IARSCRÍBHINN Gnéithe inréiteachta

(a)

a mhéid a sainaithníodh na hidirthuilleamaíochtaí ábhartha inmheánacha agus seachtracha, airgeadais agus oibríochtúla uile trí thagairt a dhéanamh do gach seirbhís agus ról ábhartha, lena n-áirítear an fhoireann, agus mapáilte ar eintitis dhlítheanacha, feidhmeanna criticiúla, príomhlínte gnó agus socruithe conarthacha gaolmhara;

(b)

a mhéid atá socruithe oibríochtúla leordhóthanacha i bhfeidhm chun leanúnachas na seirbhísí ábhartha a áirithiú is gá chun feidhmeanna criticiúla a chaomhnú, agus na príomhlínte gnó is gá chun an ghníomhaíocht réitigh a chur chun feidhme go héifeachtach agus aon athstruchtúrú ina dhiaidh sin a dhéanamh, go háirithe trí aistrithe féideartha sócmhainní, ceart nó dliteanas, ról agus foirne a éascú;

(c)

a mhéid a rinneadh measúnú cuimsitheach ar rioscaí don leanúnachas oibríochtúil i gcás réitigh, lena n-áirítear faisnéis cháilíochtúil agus chainníochtúil lenar féidir criticiúlacht na seirbhísí ábhartha a shainaithint, lena n-áirítear an tionchar a bheadh ag briseadh nó scor na seirbhísí ábhartha i gcás réitigh agus a n-inionadaitheacht;

(d)

a mhéid a maolaíodh rioscaí don leanúnachas oibríochtúil go héifeachtach agus bearta a bheith ann chun ullmhacht le haghaidh réitigh a fheabhsú, lena n-áirítear maidir le forfheidhmiú socruithe leanúnachais le soláthraithe seachtracha tríú páirtí seirbhísí ábhartha;

(a)

a mhéid a rinne gnóthais nó grúpaí foinsí castachta míchuí a shainaithint, a laghdú agus, i gcás inar gá, a bhaint den struchtúr atá acu agus dá gcórais faisnéise, ar foinsí iad a bhfuil riosca ag baint leo do chur chun feidhme na gníomhaíochta réitigh, go háirithe leis an gcuspóir scaradh agus aistriú feidhmeanna criticiúla agus príomhlínte gnó a éascú;

(b)

a mhéid atá aistrí nó ceannaitheoir ar fáil do phunann nó gnó an ghnóthais;

(a)

a mhéid atá cumas ionsúcháin caillteanais agus cumas athchaipitilithe ann agus measúnú a dhéanamh an leor an cumas sin chun an plean réitigh a chur chun feidhme, lena n-áirítear infhaighteacht aon scéimeanna ráthaíochta árachais nó socruithe maoiniúcháin agus an inchreidteacht go mbeidh sealbhóir an chumais ionsúcháin caillteanais in ann caillteanais a iompar;

(b)

a mhéid atá socruithe leordhóthanacha ann chun aitheantas agus éifeachtacht trasteorann gníomhaíochtaí réitigh a áirithiú;

(c)

a mhéid is ann do shocruithe leordhóthanacha rialachais, próisis inmheánacha agus córais faisnéise bainistíochta chun tacú le forghníomhú oibríochtúil na díluachála nó an chomhshó, lena n-áirítear chun tacú le haistriú punann;

(a)

a mhéid a d’fhéadfadh riachtanais leachtachta i gcás réitigh teacht as samhail ghnó an ghnóthais nó an ghrúpa;

(b)

a mhéid atá próisis agus cumais chun (i) meastachán a dhéanamh ar na riachtanais leachtachta agus ar na riachtanais chistiúcháin chun an straitéis réitigh a chur chun feidhme, (ii) an staid leachtachta i réiteach a thuairisciú agus (iii) an chomhthaobhacht atá ar fáil a shainaithint agus a shlógadh ann agus is féidir iad a úsáid chun cistiú a fháil le linn an réitigh agus ina dhiaidh.

(a)

a mhéid a chomhlíonann an ghníomhaíocht réitigh na cuspóirí réitigh agus a mhéid atá sí inchreidte, lena n-áirítear meastóireacht ar na tionchair dhóchúla ar shealbhóir polasaí, ar chreidiúnaithe, ar chontrapháirtithe, agus ar fhostaithe;

(b)

a mhéid is féidir meastóireacht leordhóthanach a dhéanamh ar thionchar réiteach an ghnóthais nó an ghrúpa ar an bhfíorgheilleagar nó ar an gcobhsaíocht airgeadais agus an éifeacht ghabhála a shrianadh, agus gníomhaíochtaí féideartha a d’fhéadfadh údaráis tríú tír a dhéanamh á gcur san áireamh;

(c)

a mhéid atá aon socruithe agus aon mhodhanna ann a d’fhéadfadh réiteach a éascú i gcás grúpaí a bhfuil foghnóthais acu atá bunaithe i ndlínsí éagsúla.