Artikolu 72 Proċedura simplifikata għall-aċċess għal data elettronika dwar is-saħħa minn detentur tad-data dwar is-saħħa affidabbli

1.   Meta korp tal-aċċess għad-data dwar is-saħħa jirċievi applikazzjoni għall-aċċess għad-data dwar is-saħħa skont l-Artikolu 67 jew talba għad-data dwar is-saħħa skont l-Artikolu 69, li tkopri biss data elettronika dwar is-saħħa miżmuma minn detentur affidabbli tad-data dwar is-saħħa ddeżinjat f’konformità mal-paragrafu 2 ta’ dan l-Artikolu, għandha tapplika l-proċedura stipulata fil-paragrafi 4 sa 6 ta’ dan l-Artikolu.

2.   L-Istati Membri jistgħu jistabbilixxu proċedura li biha d-detenturi tad-data dwar is-saħħa jistgħu japplikaw biex jiġu ddeżinjati bħala detenturi affidabbli tad-data dwar is-saħħa, dment li d-detenturi tad-data dwar is-saħħa jissodisfa l-kundizzjonijiet li ġejjin:

L-Istati Membri għandhom jiddeżinjaw detenturi i tad-data dwar is-saħħa affidabbli wara valutazzjoni tal-issodisfar ta’ dawk il-kundizzjonijiet mill-korp rilevanti tal-aċċess għad-data dwar is-saħħa.

L-Istati Membri għandhom jistabbilixxu proċedura biex jirrieżaminaw regolarment jekk id-detentur tad-data dwar is-saħħa affidabbli għadux jissodisfa dawk il-kundizzjonijiet.

Il-korpi tal-aċċess għad-data dwar is-saħħa għandhom jindikaw id-detenturi i tad-data dwar is-saħħa affidabbli fil-katalgu tas-settijiet tad-data msemmi fl-Artikolu 77.

3.   L-applikazzjonijiet għall-aċċess għad-data u t-talbiet għad-data dwar is-saħħa msemmija fil-paragrafu 1 għandhom jiġu sottomessi lill-korp tal-aċċess għad-data dwar is-saħħa, li jista’ jgħaddihom lid-detentur tad-data dwar is-saħħa affidabbli rilevanti.

4.   Wara li tirċievi applikazzjoni għall-aċċess għad-data dwar is-saħħa jew talba għad-data dwar is-saħħa skont il-paragrafu 3 ta’ dan l-Artikolu, id-detentur tad-data dwar is-saħħa affidabbli għandu jivvaluta l-applikazzjoni għall-aċċess għad-data dwar is-saħħa jew it-talba għad-data dwar is-saħħa skont il-kriterji elenkati fl-Artikolu 68(1) u (2) jew l-Artikolu 69(2) u (3), kif applikabbli.

5.   Id-detentur tad-data dwar is-saħħa affidabbli għandu jissottometti l-valutazzjoni li jwettaw skont il-paragrafu 4, akkumpanjata minn proposta għal deċiżjoni, lill-korp tal-aċċess għad-data dwar is-saħħa fi żmien xahrejn minn meta jirċievi l-applikazzjoni għal aċċess għal data dwar is-saħħa jew it-talba għal data dwar is-saħħa mill-korp tal-aċċess għad-data dwar is-saħħa. Fi żmien xahrejn minn meta jirċievi l-valutazzjoni, il-korp tal-aċċess għad-data dwar is-saħħa għandu joħroġ deċiżjoni dwar l-applikazzjoni għall-aċċess għad-data dwar is-saħħa jew it-talba għad-data dwar is-saħħa. Il-korp tal-aċċess għad-data dwar is-saħħa ma għandux ikun marbut bil-proposta sottomessa mid-detentur tad-data dwar is-saħħa affidabbli.

6.   Wara d-deċiżjoni tal-korp tal-aċċess għad-data dwar is-saħħa li joħroġ il-permess tad-data jew li japprova t-talba għad-data dwar is-saħħa, id-detentur tad-data dwar is-saħħa affidabbli għandu jwettaq il-kompiti msemmija fl-Artikolu 57(1), il-punti (a)(i) u (b).

7.   Is-servizz tal-Unjoni ta’ aċċess għad-data dwar is-saħħa msemmi fl-Artikolu 56 jista’ jiddeżinja detenturi tad-data dwar is-saħħa li huma istituzzjonijiet, korpi, uffiċċji jew aġenziji tal-Unjoni li jikkonformaw mal-kundizzjonijiet stabbiliti fil-paragrafu 2, l-ewwel subparagrafuil-punti (a), (b) u (c) ta’ dan l-Artikolu bħala detenturi tad-data dwar is-saħħa affidabbli. Meta jagħmel dan, il-paragrafu 2, it-tieliet u r-raba’ subparagrafi, u l-paragrafi 3 sa 6 ta’ dan l-Artikolu għandhom japplikaw mutatis mutandis.