5.3. Cultúr riosca agus iompar gnó

Agus measúnú á dhéanamh ar chultúr riosca agus iompar gnó na hinstitiúide, ba cheart d’údaráis inniúla measúnú a dhéanamh ar Threoirlínte an ÚBE maidir le rialachas inmheánach a bheith á gcomhlíonadh ag an institiúid. Sa chomhthéacs seo, ba cheart d’údaráis inniúla breithniú a dhéanamh, inter alia, ar na nithe seo a leanas:

• a. cibé acu atá nó nach bhfuil luachanna corparáideacha comhsheasmhacha agus cultúr riosca folláin ag an institiúid, a (i) fhaigheann tacaíocht ó bheartais agus ó nósanna imeachta éifeachtacha láidre, ó chumarsáid agus ó oiliúint don fhoireann ar fad, lena n-áirítear cód iompair agus creat oiriúnach chun coinbhleachtaí leasa a bhainistiú agus meicníochtaí tuairiscithe chun iompar freagrach, eiticiúil a chothú agus chun faireachán a dhéanamh ar neamhchosaintí ar pháirtithe gaolmhara agus iad a bhainistiú, agus (ii) a chothaíonn timpeallacht de chumarsáid oscailte agus de dhúshlán éifeachtach;
• b. cibé acu atá nó nach bhfuil an comhlacht bainistíochta, an ardbhainistíocht agus na príomhshealbhóirí feidhme tiomanta do chultúr láidir riosca agus corparáideach agus do chleachtas gnó freagrach a chur chun cinn;
• c. cibé an léirítear nó nach léirítear leibhéal láidir feasachta riosca ar fud na hinstitiúide;
• d. cibé an gcomhtháthaíonn nó nach gcomhtháthaíonn an institiúid feasacht riosca ina próisis chinnteoireachta, lena n-áirítear úinéireacht chuí riosca.

Ba cheart d'údaráis inniúla measúnú a dhéanamh ar cibé acu atá nó nach bhfuil creat oiriúnach i bhfeidhm ag an institiúid chun idirbhearta páirtithe gaolmhara a aithint, a dhoiciméadú agus a bhainistiú, lena n-áirítear próiseas ceadaithe, teorainneacha neamhchosanta, téarmaí ar chosaint an dá pháirtí, agus sásraí faireacháin agus tuairiscithe. Ba cheart d'údaráis inniúla measúnú a dhéanamh freisin ar leibhéal na maoirseachta ón gcomhlacht bainistíochta.