Artikolu 53 Dispożizzjonijiet Ġenerali

1.   L-Istati Membri għandhom jiżguraw li l-entitajiet marbutin b'obbligu jinżammu responsabbli għal ksur tar-Regolamenti (UE) 2024/1624 u (UE) 2023/1113 f'konformità ma din it-Taqsima.

2.   Mingħajr preġudizzju għad-dritt tal-Istati Membri li jipprevedu u jimponu sanzjonijiet kriminali, l-Istati Membri għandhom jistabbilixxu regoli dwar sanzjonijiet pekunarji u miżuri amministrattivi u jiżguraw li s-superviżuri jistgħu jimponu tali sanzjonijiet pekunarji u japplikaw miżuri amministrattivi fir-rigward ta' ksur tar-Regolament (UE) 2024/1624 jew tar-Regolament (UE) 2023/1113 u għandhom jiżguraw li jiġu infurzati. Kwalunkwe sanzjoni imposta jew miżura applikata skont din it-Taqsima għandha tkun effettiva, proporzjonata u dissważiva.

3.   Permezz ta' deroga mill-paragrafu 2, meta l-ordinament ġuridiku ta’ Stat Membru ma jipprevedix sanzjonijiet amministrattivi, dan l-Artikolu jista' jiġi applikat b'tali mod li sanzjoni pekunarja tinbeda mis-superviżur u tiġi imposta minn awtorità ġudizzjarja, filwaqt li jiġi żgurat li dawk ir-rimedji legali jkunu effettivi u jkollhom effett ekwivalenti għas-sanzjonijiet pekunarji imposti mis-superviżuri. Fi kwalunkwe każ, is-sanzjonijiet pekunarji imposti għandhom ikunu effettivi, proporzjonati u dissważivi.

L-Istati Membri msemmija fl-ewwel subparagrafu għandhom jikkomunikaw lill-Kummissjoni il-miżuri tal-liġi nazzjonali li jadottaw skont dan il-paragrafu sal-10 ta’ Lulju 2027 u, mingħajr dewmien, kwalunkwe emenda sussegwenti għalihom.

4.   Fil-każ ta' ksur tar-Regolament (UE) 2024/1624 u (UE) 2023/1113, l-Istati Membri għandhom jiżguraw li fejn l-obbligi japplikaw għall-persuni ġuridiċi, jistgħu jiġu imposti sanzjonijiet pekunarji u jistgħu jiġu applikati miżuri amministrattivi mhux biss għall-persuna ġuridika iżda wkoll għall-maniġment superjuri u persuni fiżiċi oħra li skont id-dritt nazzjonali huma responsabbli għall-ksur.

L-Istati Membri għandhom jiżguraw li meta s-superviżuri jidentifikaw ksur li jkun soġġett għal pieni kriminali, jinformaw lill-awtoritajiet kompetenti għall-investigazzjoni u għall-prosekuzzjoni ta' attivitajiet kriminali tempestivament.

5.   F'konformità ma’ din id-Direttiva u d-dritt nazzjonali, sanzjonijiet pekunjarji għandhom jiġu imposti u miżuri amministrattivi għandhom jiġu applikati fi kwalunkwe mod minn dawn li ġejjin:

Sal-10 ta’ Ottubru 2027, l-Istati Membri għandhom jinnotifikaw lill-Kummissjoni u lill-AMLA l-informazzjoni fir-rigward tal-arranġamenti relatati mal-impożizzjoni ta' sanzjonijiet pekunarji jew mal-applikazzjoni ta’ miżuri amministrattivi skont dan il-paragrafu, inkluż, fejn rilevanti, informazzjoni dwar jekk ċerti sanzjonijiet jew miżuri jeħtiġux ir-rikors għal proċedura speċifika.

6.   L-Istati Membri għandhom jiżguraw li, meta jkunu qed jiddeterminaw it-tip u l-livell tas-sanzjonijiet pekunarji jew tal-miżuri amministrattivi, is-superviżuri jqisu ċ-ċirkostanzi rilevanti kollha, inkluż fejn applikabbli:

7.   L-Istati Membri għandhom jiżguraw li l-persuni ġuridiċi jistgħu jinżammu responsabbli għall-ksur tar-Regolament (UE) 2024/1624 jew ir-Regolament (UE) 2023/1113 imwettaq f'isimhom jew għall-benefiċċju tagħhom minn kwalunkwe persuna, kemm jekk taġixxi waħedha jew bħala parti minn organu ta' dik il-persuna ġuridika, u li għandha pożizzjoni ta' tmexxija f’dik il-persuna ġuridika, abbażi ta' kwalunkwe waħda minn dawn li ġejjin:

8.   L-Istati Membri għandhom jiżguraw li l-persuni ġuridiċi jkunu jistgħu jinżammu responsabbli fejn in-nuqqas ta' superviżjoni jew ta' kontroll minn persuna kif imsemmija fil-paragrafu 7 ta' dan l-Artikolu jkun għamel possibbli il-ksur tar-Regolament (UE) 2024/1624 jew ir-Regolament (UE) 2023/1113 minn persuna taħt l-awtorità tagħhom f'isem, jew għall-benefiċċju ta’, il-persuna ġuridika.

9.   Fl-eżerċizzju tas-setgħat tagħhom li jimponu sanzjonijiet pekunarji u li japplikaw miżuri amministrattivi, is-superviżuri għandhom jikkooperaw mill-qrib, u, fejn rilevanti, jikkoordinaw l-azzjonijiet tagħhom ma' awtoritajiet oħra kif xieraq, biex jiżguraw li dawk is-sanzjonijiet pekunarji jew il-miżuri amministrattivi jagħtu r-riżultati mixtieqa u jikkoordinaw l-azzjoni tagħhom meta jittrattaw ma' każijiet transfruntiera.

10.   Sal-10 ta’ Lulju 2026, l-AMLA għandha tiżviluppa abbozz ta' standards tekniċi regolatorji u tippreżentah lill-Kummissjoni għall-adozzjoni. Dak l-abbozz ta' standards tekniċi regolatorji għandu jistabbilixxi:

Il-Kummissjoni tingħata s-setgħa tissupplimenta din id-Direttiva billi tadotta l-istandards tekniċi regolatorji msemmija fl-ewwel subparagrafu f'konformità mal-Artikoli 49 sa 52 tar-Regolament (UE) 2024/1620.

11.   Sal-10 ta’ Lulju 2026, l-AMLA għandha toħroġ linji gwida dwar l-ammonti bażi għall-impożizzjoni ta' sanzjonijiet pekunarji relattivi għall-fatturat, diżaggregati skont it-tip ta' ksur u l-kategorija tal-entitajiet marbutin b'obbligu.