16. Portfolio concentration

Il-matriċijiet ta‟ transizzjoni għall-immudellar tal-proċess tal-migrazzjoni ta‟ klassifikazzjoni għandhom ikunu bbażati fuq data storika ta‟ migrazzjoni bl-użu ta‟ sorsi esterni (jiġifieri agenziji ta‟ klassifikazzjoni) jew ta‟ sorsi interni. Matriċijiet minn sorsi esterni għandhom ikunu ppreferuti f‟każijiet fejn data storika interna tkun skarsa. L-istituzzjonijiet għandhom jiżguraw li l-ammont ta‟ data storika hija biżżejjed sabiex jinkisbu estimi robusti, preċiżi u statistikament konsistenti. L-istituzzjonijiet għandhom jivvalidaw ir-robustezza ta‟ matriċijiet ta‟ transizzjoni b‟mod partikolari fir-rigward ta‟ kategoriji ogħla ta‟ klassifikazzjoni, fejn ftit degradazzjonijiet gravi jew inadempjenzi jistgħu jaffetwaw il-frekwenza tal-migrazzjoni b‟mod sinifikanti. Skont ir-rekwiżit għal „standard ta‟ solidità komparabbli mal-IRB‟ li tistabbilixxi s-CRD, jeħtieġ perjodu minimu ta‟ osservazzjoni storika ta‟ 5 snin.

Jistgħu jiġu applikati matriċijiet separati ta‟ transizzjoni għal gruppi speċifiċi ta‟ emittenti u għal żoni ġeografiċi speċifiċi. Skont (i) il-kompożizzjoni tal-portafoll tal-istituzzjonijiet, (ii) id-disponibbilita ta‟ matriċijiet preċiżi ta‟ transizzjoni u (iii) differenzi possibli fil-karatteristiċi ta‟ migrazzjoni fost il-prodotti, emittenti u/jew żoni ġeografiċi, għandha tittieħed deċiżjoni bilanċjata dwar is-sett ta‟ matriċijiet ta‟ transizzjoni użat. Deċiżjoni bħal din għandha tikkunsidra (i) l-għażla tas-sors (intern jew estern) flimkien ma‟ analiżi tal-koinċidenza u/jew tad-diskrepanza possibbli bejn il-portafoll tal-istituzzjonijiet u l-assi sottostanti għall-matriċi tat-transizzjoni; (ii) il-motivazzjoni għal kwalunkwe skema ta‟ ippeżar (anki għall-użu ta‟ piżijiet ugwali); u

• (iii) id-daqs tal-perjodu storiku. L-istituzzjonijiet għandhom jiżviluppaw matriċi unika ta‟ transizzjoni (jew aktar meta jkun hemm data rilevanti disponibbli) li hija speċifika għal debituri sovrani.