Artikolu 13 Riskju ta’ likwidità

1.   Operatur ta’ SIPS għandu jistabbilixxi qafas komprensiv biex jiġġestixxi riskji ta’ likwidità maħluqa mill-parteċipanti tas-SIPS, banek tas-saldu, aġenti nostro, banek kustodji, fornituri ta’ likwidità u entitajiet rilevanti oħra. L-operatur ta’ SIPS għandu jipprovdi lill-parteċipanti b’għodda adegwata biex il-likwidità tagħhom tiġi ġestita u għandu jżomm monitoraġġ u jiffaċilita l-fluss bla xkiel tal-likwidità fis-sistema.

2.   Operatur ta’ SIPS għandu jimplimenta għodod operattivi u analitiċi, li jippermettulu jidentifika, ikejjel u jżomm monitoraġġ tas-saldu u l-flussi ta’ finanzjament, inkluż l-użu tal-likwidità intraday, fuq bażi f’waqtha u kontinwa.

3.   Operatur ta’ SIPS li jopera sistema DNS għandu jiżgura li:

4.   Operatur ta’ SIPS għandu jkollu, jew jiżgura li parteċipanti jkollhom, f’kull ħin riżorsi likwidi suffiċjenti mill-mument li jiġu stabbiliti obbligi finanzjari, fil-muniti kollha li jopera bihom, biex jagħmel saldu tal-obbligi finanzjarji fl-istess jum f’ambitu wiesa’ ta’ xenarji potenzjali ta’ stress. Fejn xieraq, dan jinkludi saldu intraday jew multiday. Ix-xenarji ta’ stress għandhom jinkludu:

5.   Operatur ta’ SIPS li jirregola ħlas unilaterali f’euro għandu jkollu, jew jiżgura li l-parteċipanti jkollhom, riżorsi likwidi suffiċjenti, skont il-paragrafu 4, biex jagħmel fil-ħin is-saldu tal-obbligi finanzjarji fil-każ ta’ inadempjenza tal-parteċipant li, flimkien mal-affiljati tiegħu, għandu l-ikbar obbligu finanzjarju aggregat kif determinat mill-paragrafu 4(a), b’xi mod minn dawn li ġejjin:

6.   Operatur ta’ SIPS li jissalda ħlas unilaterali f’euro għandu jkollu, jew jiżgura li l-parteċipanti jkollhom, riżorsi likwidi addizzjonali, skont il-paragrafi 4, il-punt (b), bil-modi msemmija fil-paragrafu 5 jew ma’ bank kummerċjali finanzjarjament affidabbli f’wieħed jew iktar minn dawn l-istrumenti li ġejjin:

7.   Dawn l-istrumenti kollha għandhom jippermettu li l-flus kontanti jkunu disponibbli f’perijodu ta’ żmien li jippermetti s-saldu fl-istess jum. B’mod partikolari, l-operatur tas-SIPS għandu jkun jista’ juri li l-istrumenti mhux fi flus kontanti jkunu disponibbli faċilment u konvertibbli fi flus kontanti fuq bażi tal-istess jum bl-użu ta’ finanzjamenti rranġati minn qabel u affidabbli ħafna, inkluż f’kundizzjonijiet tas-suq ta’ stress.

L-operatur ta’ SIPS għandu jkun ppreparat li juri lill-awtorità kompetenti, skont valutazzjoni interna adegwata, li l-bank kummerċjali huwa finanzjarjament affidabbli.

Operatur ta’ SIPS li jirregola ħlasijiet bilaterali jew ħlasijiet unilaterali f’muniti barra mill-euro għandu jkollu, jew jiżgura li l-parteċipanti jkollhom, riżorsi likwidi suffiċjenti, skont il-paragrafu 4, fil-modi msemmija fil-paragrafu 6.

8.   Fejn operatur ta’ SIPS jissupplimenta r-riżorsi msemmija fil-paragrafu 4 b’attiv ieħor, dan l-attiv għandu x’aktarx ikun negozjabbli jew aċċettabbli bħala kollateral (pereżempju linji ta’ kreditu, swaps, jew repos) fuq bażi ad hoc wara inadempjenza, anke jekk dan ma jistax ikun stabbilit minn qabel jew garantit b’mod affidabbli taħt kundizzjonijiet tas-suq estremi imma plawżibbli. Meta parteċipant jissupplimenta r-riżorsi msemmija fil-paragrafu 4 ma’ attiv ieħor, l-operatur ta’ SIPS għandu jiżgura li dan l-asttiv l-ieħor jissodisfa r-rekwiżiti msemmija fl-ewwel sentenza ta’ dan il-paragrafu. L-attiv għandu jiġi preżunt bħala probabbli li jkun negozjabbli jew aċċettabbli bħala kollateral jekk l-operatur ta’ SIPS ikun ħa kont tar-regoli u l-prattiki tal-bank ċentrali rilevanti dwar l-eliġibbiltà tal-kollateral.

9.   Operatur ta’ SIPS m’għandux jassumi li kreditu ta’ emerġenza tal-bank ċentrali se jkun disponibbli.

10.   Operatur ta’ SIPS għandu jwettaq diliġenza dovuta biex jivverifika li kull fornitur tar-riżorsi likwidi tas-SIPS taħt paragrafu 4:

L-operatur ta’ SIPS għandu jirrevedi l-konformità tiegħu mal-obbligu tad-diliġenza dovuta mill-inqas darba fis-sena. Entitajiet b’aċċess ta’ kreditu mill-bank ċentrali tal-ħruġ biss għandhom jiġu aċċettati bħala fornituri ta’ likwidità. L-operatur ta’ SIPS għandu regolarment jittestja l-proċeduri tas-SIPS għall-aċċess tar-riżorsi likwidi tiegħu.

11.   Operatur ta’ SIPS b’aċċess għall-kontijiet tal-bank ċentrali, servizzi ta’ ħlas jew servizzi ta’ titoli għandu juża dawn is-servizzi, fejn prattikabbli.

12.   Operatur ta’ SIPS għandu, permezz tal-ittestjar ta’ stress rigoruż, jiddetermina l-ammont u jittestja regolarment is-suffiċjenza tar-riżorsi likwidi tiegħu sabiex jissoddisfa r-rekwiżiti taħt il-paragrafi 4 u 5. Fit-twettiq tal-ittestjar tal-istress, l-operatur ta’ SIPS għandu jikkunsidra firxa wiesgħa ta’ xenarji rilevanti, inkluż inadempjenza waħda jew iżjed tal-parteċipant fl-istess jum u f’jumejn jew iktar sussegwenti.

Meta jiġu kkunsidrati dawn ix-xenarji, id-disinn u l-operazzjoni ta’ SIPS għandhom jiġu kkunsidrati u l-entitajiet kollha li jistgħu jkunu ta’ riskju ta’ likwidità materjali tas-SIPS għandhom jiġu eżaminati, inkluż banek tas-saldu, aġenti nostro, banek kustodji, fornituri ta’ likwidità u IFM relatati. Meta jkun xieraq, ix-xenarji għandhom ikopru perijodu multiday.

13.   Operatur ta’ SIPS għandu jiddokumenta r-raġunijiet tiegħu għall-investiment, u għandu jkollu arranġamenti xierqa ta’ governanza relatati mal-flus kontanti u attiv ieħor miżmum minnu jew mill-parteċipanti. Għandu jistabbilixxi proċeduri ċari għar-rappurtar tar-riżultati tat-testijiet tal-istress tiegħu lill-Bord u għandu juża dawn ir-riżultati għall-evalwazzjoni tal-adegwatezza ta’ u jagħmel aġġustamenti fil-qafas tal-ġestjoni tar-riskju tal-likwidità tiegħu.

14.   Operatur ta’ SIPS għandu jistabbilixxi regoli u proċeduri ċari li jippermettu lis-SIPS li jimplimenta s-saldu tal-obbligi finanzjarji dakinhar u, fejn xieraq, intraday u multiday f’waqtu wara l-inadempjenza ta’ wieħed jew iktar mill-parteċipanti tiegħu. Dawn ir-regoli u l-proċeduri għandhom: