Airteagal 49 Athbhreithniú ar shamhlacha, tástáil struis agus aistástáil

I gcás ina bhfuil sé beartaithe ag CPL athrú a ghlacadh ar shamhail nó ar pharaiméadar dá dtagraítear sa chéad fhomhír, déanfaidh sé ceann amháin de na nithe seo a leanas:

Beidh na samhlacha agus na paraiméadair a ghlactar, lena n-áirítear aon athrú suntasach a dhéantar orthu, faoi réir tuairim ón gcoláiste dá dtagraítear in Airteagal 18 i gcomhréir leis an Airteagal seo.

Áiritheoidh ESMA go gcuirfear an fhaisnéis faoi thorthaí na dtástálacha struis ar aghaidh chuig na ÚMEnna, chuig CEBC agus chuig an mBord Réitigh Aonair chun a chur ar a gcumas measúnú a dhéanamh ar neamhchosaint na ngnóthas airgeadais ar mhainneachtain na CPLanna.

Laistigh de 2 lá oibre ó iarratas den sórt sin a thíolacadh, seolfar admháil chuig an CPL tríd an mbunachar sonraí lárnach go bhfuarthas an t-iarratas.

I gcás ina gcinneann údarás inniúil an CPL nó ESMA nár tíolacadh na doiciméid ná an fhaisnéis uile is gá, iarrfaidh údarás inniúil an CPL ar an CPL is iarratasóir doiciméid bhreise nó faisnéis bhreise a thíolacadh a shainaithin sé nó ESMA a bheith in easnamh, tríd an mbunachar sonraí lárnach. Sa chás sin, féadfar síneadh 10 lá oibre ar a mhéad a chur leis an tréimhse ama a leagtar amach sa chéad fhomhír den mhír seo. Diúltófar don iarratas i gcás ina gcinneann údarás inniúil an CPL nó ESMA gur mhainnigh an CPL aon iarraidh den sórt sin a chomhlíonadh agus, i gcás den sórt sin, an t-údarás a tháinig ar an gconclúid go bhfuil an t-iarratas le diúltú, cuirfidh sé an t-údarás eile ar an eolas faoin méid sin. Cuirfidh údarás inniúil an CPL an CPL ar an eolas faoi na cinntí an t-iarratas a dhiúltú tríd an mbunachar sonraí lárnach agus cuirfidh sé an CPL ar an eolas freisin faoi na doiciméid nó faoin bhfaisnéis a shainaithnítear mar dhoiciméid nó faisnéis atá in easnamh.

Le linn na tréimhse dá dtagraítear sa chéad fhomhír den mhír seo, féadfaidh údarás inniúil an CPL, ESMA nó aon duine de chomhaltaí an choláiste dá dtagraítear in Airteagal 18 ceisteanna a chur go díreach chuig an CPL is iarratasóir agus faisnéis chomhlántach a iarraidh air, tríd an mbunachar sonraí lárnach, agus socróidh siad sprioc-am faoina bhfuil ar an CPL is iarratasóir faisnéis den sórt sin a sholáthar.

Laistigh de 15 lá oibre ó na tuarascálacha dá dtagraítear sa chéad fhomhír a fháil, glacfaidh an coláiste dá dtagraítear in Airteagal 18 tuairim de bhun Airteagal 19 agus tarchuirfidh sé chuig ESMA agus chuig an údarás inniúil í. D’ainneoin glacadh sealadach i gcomhréir le mír 1g, ní ghlacfaidh an t-údarás inniúil agus ESMA cinneadh maidir le bailíochtú na n-athruithe suntasacha ar na samhlacha agus ar na paraiméadair a dheonú nó a dhiúltú go dtí go nglacfaidh an coláiste dá dtagraítear in Airteagal 18 tuairim den sórt sin, ach amháin i gcás nár ghlac an coláiste an tuairim sin faoin sprioc-am.

I gcás nach n-aontaíonn údarás inniúil an CPL leis an tuairim ó ESMA nó ón gcoláiste dá dtagraítear in Airteagal 18, lena n-áirítear aon cheann de na coinníollacha nó moltaí atá inti, beidh cúiseanna iomlána agus míniú ina chinneadh maidir le haon imeacht suntasach ón tuairim sin nó ó na coinníollacha nó moltaí sin.

De mhaolú ar an gcéad fhomhír, arna iarraidh sin don CPL, féadfaidh an t-údarás inniúil, le comhaontú ó ESMA, cead a thabhairt athrú suntasach ar shamhail nó ar pharaiméadar a ghlacadh go sealadach sula mbailíochtófar iad i gcás ina bhfuil údar cuí leis sin. Ní cheadófar athrú sealadach den sórt sin ach ar feadh tréimhse áirithe arna sonrú ag údarás inniúil an CPL agus ESMA go comhpháirteach. Tar éis dhul in éag na tréimhse sin, ní cheadófar don CPL athrú den sórt sin a úsáid ach amháin má tá sé bailíochtaithe de bhun an Airteagail seo.

Cuirfidh ÚEUM na dréachtchaighdeáin theicniúla rialála sin faoi bhráid an Choimisiúin faoin 30 Meán Fómhair 2012.

Tarmligtear an chumhacht chuig an gCoimisiún chun na caighdeáin theicniúla rialála dá dtagraítear sa chéad fhomhír a ghlacadh i gcomhréir le hAirteagal 10 go hAirteagal 14 de Rialachán (AE) Uimh. 1095/2010.

Beidh na doiciméid agus an leibhéal faisnéise a cheanglaítear i gcomhréir le cineál an bhailíochtaithe samhla ach beidh dóthain mionsonraí iontu chun anailís chuí ar an athrú a áirithiú.

Chun críocha na chéad fhomhíre, pointe (a), féadfaidh ESMA luachanna éagsúla a shocrú i gcás na bpointí éagsúla i mír 1i.

Cuirfidh ESMA na dréachtchaighdeáin theicniúla rialála dá dtagraítear sa chéad fhomhír faoi bhráid an Choimisiúin faoin 25 Nollaig 2025.

Déantar an chumhacht a tharmligean chuig an gCoimisiún chun an Rialachán seo a fhorlíonadh trí na caighdeáin theicniúla rialála dá dtagraítear sa chéad fhomhír den mhír seo a ghlacadh i gcomhréir le hAirteagail 10 go 14 de Rialachán (AE) Uimh. 1095/2010.

Cuirfidh ESMA na dréachtchaighdeáin theicniúla cur chun feidhme dá dtagraítear sa chéad fhomhír faoi bhráid an Choimisiúin faoin 25 Nollaig 2025.

Tugtar de chumhacht don Choimisiún na caighdeáin theicniúla cur chun feidhme dá dtagraítear sa chéad fhomhír den mhír seo a ghlacadh i gcomhréir le hAirteagal 15 de Rialachán (AE) Uimh. 1095/2010.