Airteagal 12 Rialacha sonracha maidir le rochtain ar chláir um úinéireacht thairbhiúil do dhaoine a bhfuil leas dlisteanach acu

1.   Maidir le haon duine nádúrtha nó dlítheanach ar féidir leis nó léi a léiriú go bhfuil leas dlisteanach aige nó aici i sciúradh airgid, a chionta preideacáide agus maoiniú na sceimhlitheoireachta a chosc agus a chomhrac, áiritheoidh na Ballstáit go mbeidh rochtain aige nó aici ar an bhfaisnéis seo a leanas maidir le húinéirí tairbhiúla eintiteas dlítheanach agus socruithe dlíthiúla atá á coimeád sna cláir lárnacha idirnasctha dá dtagraítear in Airteagal 10, gan foláireamh a thabhairt don eintiteas dlítheanach nó don socrú dlíthiúil lena mbaineann:

De bhreis ar an bhfaisnéis dá dtagraítear sa chéad fhomhír den mhír seo, áiritheoidh na Ballstáit go mbeidh rochtain freisin ag aon duine nádúrtha nó dlítheanach dá dtagraítear i mír 2, pointí (a), (b) agus (e) ar faisnéis stairiúil maidir le húinéireacht thairbhiúil an eintitis dhlítheanaigh nó an tsocraithe dhlíthiúil, lena n-áirítear eintitis dhlítheanacha nó socruithe dlíthiúla a díscaoileadh nó a scoir de bheith ann sna 5 bliana roimhe sin, chomh maith le cur síos ar an struchtúr rialaithe nó úinéireachta.

Tabharfar rochtain de bhun na míre seo trí mheán leictreonach. Mar sin féin, áiritheoidh na Ballstáit go mbeidh daoine nádúrtha agus dlítheanacha ar féidir leo leas dlisteanach a léiriú in ann rochtain a fháil ar an bhfaisnéis i bhformáidí eile freisin mura bhfuil siad in ann meán leictreonach a úsáid.

2.   Measfar go bhfuil leas dlisteanach ag na daoine nádúrtha nó dlítheanacha seo a leanas chun rochtain a fháil ar an bhfaisnéis a liostaítear i mír 1:

Sa bhreis ar na catagóirí a shainaithnítear faoin gcéad fhomhír, áiritheoidh na Ballstáit freisin go ndeonófar rochtain ar fhaisnéis maidir le húinéireacht thairbhiúil do dhaoine eile atá in ann leas dlisteanach a léiriú maidir leis an gcuspóir sciúradh airgid, a chionta preideacáide agus maoiniú na sceimhlitheoireachta a chosc agus a chomhrac, ar bhonn cás ar chás.

3.   Faoin 10 Iúil 2026, tabharfaidh na Ballstáit fógra don Choimisiún faoin méid seo a leanas:

Tabharfaidh na Ballstáit fógra don Choimisiún gan mhoill maidir le haon athrú ar na catagóirí dá dtagraítear sa chéad fhomhír nó maidir le haon rud a chuirtear leo, agus i gcás ar bith tabharfaidh siad an fógra sin laistigh de 1 mhí ón uair a tharla an t-athrú sin.

An fhaisnéis arna fáil de bhun na míre seo, cuirfidh an Coimisiún ar fáil í do na Ballstáit eile.

4.   Áiritheoidh na Ballstáit go gcoinneoidh na cláir lárnacha taifid ar na daoine a bhfuil rochtain acu ar an bhfaisnéis de bhun an Airteagail seo agus go mbeidh siad in ann iad a nochtadh do na húinéirí tairbhiúla nuair a dhéanfaidh siad iarraidh de bhun Airteagal 15(1), pointe (c), de Rialachán (AE) 2016/679.

Mar sin féin, áiritheoidh na Ballstáit nach ndéanfar aon duine a cheadaíonn an clár a shainaithint mar thoradh ar an bhfaisnéis arna soláthar leis na cláir lárnacha i gcás na ndaoine seo a leanas:

Ina theannta sin, áiritheoidh na Ballstáit go staonfaidh eintitis atá i gceannas ar na cláir lárnacha ó chéannacht aon chontrapháirtí tríú tír d’údaráis inniúla AML/CFT de chuid an Aontais dá dtagraítear in Airteagal 2(1), pointe 44(a) agus (c), de Rialachán (AE) 2024/1624, na cláir lárnacha, a nochtadh chomh fada agus is gá chun anailísí nó imscrúduithe an údaráis sin a chosaint.

Maidir leis na daoine dá dtagraítear i bpointí (a) agus (b) den dara fomhír den mhír seo, áiritheoidh na Ballstáit, i gcás ina ndéanfaidh úinéirí tairbhiúla iarraidh de bhun Airteagal 15(1), pointe (c), de Rialachán (AE) 2016/679, go gcuirfear faisnéis ar fáil dóibh maidir le feidhm nó gairm bheatha na ndaoine a cheadaigh a bhfaisnéis maidir le húinéireacht thairbhiúil.

Chun críocha an tríú fomhír, agus rochtain á hiarraidh acu ar fhaisnéis maidir le húinéireacht thairbhiúil de bhun an Airteagail seo, cuirfidh na húdaráis in iúl an tréimhse dá n-iarrann siad ar na cláir lárnacha staonadh ón nochtadh, tréimhse nach faide ná 5 bliana, agus na cúiseanna leis an srianadh sin, lena n-áirítear an chaoi a ndéanfadh soláthar na faisnéise cuspóir a n-anailísithe agus a n-imscrúduithe a chur i mbaol. Áiritheoidh na Ballstáit, i gcás nach nochtann cláir lárnacha céannacht an eintitis a cheadaigh an fhaisnéis maidir le húinéireacht thairbhiúil, nach ndeonófar aon síneadh a chur leis an tréimhse sin ach amháin ar bhonn iarraidh a bhfuil údar maith léi ón údarás sa tríú tír, ar feadh tréimhse bliana ar a mhéad, agus ina dhiaidh sin go mbeidh ar an údarás sin iarraidh nua a bhfuil údar maith léi ar shíneadh a chur isteach.