kuntatt għall-ikel li huwa maħsub biss għat-trabi u t-tfal żgħar, l-ikel għal skopijiet mediċi speċjali u l-imballaġġ għax-xorb u l-ikel li tipikament jintużaw għal tfal żgħar imsemmi fl-Artikolu 1, il-punti (a), (b) u (c), tar-Regolament (UE) Nru 609/2013;

(h)

l-imballaġġ ta' provvisti, komponenti u komponenti tal-imballaġġ immedjat għall-manifattura ta' prodotti mediċinali koperti mid-Direttiva 2001/83/KE u prodotti mediċinali veterinarji koperti mir-Regolament (UE) 2019/6, meta tali imballaġġ jeħtieġ li jkun konformi mal-istandards tal-kwalità tal-prodott mediċinali.