1. Agus measúnú á dhéanamh ar cé acu a chomhlíonann nó nach gcomhlíonann caighdeáin sonraí institiúide na híoschaighdeáin ionas go bhféadfaí an tsamhail tomhais riosca inmheánach a bhreithniú mar shamhail atá réasúnta cruinn maidir le rioscaí a thomhas mar a cheanglaítear le hAirteagal 325bi(1), pointe (f), de Rialachán (AE) Uimh. 575/2013, fíoróidh na húdaráis inniúla cé acu is amhlaidh an méid seo a leanas nó nach amhlaidh:
(a)
doiciméadaíonn an institiúid, mar chuid dá beartais inmheánacha, aon mhodheolaíocht a úsáidtear chun amshraitheanna ina bhfuil pointí sonraí in easnamh a líonadh, agus cé acu atá nó nach bhfuil anailís fhónta sa doiciméadacht sin a thaispeánann nach ndéanann na modheolaíochtaí sin difear do luaineachtaí ná comhghaolta na bhfachtóirí riosca;
(b)
tá critéir oibiachtúla leagtha síos ag an institiúid lena leagtar amach an mhodheolaíocht a úsáidtear chun an amshraith a líonadh isteach, i gcás ina bhfuil níos mó ná modheolaíocht amháin ar fáil, agus tá na critéir sin doiciméadaithe aici ina beartais inmheánacha;
(c)
an próiseas a bheidh le leanúint aon uair a athraítear na luachanna in amshraith, tá sé leagtha síos ag an institiúid mar chuid dá beartais inmheánacha, agus cé acu a áirítear nó nach n-áirítear doiciméadacht na n-athruithe a dhéantar sa phróiseas sin;
(d)
ní dhéanann an institiúid scagadh ar shonraí, lena n-áirítear ríomh an íosráta, caidhpeáil agus eisiamh i ndáil le hasluitigh, mura rud é go bhfuil an institiúid in ann a léiriú go mbaineann an pointe sonraí arna eisiamh le sonraí earráideacha nó rite, agus go ndoiciméadaíonn an institiúid an t-eisiamh sin;
(e)
déanann an institiúid seiceálacha cáilíochta tréimhsiúla ar an amshraith a úsáidtear chun an beart riosca easnaimh ionchasaigh a ríomh, agus doiciméadaíonn sí na seiceálacha sin mar aon leis na torthaí comhfhreagracha;
(f)
déanann an institiúid anailís, mar chuid de na seiceálacha dá dtagraítear i bpointe (e), ar an éifeacht atá ag sonraí atá in easnamh nó ag sonraí arna n-ionadú, agus ag an modheolaíocht a úsáidtear chun an amshraith a fháil, ar luaineachtaí agus comhghaolta na bhfachtóirí riosca;
(g)
is iomchuí cáilíocht sonraí na hamshraithe arna húsáid ag an institiúid.
Chun críocha phointe (e), fíoróidh na húdaráis inniúla cé acu a dhéanann nó nach ndéanann an institiúid faireachán, mar chuid de na seiceálacha dá dtagraítear sa phointe sin, ar an méid seo a leanas i gcás gach amshraithe:
(a)
an líon laethanta a raibh pointí sonraí in easnamh ina leith ar dtús agus a líonadh isteach ina dhiaidh sin trí úsáid a bhaint as modheolaíocht ar leith;
(b)
an líon laethanta a raibh pointí sonraí ar fáil ina leith ar dtús agus a ionadaíodh ina dhiaidh sin trí úsáid a bhaint as modheolaíocht ar leith;
(c)
an líon laethanta gan aon athrú laethúil;
(d)
an t-uaslíon laethanta as a chéile gan aon athrú laethúil.
2. Chun críocha mhír 1, pointe (g), déanfaidh na húdaráis inniúla an méid seo a leanas:
(a)
é a cheangal ar an institiúid forléargas a sholáthar ar an amshraith a úsáidtear in
,
,
,
,
agus
, dá dtagraítear in Airteagal 325bb de Rialachán (AE) Uimh. 575/2013, agus i ríomh na mbeart riosca maidir le cás struis, dá dtagraítear in Airteagal 7 de Rialachán Tarmligthe (AE) 2024/397 ón gCoimisiún, agus an méid seo a leanas a áireamh san fhorléargas sin i gcás gach amshraithe a úsáidtear:
(i)
an líon iomlán laethanta sa tréimhse bhreathnóireachta stairiúla a úsáidtear chun an
,
,
,
,
agus
a ríomh, dá dtagraítear in Airteagal 325bb de Rialachán (AE) Uimh. 575/2013, agus na bearta riosca maidir le cás struis, dá dtagraítear in Airteagal 7 de Rialachán Tarmligthe (AE) 2024/397 ón gCoimisiún;
(ii)
an líon laethanta a bhfuil sonraí in easnamh ina leith san amshraith sula dtugann an institiúid aon choigeartú isteach;
(iii)
an líon laethanta gan aon athrú laethúil san amshraith sula dtugann an institiúid aon choigeartú isteach;
(iv)
an t-uaslíon laethanta as a chéile gan aon athrú laethúil san amshraith sula dtugann an institiúid aon choigeartú isteach;
(v)
an líon laethanta a raibh sonraí ar fáil ina leith ar dtús san amshraith ach a d’eisiaigh nó a d’athraigh an institiúid sular úsáideadh iad i ríomh an
,
,
,
,
agus
, dá dtagraítear in Airteagal 325bb de Rialachán (AE) Uimh. 575/2013, agus i ríomh na mbeart riosca maidir le cás struis, dá dtagraítear in Airteagal 7 de Rialachán Tarmligthe (AE) 2024/397 ón gCoimisiún;
(b)
ar bhonn an fhorléargais dá dtagraítear i bpointe (a), na hamshraitheanna sin a shainaithint ar amshraitheanna iad a úsáidtear le haghaidh fachtóirí riosca a bhféadfaidh cáilíocht íseal na sonraí difear a dhéanamh dóibh;
(c)
ar bhonn an fhorléargais dá dtagraítear i bpointe (a), sampla d’amshraitheanna a roghnú arb iad is saintréithe dóibh go mbíonn ardlíon pointí sonraí in easnamh ar dtús, agus na céimeanna seo a leanas a chur i bhfeidhm san ord seo a leanas:
(i)
é a cheangal ar an institiúid gan ach an amshraith ina bhfuil na pointí sonraí tosaigh a sholáthar, agus ansin an amshraith i ndiaidh dóibh í a líonadh isteach;
(ii)
a fhíorú gur líonadh isteach na hamshraitheanna i gcomhréir leis na modheolaíochtaí a bheartaítear sna beartais inmheánacha dá dtagraítear i mír 1, pointí (a) agus (b), agus gurb iomchuí na modheolaíochtaí sin don chás atá i gceist;
(d)
ar bhonn an fhorléargais dá dtagraítear i bpointe (b), sampla d’amshraitheanna a roghnú arb iad is saintréithe dóibh go mbíonn ardlíon pointí sonraí iontu a bhí ar fáil ar dtús ach ar cuireadh pointí sonraí eile ina n-ionad ina dhiaidh sin, agus na céimeanna seo a leanas a chur i bhfeidhm san ord seo a leanas:
(i)
é a cheangal ar an institiúid gan ach an amshraith ina bhfuil na pointí sonraí tosaigh a sholáthar, agus ansin an amshraith i ndiaidh dóibh pointí sonraí san amshraith a ionadú;
(ii)
a fhíorú gur ionadaíodh na pointí sonraí i gcomhréir leis na modheolaíochtaí a bheartaítear sna beartais inmheánacha dá dtagraítear i mír 1, pointí (a) agus (b), agus gurb iomchuí na modheolaíochtaí sin don chás atá i gceist.
Chun críocha phointe (b), féadfaidh na húdaráis inniúla na táscairí seo a leanas a úsáid, i gcás inarb iomchuí, mar bhonn leis an sainaithint dá dtagraítear sa phointe sin:
(a)
amshraitheanna ina bhfuil níos lú ná 10 % de na pointí sonraí a bhí ar fáil ar dtús;
(b)
amshraitheanna ina bhfuil 20 lá gnó as a chéile gan aon athrú laethúil;
(c)
amshraitheanna ina bhfuil níos mó ná 20 % de laethanta gan aon athrú;
(d)
amshraitheanna ar athraíodh níos mó ná 50 % de na sonraí a bhí ar fáil ar dtús ina leith.
Ceanglóidh na húdaráis inniúla ar an institiúid údar a thabhairt le húsáid na n-amshraitheanna sin agus, i gcás inarb infheidhme, leis an gcúis a n-áirítear an fachtóir riosca comhfhreagrach sa tacar laghdaithe fachtóirí riosca dá dtagraítear in Airteagal 325bc(2), pointí (a) agus (b), agus Airteagal 325bc(3), pointí (a) agus (b), de Rialachán (AE) Uimh. 575/2013.
3. I gcás fachtóirí riosca a n-úsáidtear seachshonraí ina leith, déanfaidh na húdaráis inniúla an measúnú dá dtagraítear i mír 2 ar na hamshraitheanna a n-úsáidtear ionadaigh ina leith de réir mar a úsáideadh iad i ríomh an
,
,
,
,
agus
, dá dtagraítear in Airteagal 325bb de Rialachán (AE) Uimh. 575/2013, agus ar na bearta riosca maidir le cás struis, dá dtagraítear in Airteagal 7 de Rialachán Tarmligthe (AE) 2024/397 ón gCoimisiún.
