Artikolu 7 Kontenut minimu riċiklat fl-imballaġġ tal-plastik

1.   Sal-1 ta' Jannar 2030 jew 3 snin mid-data tad-dħul fis-seħħ tal-att ta' implimentazzjoni msemmi fil-paragrafu 8 ta' dan l-Artikolu, skont liema tiġi l-aħħar, kwalunkwe parti tal-plastik tal-imballaġġ imqiegħed fis-suq għandu jkun fiha l-perċentwal minimu li ġej ta' kontenut riċiklat irkuprat mill-iskart tal-plastik ta' wara l-użu mill-konsumatur, għal kull tip u format ta' imballaġġ kif imsemmi fit-Tabella 1 tal-Anness II, ikkalkulat bħala medja għal kull impjant tal-manifattura u sena:

2.   Sal-1 ta' Jannar 2040, kwalunkwe parti tal-plastik tal-imballaġġ imqiegħed fis-suq, għandu jkun fiha l-perċentwal minimu li ġej ta' kontenut riċiklat irkuprat mill-iskart tal-plastik ta' wara l-użu mill-konsumatur, għal kull tip u format ta' imballaġġ kif imsemmi fit-Tabella 1 tal-Anness II, ikkalkulat bħala medja għal kull impjant tal-manifattura u sena:

3.   Għall-finijiet ta' dan l-Artikolu, il-kontenut riċiklat għandu jiġi rkuprat mill-iskart tal-plastik ta' wara l-użu mill-konsumatur li:

4.   Il-paragrafi 1 u 2 ma għandhomx japplikaw għal dawn li ġejjin:

5.   Il-paragrafi 1 u 2 ma għandhomx japplikaw għal:

6.   Il-konformità mar-rekwiżiti stipulati fil-paragrafi 1 u 2 ta' dan l-Artikolu għandha tintwera mill-manifatturi jew importaturi fl-informazzjoni teknika dwar l-imballaġġ imsemmija fl-Anness VII.

7.   Il-kontribuzzjonijiet finanzjarji mħallsa mill-produtturi sabiex jikkonformaw mal-obbligi tagħhom tar-responsabbiltà estiża tal-produttur kif stabbiliti fl-Artikolu 45 jistgħu jiġu modulati abbażi tal-perċentwal tal-kontenut riċiklat użat fl-imballaġġ. Kwalunkwe modulazzjoni bħal din għandha tqis il-kriterji ta' sostenibbiltà tat-teknoloġiji tar-riċiklaġġ u l-kostijiet ambjentali għall-finijiet tal-kontenut riċiklat.

8.   Sal-31 ta' Diċembru 2026, il-Kummissjoni għandha tadotta atti ta' implimentazzjoni li jistabbilixxu l-metodoloġija għall-kalkolu u l-verifika tal-perċentwal tal-kontenut riċiklat irkuprat mill-iskart tal-plastik ta' wara l-użu mill-konsumatur riċiklat u miġbur fl-Unjoni f’konformità mal-kundizzjonijiet stipulati fil-paragrafu 3 ta' dan l-Artikolu, kif ukoll il-format għad-dokumentazzjoni teknika msemmija fl-Anness VII. Għal dak l-għan, il-Kummissjoni għandha tqis l-użu tal-materja prima sekondarja li tirriżulta li tkun ta' kwalità suffiċjenti meta mqabbla mal-materja oriġinali li tista' tintuża biex tissostitwixxi l-materja prima primarja. Il-metodoloġija ta' verifika tista' tinkludi l-obbligu li jitwettqu awditi indipendenti minn parti terza fuq il-manifatturi tal-kontenut riċiklat fl-Unjoni u tal-imballaġġ tal-plastik imqiegħed fis-suq bħala unità tal-bejgħ separata minn prodotti oħra, biex jiġi żgurat li jiġu ssodisfati l-kundizzjonijiet stabbiliti fil-paragrafu 3 ta' dan l-Artikolu u fl-att delegat adottat skont il-paragrafu 9 ta' dan l-Artikolu.

Meta tadotta l-atti ta' implimentazzjoni, il-Kummissjoni għandha tivvaluta t-teknoloġiji ta' riċiklaġġ disponibbli, filwaqt li tqis il-prestazzjoni ekonomika u ambjentali tagħhom, inkluż il-kwalità tal-output, id-disponibbiltà tal-iskart, l-enerġija meħtieġa u l-emissjonijiet ta' gassijiet serra u impatti ambjentali rilevanti oħra.

Dawk l-atti ta' implimentazzjoni għandhom jiġu adottati f'konformità mal-proċedura ta' eżami msemmija fl-Artikolu 65(2).

9.   Sal-31 ta' Diċembru 2026, abbażi tal-valutazzjoni msemmija fil-paragrafu 8, it-tieni subparagrafu, il-Kummissjoni għandha tadotta atti delegati f’konformità mal-Artikolu 64 biex jissupplimentaw dan ir-Regolament bi kriterji ta' sostenibbiltà għat-teknoloġiji tar-riċiklaġġ tal-plastik.

Għall-finijiet ta' dan l-Artikolu, il-kontenut riċiklat għandu jiġi rkuprat mill-iskart tal-plastik ta' wara l-użu mill-konsumatur, li jkun ġie riċiklat:

10.   Sal-31 ta' Diċembru 2026, il-Kummissjoni għandha tadotta atti ta' implimentazzjoni li jistabbilixxu l-metodoloġija għall-valutazzjoni, il-verifika u ċ-ċertifikazzjoni, inkluż permezz ta' awditu minn parti terza, l-ekwivalenza tar-regoli applikati f'każijiet fejn il-kontenut riċiklat irkuprat mill-iskart tal-plastik ta' wara l-użu mill-konsumatur jiġi riċiklat jew miġbur f'pajjiż terz. Il-valutazzjoni għandha tqis l-istandards tal-protezzjoni tal-ambjent u tas-saħħa tal-bniedem, inkluż l-istandards biex jiġi żgurat li r-riċiklaġġ jitwettaq b'mod ambjentalment korrett, u l-istandards dwar riċiklaġġ ta' kwalità għolja, bħal dawk dwar l-effiċjenza fir-riżorsi u l-istandards tal-kwalità għas-setturi tar-riċiklaġġ. Dawk l-atti ta' implimentazzjoni għandhom jiġu adottati f'konformità mal-proċedura ta' eżami msemmija fl-Artikolu 65(2).

11.   Sal-1 ta' Jannar 2029 jew erba’ u għoxrin xahar mid-data tad-dħul fis-seħħ tal-att ta' implimentazzjoni msemmi fil-paragrafu 8, skont liema tiġi l-aħħar, il-kalkolu u l-verifika tal-perċentwal tal-kontenut riċiklat li jinsab fl-imballaġġ skont il-paragrafu 1 għandhom jikkonformaw mar-regoli stabbiliti fl-att ta' implimentazzjoni adottat f’konformità mal-paragrafu 8.

12.   Sal-1 ta' Jannar 2028, il-Kummissjoni għandha tivvaluta l-ħtieġa għal derogi mill-perċentwali minimi ta' kontenut riċiklat stabbiliti fil-paragrafu 1, il-punti (b) u (d), għall-imballaġġ tal-plastik speċifiku, jew ir-reviżjoni tal-lista ta’ eċċezzjonijiet fil-paragrafu 4 għall-imballaġġ tal-plastik speċifiku.

Abbażi tal-valutazzjoni msemmija fl-ewwel subparagrafu ta’ dan il-paragrafu, meta t-teknoloġiji tar-riċiklaġġ xierqa għar-riċiklaġġ tal-imballaġġ tal-plastik ma jkunux awtorizzati skont ir-regoli rilevanti tal-Unjoni jew ma jkunux disponibbli biżżejjed fil-prattika, filwaqt li jitqies kwalunkwe rekwiżit relatat mas-sikurezza, speċjalment fir-rigward tal-imballaġġ tal-plastik sensittiv għall-kuntatt, inkluż l-imballaġġ tal-ikel, il-Kummissjoni għandha s-setgħa li tadotta atti delegati f'konformità mal-Artikolu 64 biex temenda dan ir-Regolament sabiex:

13.   Meta n-nuqqas ta' disponibbiltà jew prezzijiet eċċessivi ta' plastik riċiklat speċifiku jagħmel il-konformità mal-perċentwali minimi ta' kontenut riċiklat stabbiliti fil-paragrafi 1 u 2 ta' dan l-Artikolu eċċessivament diffiċli, il-Kummissjoni għandha tingħata s-setgħa li tadotta att delegat f'konformità mal-Artikolu 64 biex temenda dawk il-paragrafi billi taġġusta l-perċentwali minimi kif xieraq. Fl-evalwazzjoni ta' jekk tali aġġustament huwiex xieraq, il-Kummissjoni għandha tivvaluta t-talbiet minn persuni fiżiċi jew ġuridiċi li għandhom jiġu akkumpanjati minn informazzjoni u data rilevanti dwar is-sitwazzjoni tas-suq għall-iskart tal-plastik ta' wara l-użu mill-konsumatur u l-aħjar evidenza disponibbli dwar ir-riskji relatati għas-saħħa tal-bniedem jew tal-annimali, għas-sigurtà tal-provvista tal-ikel jew tal-ambjent. Il-Kummissjoni għandha tadotta tali att delegat biss f'każijiet eċċezzjonali fejn ikun hemm effetti negattivi serji għas-saħħa tal-bniedem jew tal-annimali, għas-sigurtà tal-provvista tal-ikel jew għall-ambjent.

14.   Sat-12 ta’ Frar 2032, filwaqt li tqis l-evoluzzjoni tat-teknoloġija tal-ogħla livell u l-esperjenza prattika miksuba mill-operaturi ekonomiċi u mill-Istati Membri, il-Kummissjoni għandha tippreżenta rapport li jirrieżamina l-implimentazzjoni tal-perċentwali minimi ta' kontenut riċiklat sal-2030 stipulati fil-paragrafu 1, u li jevalwa sa liema punt dawk il-perċentwali jwasslu għal soluzzjonijiet li jrawmu imballaġġ sostenibbli li jkunu effettivi u faċli biex jiġu implimentati, il-fattibbiltà tal-kisba tal-perċentwali minimi għall-2040 abbażi tal-esperjenza fil-kisba tal-perċentwali minimi għall-2030 u ċ-ċirkostanzi li qed jevolvu, ir-rilevanza taż-żamma tal-eċċezzjonijiet u tad-derogi stabbiliti f'dan l-Artikolu, u l-ħtieġa jew il-pertinenza tal-istabbiliment ta' perċentwali minimi ġodda ta' kontenut riċiklat. Dak ir-rapport għandu, fejn xieraq, ikun akkumpanjat minn proposta leġiżlattiva li temenda dan l-Artikolu, b'mod partikolari l-perċentwali minimi ta' kontenut riċiklat għall-2040.

15.   Sat-12 ta’ Frar 2032, il-Kummissjoni għandha tirrieżamina s-sitwazzjoni fir-rigward tal-użu tal-materjali tal-imballaġġ riċiklati fl-imballaġġ għajr il-plastik u, abbażi ta' dak, tivvaluta l-adegwatezza li jiġi stabbiliti miżuri, jew jiġu ffissati miri, għaż-żieda fl-użu tal-kontenut riċiklat f'imballaġġ ieħor bħal dan, u fejn xieraq, tippreżenta proposta leġiżlattiva.