Airteagal 29 Forálacha sonracha maidir le taiscí ELTIF arna mhargú le hinfheisteoirí miondíola

Maidir leis na sócmhainní a bheidh faoi choimeád ag taiscí ELTIF, ní cheadófar iad a athúsáid ach amháin ar choinníoll:

Margadhluach na sócmhainní athúsáidte móide préimh ar a laghad a bheidh i gcónaí i margadhluach na comhthaobhachta dá dtagraítear i bpointe (d) den dara fomhír.

Cuirfear an comhaontú dá dtagraítear sa chéad fhomhír ar fáil do na sealbhóirí aonad nó na sealbhóirí scaireanna go léir arna iarraidh sin agus saor in aisce. I gcás ina bhfuil an máistir-ELTIF agus an ELTIF fothaire araon á mbainistiú ag bainisteoir céanna an ELTIF, féadfar an comhaontú a ionadú le rialacha inmheánacha maidir le gnó a dhéanamh lena n-áirithítear comhlíonadh cheanglais na míre seo.

I gcás ina gcomhlíonann siad ceanglais na míre seo, ní bhfaighfear go bhfuil taisclann an mháistir-ELTIF ná taisclann an ELTIF fothaire ag sárú aon rialacha lena gcuirtear srian le nochtadh faisnéise nó a bhaineann le cosaint sonraí i gcás ina ndéantar foráil do rialacha den sórt sin i gconradh nó i bhforáil reachtaíocht, rialúcháin nó riaracháin. Ní bheidh comhlíonadh den sórt sin ina chúis le haon dliteanas ar thaobh na taisclainne sin ná aon duine a ghníomhaíonn thar a ceann.

Beidh an ELTIF fothaire nó, i gcás inarb infheidhme, bainisteoir an ELTIF fothaire, i gceannas ar aon fhaisnéis faoin máistir-ELTIF is gá chun dualgais thaisclann an ELTIF fothaire a chur i gcrích a chur in iúl do thaisclann an ELTIF fothaire. Cuirfidh taisclann an mháistir-ELTIF údaráis inniúla Bhallstát baile an mháistir-ELTIF, údaráis inniúla Bhallstát baile an ELTIF fothaire nó, i gcás inarb infheidhme, údaráis inniúla Bhallstát baile bhainisteoir agus thaisclann an ELTIF fothaire ar an eolas láithreach faoi aon neamhrialtachtaí a bhraitheann sé maidir leis an máistir-ELTIF ar neamhrialtachtaí iad a meastar go bhfuil tionchar diúltach acu ar an ELTIF fothaire.