Airteagal 53 Forálacha ginearálta

1.   Áiritheoidh na Ballstáit go bhféadfar eintitis faoi oibleagáid a chur faoi dhliteanas i leith sáruithe ar Rialachán (AE) 2024/1624 agus (AE) 2023/1113 i gcomhréir leis an Roinn seo.

2.   Gan dochar do cheart na mBallstát foráil a dhéanamh maidir le smachtbhannaí coiriúla agus iad a fhorchur, leagfaidh na Ballstáit síos rialacha maidir le smachtbhannaí airgid agus bearta riaracháin agus áiritheoidh siad go bhféadfaidh maoirseoirí na smachtbhannaí airgid agus na bearta riaracháin sin a fhorchur i ndáil le sáruithe ar Rialachán (AE) 2024/1624 nó Rialachán (AE) 2023/1113 agus áiritheoidh siad go ndéanfar iad a fhorfheidhmiú. Beidh aon smachtbhanna a fhorchuirfear nó aon bheart a chuirfear i bhfeidhm de bhun na Roinne seo éifeachtach, comhréireach agus athchomhairleach.

3.   De mhaolú ar mhír 2, i gcás nach ndéantar foráil i gcóras dlí Ballstáit maidir le smachtbhannaí riaracháin, féadfar an tAirteagal seo a chur i bhfeidhm ar bhealach go ndéanfaidh an maoirseoir an smachtbhannaí airgid a thionscnamh agus go ndéanfaidh an t-údarás breithiúnach é a fhorchur, agus é á áirithiú acu go mbeidh na leigheasanna dlí sin éifeachtach agus go mbeidh éifeacht choibhéiseach acu leis na smachtbhannaí airgid arna bhforchur ag na maoirseoirí. Ar aon chaoi, na smachtbhannaí airgid a fhorchuirtear, beidh siad éifeachtach, comhréireach agus athchomhairleach.

Cuirfidh na Ballstáit dá dtagraítear sa chéad fhomhír bearta an dlí náisiúnta a ghlacfaidh siad de bhun na míre seo in iúl don Choimisiún faoin .10 Iúil 2027 agus tabharfaidh siad fógra, gan mhoill, faoi aon leasú a dhéanfar orthu ina dhiaidh sin.

4.   I gcás ina sárófar Rialachán (AE) 2024/1624 agus (AE) 2023/1113, áiritheoidh na Ballstáit, i gcás ina mbeidh feidhm ag oibleagáidí maidir le daoine dlítheanacha, gur féidir smachtbhannaí airgid a fhorchur agus bearta riaracháin a chur i bhfeidhm ní hamháin ar an duine dlítheanach, ach ar an mbainistíocht shinsearach agus ar dhaoine nádúrtha eile atá freagrach as an sárú faoin dlí náisiúnta.

I gcás ina sainaithníonn maoirseoirí sáruithe atá faoi réir smachtbhannaí coiriúla, áiritheoidh na Ballstáit freisin go gcuirfidh siad na húdaráis atá inniúil chun gníomhaíochtaí coiriúla a imscrúdú agus a ionchúiseamh ar an eolas ar bhealach tráthúil.

5.   I gcomhréir leis an Treoir seo agus leis an dlí náisiúnta, déanfar smachtbhannaí airgid a fhorchur agus cuirfear bearta riaracháin i bhfeidhm ar aon cheann de na bealaí seo a leanas:

Faoin 10 Deireadh Fómhair 2027, cuirfidh na Ballstáit an fhaisnéis chuig an gCoimisiún agus chuig AMLA a mhéid a bhaineann leis na socruithe a bhaineann le smachtbhannaí airgid a fhorchur nó bearta riaracháin a chur i bhfeidhm de bhun na míre seo, lena n-áirítear, i gcás inarb iomchuí, faisnéis faoi cibé acu is gá nó nach gá dul i muinín nós imeachta sonrach i gcás smachtbhannaí nó bearta áirithe.

6.   Nuair a bheidh cineál agus leibhéal na smachtbhannaí airgid nó na mbeart riaracháin á gcinneadh ag na maoirseoirí, áiritheoidh na Ballstáit go gcuirfidh maoirseoirí san áireamh na himthosca ábhartha go léir, lena n-áirítear, i gcás inarb infheidhme, an méid seo a leanas:

7.   Áiritheoidh na Ballstáit go bhféadfar daoine dlítheanacha a chur faoi dhliteanas i ndáil leis na sáruithe ar Rialachán (AE) 2024/1624 nó ar Rialachán (AE) 2023/1113 arna ndéanamh thar a gceann nó chun a dtairbhe ag aon duine, ag gníomhú ina aonar nó mar chuid de chomhlacht de chuid an duine dhlítheanaigh sin agus a bhfuil post ceannaireachta aige laistigh den duine dlítheanach sin, bunaithe ar aon cheann díobh seo a leanas:

8.   Áiritheoidh na Ballstáit go bhféadfar daoine dlítheanacha a chur faoi dhliteanas i gcás ina bhfágann easpa maoirseachta nó rialaithe ag an duine dá dtagraítear i mír 7 den Airteagal seo gur féidir le duine faoina n-údarás sáruithe a dhéanamh ar Rialachán (AE) 2024/1624 nó ar Rialachán (AE) 2023/1113 thar ceann nó chun tairbhe an duine dhlítheanaigh.

9.   Agus a gcumhachtaí á bhfeidhmiú acu chun smachtbhannaí airgid a fhorchur agus bearta riaracháin a chur i bhfeidhm, rachaidh maoirseoirí go dlúth i gcomhar le chéile agus, i gcás inarb ábhartha, comhordóidh siad a ngníomhaíochtaí le húdaráis eile de réir mar is iomchuí, chun a áirithiú go mbainfidh na smachtbhannaí airgid nó na bearta riaracháin sin amach na torthaí is inmhianaithe agus comhordóidh siad a ngníomhaíocht agus iad ag déileáil le cásanna trasteorann.

10.   Faoin 10 Iúil 2026, forbróidh AMLA dréachtchaighdeáin theicniúla rialála agus cuirfidh sé faoi bhráid an Choimisiúin iad lena nglacadh. Leis na dréachtchaighdeáin theicniúla rialála sin, leagfar amach an méid seo a leanas:

Déantar cumhacht a tharmligean chuig an gCoimisiún chun an Treoir seo a fhorlíonadh trí na caighdeáin theicniúla rialála dá dtagraítear sa chéad fhomhír a ghlacadh i gcomhréir le hAirteagail 49 go 52 de Rialachán (AE) 2024/1620.

11.   Faoin 10 Iúil 2026, eiseoidh AMLA treoirlínte maidir leis na bonnmhéideanna chun smachtbhannaí airgid a fhorchur i gcoibhneas le láimhdeachas, arna miondealú de réir chineál an tsáraithe agus chatagóir na n-eintiteas faoi oibleagáid.