Airteagal 45 Neamhchomhlíonadh a láimhseáil

1.   I gcás ina bhfaighidh údarás faireachais margaidh amach go bhfuil neamh-chomhlíonadh ann, cuirfidh sé de cheangal ar mhonaróir an chórais RTS lena mbaineann, ar a ionadaí údaraithe agus ar gach oibreoir eacnamaíoch ábhartha eile, gníomhaíocht cheartaitheach leordhóthanach a ghlacadh, faoi spriocdháta sonrach, chun an córas RTS a thabhairt chun comhréireachta. Áirítear na nithe seo a leanas ar fhionnachtana neamhchomhlíonta den sórt sin, ach níl siad teoranta dóibh:

2.   I gcás nach nglacann monaróir an chórais RTS, a ionadaí údaraithe nó aon oibreoir eacnamaíoch ábhartha eile gníomhaíocht cheartaitheach leordhóthanach laistigh de thréimhse ama réasúnta, déanfaidh na húdaráis faireachais margaidh gach beart sealadach iomchuí chun toirmeasc nó srian a chur ar an gcóras RTS ó bheith á chur ar fáil ar an margadh de chuid a mBallstáit, nó chun an córas RTS a aisghairm nó a tharraingt siar ón margadh.

Cuirfidh na húdaráis faireachais margaidh an Coimisiún agus údaráis faireachais margaidh na mBallstát eile ar an eolas, gan mhoill, maidir leis na bearta sealadacha sin. Áireofar san fhaisnéis sin na sonraí uile atá ar fáil, go háirithe na sonraí is gá chun córas RTS neamhchomhlíontach a shainaithint, tionscnamh an chórais RTS sin, an cineál neamhchomhlíontachta a líomhnaítear agus an riosca a bhaineann leis, cineál agus fad na mbeart a rinne na húdaráis faireachais margaidh agus na hargóintí a chuir an t-oibreoir eacnamaíoch ábhartha chun tosaigh. Tabharfaidh na húdaráis faireachais margaidh le fios go háirithe cé acu a tharla nó nár tharla an neamhchomhlíontacht i ngeall ar aon cheann de na nithe seo a leanas:

3.   Déanfaidh údaráis faireachais margaidh seachas na húdaráis faireachais margaidh a bhfuil an nós imeachta á thionscnamh aige faoin Airteagal seo an Coimisiún agus na Ballstáit eile a chur ar an eolas, gan mhoill, maidir le haon bhearta a glacadh agus maidir le haon fhaisnéis bhreise a mbeidh fáil acu uirthi agus a bhaineann le neamhchomhlíonadh an chórais RTS lena mbaineann, agus, i gcás easaontais leis an mbeart náisiúnta a glacadh, maidir lena gcuid agóidí.

4.   Más rud é, laistigh de 3 mhí ón bhfaisnéis dá dtagraítear sa dara fomhír de mhír 2 a fháil, nach ndéanann údarás faireachais margaidh ó Bhallstát eile ná an Coimisiún agóid in aghaidh beart sealadach a rinne údarás faireachais margaidh, measfar go bhfuil údar leis an mbeart sin.

5.   I gcás ina leanfaidh an neamhchomhlíonadh dá dtagraítear i mír 1, déanfaidh an t-údarás faireachais margaidh lena mbaineann na bearta iomchuí uile is gá chun cosc nó srian a chur ar an gcóras RTS ó bheith á chur ar fáil ar an margadh nó chun a áirithiú go n-aisghairfear é nó go dtarraingeofar siar ón margadh é.