Airteagal 9 Pleananna réitigh

1.   Áiritheoidh na Ballstáit go ndéanfaidh na húdaráis réitigh, tar éis dóibh dul i gcomhairle leis an údarás maoirseachta, plean réitigh a tharraingt suas le haghaidh gach gnóthais árachais nó athárachais nach cuid de ghrúpa é atá faoi réir pleanáil réitigh de bhun Airteagal 10 agus Airteagal 11, agus a chomhlíonann na coinníollacha a leagtar síos i mír 2 den Airteagal seo. Déanfar foráil sa phlean réitigh maidir leis na gníomhaíochtaí réitigh a fhéadfaidh an t-údarás réitigh a dhéanamh i gcás ina gcomhlíonfaidh an gnóthas árachais nó athárachais na coinníollacha maidir le réiteach dá dtagraítear in Airteagal 19(1) nó Airteagal 20(3).

2.   Déanfaidh na húdaráis réitigh pleananna réitigh a tharraingt suas le haghaidh gnóthais árachais agus athárachais a measann siad ina leith gur dóchúla, i gcomparáid le gnóthais eile faoina sainchúram, go mbeadh an ghníomhaíocht réitigh chun leasa an phobail dá dtagraítear in Airteagal 19(5) i gcás ina gclisfeadh ar an ngnóthas lena mbaineann, nó a measann na húdaráis ina leith go bhfuil feidhm chriticiúil acu. Cuirfear san áireamh sa mheasúnuithe sin, ar a laghad, an gá atá le cuspóirí réitigh a bhaint amach agus méid, samhail ghnó, próifíl riosca, idirnascthacht, inionadaitheacht an ghnóthais agus go háirithe a ghníomhaíocht trasteorann.

Ar bhonn na measúnuithe dá dtagraítear sa chéad fhomhír, áiritheoidh na húdaráis réitigh go mbeidh ar a laghad 40 % de mhargadh árachais agus athárachais saoil an Bhallstáit agus ar a laghad 40 % de mhargadh árachais agus athárachais an Bhallstáit nach árachas saoil é – an sciar den mhargadh árachais saoil bunaithe ar ollfhorálacha teicniúla agus an sciar den mhargadh árachais nach árachas saoil é bunaithe ar ollphréimheanna i scríbhinn – faoi réir cheanglais na pleanála réitigh. Agus leibhéal cumhdaigh an mhargaidh á ríomh, féadfar foghnóthais grúpa a chur san áireamh i gcás ina bhfuil na foghnóthais sin cumhdaithe sa phlean réitigh grúpa.

Ní bheidh gnóthais bheaga neamhchasta faoi réir cheanglais na pleanála réitigh, ach amháin i gcás ina measfaidh an t-údarás réitigh go bhfuil riosca ar leith ag baint le gnóthas mar sin ar an leibhéal náisiúnta nó réigiúnach.

3.   I gcás ina gcuireann an gnóthas árachais nó athárachais lena mbaineann gníomhaíochtaí suntasacha trasteorann i gcrích, soláthróidh na húdaráis réitigh bhaile an dréachtphlean réitigh do na húdaráis mhaoirseachta nó réitigh óstacha. Féadfaidh na húdaráis mhaoirseachta nó réitigh óstacha scrúdú a dhéanamh ar an dréachtphlean réitigh chun aon ghníomhaíocht sa dréachtphlean réitigh a shainaithint a d’fhéadfadh tionchar díobhálach a imirt ar shealbhóirí polasaí, ar an bhfíorgheilleagar nó ar chobhsaíocht airgeadais ina mBallstát agus chun moltaí a dhéanamh don údarás réitigh baile maidir leis na hábhair sin. Tabharfaidh an t-údarás réitigh baile freagra réasúnaithe maidir lena chinneadh na moltaí a leanúint nó gan iad a leanúint. I gcás nach gcuireann an t-údarás réitigh baile moltaí an údaráis maoirseachta óstaigh nó réitigh óstaigh san áireamh i gceart, féadfaidh an t-údarás maoirseachta nó réitigh óstach an t-ábhar a tharchur chuig EIOPA i gcomhréir le hAirteagal 31(2), pointe (c), de Rialachán (AE) Uimh. 1094/2010.

4.   Agus na roghanna á sonrú le haghaidh cur i bhfeidhm uirlisí agus cumhachtaí réitigh, cuirfear san áireamh i bpleananna réitigh cásanna réitigh ábhartha, lena n-áirítear an cás inar cliseadh neamhghnách é cliseadh an ghnóthais árachais nó athárachais agus an cás ina dtarlaíonn sé tráth éagobhsaíochta airgeadais níos leithne nó tráth teagmhas sistéamach.

Ní ghlacfar leis sna pleananna réitigh go mbeidh aon tacaíocht airgeadais phoiblí urghnách ann seachas, i gcás ina bhfuil a leithéid ar fáil, scéimeanna ráthaíochta árachais nó aon socrú maoiniúcháin eile a úsáid.

5.   Déanfaidh na húdaráis réitigh athbhreithniú ar na pleananna réitigh agus, i gcás inar gá, tabharfaidh siad cothrom le dáta iad gach 2 bhliain ar a laghad, agus in aon chás:

Aon imeacht a fhágann gur gá athbhreithniú a dhéanamh ar an bplean réitigh nó é a thabhairt cothrom le dáta, cuirfidh gnóthais árachais agus athárachais agus údaráis mhaoirseachta in iúl do na húdaráis réitigh é.

6.   Gan dochar d’Airteagal 4, leagfar amach sna pleananna réitigh roghanna chun na huirlisí réitigh a chur i bhfeidhm maidir leis an ngnóthas árachais nó athárachais agus chun cumhachtaí réitigh a fheidhmiú ina leith. Áireofar na nithe seo a leanas ar fad sna pleananna réitigh, agus iad cainníochtaithe nuair is iomchuí agus nuair is féidir:

Nochtfar an achoimre ar phríomhghnéithe an phlean don ghnóthas árachais nó athárachais.

7.   Déanfaidh an t-údarás réitigh na pleananna réitigh agus aon athrú orthu sin a tharchur chuig na húdaráis mhaoirseachta lena mbaineann.

8.   Déanfaidh EIOPA dréachtchaighdeáin theicniúla rialála a fhorbairt lena sonraítear a thuilleadh ábhar an phlean réitigh.

Cuirfidh EIOPA na dréachtchaighdeáin theicniúla rialála sin faoi bhráid an Choimisiúin faoin 29 Iúil 2026.

Tarmligtear chuig an gCoimisiún an chumhacht chun an Treoir seo a fhorlíonadh trí na caighdeáin theicniúla rialála dá dtagraítear sa chéad fhomhír a ghlacadh i gcomhréir le hAirteagail 10 go 14 de Rialachán (AE) Uimh. 1094/2010.

9.   Déanfaidh EIOPA, faoin 29 Eanáir 2027, treoirlínte a eisiúint i gcomhréir le hAirteagal 16 de Rialachán (AE) Uimh. 1094/2010 lena sonraítear a thuilleadh na critéir maidir le sainaithint na bhfeidhmeanna criticiúla.