Artikolu 2 Definizzjonijiet

“Aġenziji” tfisser l-Aġenzija Ewropea għas-Sustanzi Kimiċi (l-“ECHA”), l-Aġenzija Ewropea għall-Ambjent (l-“EEA”), l-Awtorità Ewropea dwar is-Sigurtà fl-Ikel (l-“EFSA”), l-Aġenzija Ewropea għall-Mediċini (l-“EMA”) u l-Aġenzija Ewropea għas-Sigurtà u s-Saħħa fuq il-Post tax-Xogħol (“EU-OSHA”);

“Awtoritajiet” tfisser il-Kummissjoni, l-awtoritajiet kompetenti tal-Istati Membri kif imsemmija fi kwalunkwe wieħed mill-atti legali tal-Unjoni elenkati fl-Annessi I jew III, u l-Aġenziji, esklużi l-bordijiet tat-tmexxija tagħhom;

“detentur tad-dover” tfisser persuna fiżika jew ġuridika responsabbli biex tissodisfa l-obbligi skont l-atti legali tal-Unjoni elenkati fl-Anness I;

“operatur tan-negozju” tfisser detentur tad-dover li huwa impriża privata jew pubblika;

“data dwar il-bijomonitoraġġ uman” tfisser data dwar il-konċentrazzjonijiet ta’ sustanzi kimiċi mkejla f’matriċijiet umani bħad-demm jew l-awrina;

“valur ta’ referenza” tfisser stima ta’ livell ta’ esponiment massimu jew ta’ livell ta’ emissjonijiet massimu ta’ sustanza kimika li taħtu jkun mistenni li jew ma jkun hemm l-ebda effett negattiv jew inkella li jkun hemm biss effetti negattivi aċċettabbli fuq is-saħħa tal-bniedem jew tal-ambjent, jew li taħtu r-riskji relatati mal-effetti negattivi ta’ dik is-sustanza kimika fuq is-saħħa tal-bniedem jew tal-ambjent jitqiesu bħala aċċettabbli jew tollerabbli;

“oriġinatur” tfisser il-Kummissjoni, jew l-aġenzija jew l-awtorità kompetenti tal-Istat Membru responsabbli għall-valutazzjonijiet tal-kunfidenzjalità skont kwalunkwe att legali tal-Unjoni elenkat fl-Anness I;

“att oriġinarju tal-Unjoni” tfisser l-att legali tal-Unjoni li skontu ġew iġġenerati jew ippreżentati d-data u l-informazzjoni dwar sustanzi kimiċi;

“vokabularji kkontrollati” tfisser arranġamenti standardizzati u organizzati ta’ kliem u ta’ frażijiet ippreżentati bħala listi ta’ termini jew bħala teżawru, u tassonomiji bi struttura ġerarkika ta’ termini usa’ u idjaq;

“data dwar sustanzi kimiċi” tfisser kwalunkwe rappreżentazzjoni ta’ fatti jew ta’ informazzjoni li jirrigwardaw is-sustanzi kimiċi u kwalunkwe kumpilazzjoni ta’ tali fatti jew informazzjoni, inkluża informazzjoni dwar il-proprjetajiet fiżikokimiċi, il-proprjetajiet ta’ periklu, l-użu, l-esponiment, ir-riskju, l-okkorrenza, l-emissjonijiet, id-destin u l-proċess ta’ manifattura tas-sustanzi kimiċi, kif ukoll informazzjoni relatata mas-sostenibbiltà ambjentali dwar is-sustanzi kimiċi, inkluża informazzjoni relatata mat-tibdil fil-klima, informazzjoni relatata mal-proċess regolatorju dwar is-sustanzi kimiċi, data dwar l-alternattivi għas-sustanzi kimiċi ta’ tħassib, il-formati standard, il-vokabularji kkontrollati, jew kwalunkwe informazzjoni dwar l-obbligi legali applikabbli relatati mas-sustanzi kimiċi;

“data relatata mas-sostenibbiltà ambjentali” tfisser kwalunkwe data rilevanti għall-valutazzjoni tas-sostenibbiltà ambjentali ta’ sustanza kimika jew ta’ materjal matul iċ-ċiklu tal-ħajja kollha tagħhom, inkluża:

“data tar-riċerka ppubblikata rieżaminata bejn il-pari” tfisser kwalunkwe data dwar sustanzi kimiċi derivata minn studji xjentifiċi li jkunuppubblikati f’pubblikazzjonijiet rieżaminati bejn il-pari u li ma jitwettqux speċifikament għall-finijiet ta’ valutazzjonijiet regolatorji;

“data personali” tfisser data personali kif definit fl-Artikolu 4, il-punt (1), tar-Regolament (UE) 2016/679 u kif definit fl-Artikolu 3, il-punt (1), tar-Regolament (UE) 2018/1725;

“ipproċessar” tfisser ipproċessar kif definit fl-Artikolu 4, il-punt (2), tar-Regolament (UE) 2016/679 u kif definit fl-Artikolu 3, il-punt 3, tar-Regolament (UE) 2018/1725;

“kontrollur tad-data” tfisser kontrollur kif definit fl-Artikolu 4, il-punt (7), tar-Regolament (UE) 2016/679 u kif definit fl-Artikolu 3, il-punt (8), tar-Regolament (UE) 2018/1725;

“proċessur tad-data” tfisser proċessur kif definit fl-Artikolu 4, il-punt (8), tar-Regolament (UE) 2016/679, u kif definit fl-Artikolu 3, il-punt (12), tar-Regolament (UE) 2018/1725;

“interoperabbiltà” tfisser il-kapaċità ta’ żewġ spazji jew aktar tad-data jew networks ta’ komunikazzjoni, sistemi, prodotti, applikazzjonijiet jew komponenti li jiskambjaw u jużaw id-data sabiex iwettqu l-funzjonijiet tagħhom;

“il-pubbliku” tfisser persuna waħda jew aktar, fiżiċi jew ġuridiċi, u assoċjazzjonijiet, organizzazzjonijiet jew gruppi ta’ tali persuni.