Airteagal 67 Iarratas ar rochtain ar shonraí shláinte

(a)

céannacht an iarratasóra ar shonraí sláinte, tuairisc ar fheidhmeanna agus gníomhaíochtaí gairmiúla an iarratasóra ar shonraí sláinte sin, lena n-áirítear céannacht na ndaoine nádúrtha a mbeadh rochtain acu ar na sonraí leictreonacha sláinte, má eisíodh cead sonraí; tabharfaidh an t-iarratasóir ar shonraí sláinte fógra don chomhlacht rochtana sonraí sláinte faoi aon nuashonrú a dhéantar ar liosta na ndaoine nádúrtha;

(b)

na críocha dá dtagraítear in Airteagal 53(1) a bhfuil iarratas ar rochtain ar shonraí déanta ina leith;

(c)

míniú mionsonraithe ar úsáid bheartaithe na sonraí leictreonacha sláinte agus ar an sochar ionchasach a bhaineann leis an úsáid sin agus conas a rannchuideodh an tairbhe sin leis na críocha dá dtagraítear in Airteagal 53(1);

(d)

tuairisc ar na sonraí leictreonacha sláinte a iarradh, lena n-áirítear a raon feidhme agus ama, a bhformáid, foinsí agus, i gcás inar féidir, an cumhdach geografach i gcás ina n-iarrann sealbhóirí sonraí sláinte i roinnt Ballstát nó rannpháirtithe údaraithe in SonraíSláinte@AE (HealthData@EU) dá dtagraítear in Airteagal 75; den sórt sin;

(e)

tuairisc lena mínítear cibé acu atá nó nach bhfuil gá leis na sonraí leictreonacha sláinte a chur ar fáil i bhformáid ina bhfuil ainm bréige curtha i bhfeidhm nó atá anaithnidithe; agus i gcás formáid ina bhfuil ainm bréige curtha i bhfeidhm, réasúnú ar cén fáth nach féidir an phróiseáil a dhéanamh trí úsáid a bhaint as sonraí anaithnidithe;

(f)

i gcás ina bhfuil sé beartaithe ag an iarratasóir ar shonraí sláinte tacair sonraí atá i seilbh an iarratasóra ar shonraí sláinte sin cheana féin a thabhairt isteach sa timpeallacht shlán phróiseála, tuairisc ar na tacair sonraí sin;

(g)

tuairisc ar na coimircí atá beartaithe, atá le bheith i gcomhréir leis na rioscaí, chun aon mhí-úsáid a bhaintear as na sonraí leictreonacha sláinte a chosc, chomh maith le cearta agus leasanna an tsealbhóra sonraí sláinte agus na ndaoine nádúrtha lena mbaineann a chosaint, lena n-áirítear chun cosc a chur ar aon ath-shainaithint daoine nádúrtha sa tacar sonraí;

(h)

léiriú a bhfuil bonn cirt leis ar an tréimhse ama ar lena linn a bheidh gá leis na sonraí leictreonacha sláinte chun próiseáil a dhéanamh i dtimpeallacht shlán phróiseála;

(i)

tuairisc ar na huirlisí agus na hacmhainní ríomhaireachta a bheidh ag teastáil le haghaidh timpeallacht shlán phróiseála;

(j)

i gcás inarb infheidhme, faisnéis faoi aon mheasúnú ar na gnéithe eiticiúla den phróiseáil, a cheanglaítear faoin dlí náisiúnta, a d’fhéadfadh teacht in ionad mheasúnú eitice an iarratasóra ar shonraí sláinte féin;

(k)

i gcás ina bhfuil sé beartaithe ag an iarratasóir ar shonraí sláinte úsáid a bhaint as eisceacht faoi Airteagal 71(4), an bonn cirt a cheanglaítear leis an dlí náisiúnta de bhun an Airteagail sin.