5.4.3 Attivitajiet ta’ tolleranza

Sabiex jiġi riżolt jew limitat l - impatt tal - NPEs, l - istituzzjonijiet ta’ kreditu għandhom jesploraw il - possibbiltajiet fir - rigward tal - għoti ta’ miżuri ta’ tolleranza. L - istituzzjonijiet ta’ kreditu għandhom jissorveljaw żewġ aspetti tal - attivitajiet ta’ tolleranza, ta’ effiċjenza u ta’ effikaċja. It - Taqsima 7 tispeċifika r - rekwiżiti relatati mal - applikazzjoni ta’ miżuri ta’ tolleranza.

L- objettiv prinċipali tal - miżuri ta’ tolleranza għandu jkun ir - ritorn tal - mutwatarju għal status ta’ ripagament bi prestazzjoni sostenibbli, filwaqt li jitqies l - ammont dovut u jitnaqqas it - telf mistenni. Dawn l - objettivi għandhom iqisu l - importanza li jiġi żgurat it - trattament ġust tal - konsumaturi u l - konformità ma’ kwalunkwe rekwiżit ta’ protezzjoni tal - konsumatur li jista’ jkun applikabbli. L - istituzzjoni ta’ kreditu għandha tissorvelja l - kwalità tal - attivitajiet ta’ tolleranza biex tiżgura li dawn ma jintużawx biex idewmu l - indebolimenti jew valutazzjoni li l - iskopertura ma tistax tinġabar. Il - monitoraġġ għandu jkopri attivitajiet ta’ tolleranza fir - rigward ta’ skoperturi produttivi kif ukoll improduttivi.