ANNESS Dimensjonijiet tar-riżolvibbiltà

(a)

il-punt sa fejn l-interdipendenzi interni u esterni, finanzjarji u operazzjonali rilevanti kollha ġew identifikati b'referenza għas-servizzi u r-rwoli rilevanti kollha, inkluż il-persunal, u mmappjati ma' entitajiet ġuridiċi, funzjonijiet kritiċi, linji ta' negozju ewlenin u arranġamenti kuntrattwali relatati;

(b)

il-punt sa fejn ikunu fis-seħħ arranġamenti operazzjonali adegwati biex tiġi żgurata l-kontinwità tas-servizzi rilevanti li huma meħtieġa għall-preservazzjoni tal-funzjonijiet kritiċi, u l-linji ta' negozju ewlenin meħtieġa għall-implimentazzjoni effettiva tal-azzjoni ta' riżoluzzjoni u kwalunkwe ristrutturar konsegwenti, b'mod partikolari billi jiġu ffaċilitati trasferimenti possibbli ta' assi, drittijiet jew obbligazzjonijiet, rwoli u persunal;

(c)

il-punt sa fejn ir-riskji għall-kontinwità operazzjonali fir-riżoluzzjoni ġew ivvalutati b'mod komprensiv, inkluż informazzjoni kwalitattiva u kwantitattiva li tippermetti li tiġi identifikata l-kritikalità tas-servizzi rilevanti, inkluż l-impatt tal-interruzzjoni jew id-diskontinwità tas-servizzi rilevanti fir-riżoluzzjoni u s-sostitwibbiltà tagħhom;

(d)

il-punt sa fejn ir-riskji għall-kontinwità operazzjonali ġew mitigati b'mod effettiv u l-preżenza ta' miżuri biex tittejjeb it-tħejjija għar-riżoluzzjoni, inkluż fir-rigward tal-infurzar ta' arranġamenti ta' kontinwità ma' fornituri terzi esterni ta' servizzi rilevanti;

(a)

il-punt sa fejn l-impriżi jew il-gruppi jkunu identifikaw, naqqsu u, fejn meħtieġ, neħħew sorsi ta' kumplessità mhux dovuta fl-istruttura u fis-sistemi ta' informazzjoni tagħhom, li joħolqu riskju għall-implimentazzjoni tal-azzjoni ta' riżoluzzjoni, b'mod partikolari bl-objettiv li jiffaċilitaw is-separazzjoni u t-trasferiment ta' funzjonijiet kritiċi u linji ta' negozju ewlenin;

(b)

il-punt sa fejn iċ-ċessjonarju jew ix-xerrej ikunu disponibbli għall-portafoll jew in-negozju tal-impriża;

(a)

il-punt sa fejn teżisti kapaċità ta' assorbiment tat-telf u ta' rikapitalizzazzjoni u l-valutazzjoni ta' jekk tali kapaċità hijiex biżżejjed għall-implimentazzjoni tal-pjan ta' riżoluzzjoni, inkluż id-disponibbiltà ta' kwalunkwe skema ta' garanzija tal-assigurazzjoni jew arranġament ta' finanzjament u l-kredibbiltà li d-detentur tal-kapaċità ta' assorbiment tat-telf ser ikun jista' jassorbi t-telf;

(b)

il-punt sa fejn jeżistu arranġamenti adegwati biex jiġu żgurati r-rikonoxximent u l-effettività transfruntiera tal-azzjonijiet ta' riżoluzzjoni;

(c)

il-punt sa fejn jeżistu arranġamenti ta' governanza, proċessi interni u sistemi ta' informazzjoni maniġerjali adegwati biex jappoġġaw l-eżekuzzjoni operazzjonali tal-valwazzjoni negattiva jew il-konverżjoni, inkluż biex jappoġġaw it-trasferiment ta' portafolli;

(a)

il-punt sa fejn il-mudell tan-negozju tal-impriża jew tal-grupp jista' jwassal għal ħtiġijiet ta' likwidità f'riżoluzzjoni;

(b)

il-punt sa fejn il-proċessi u l-kapaċitajiet biex (i) jagħtu stima tal-ħtiġijiet ta' likwidità u finanzjament għall-implimentazzjoni tal-istrateġija ta' riżoluzzjoni, (ii) ikejlu u jirrapportaw il-pożizzjoni tal-likwidità f'riżoluzzjoni u (iii) jidentifikaw u jimmobilizzaw kollateral disponibbli, jeżistu u jistgħu jintużaw biex jinkiseb finanzjament matul ir-riżoluzzjoni u warajha.

(a)

il-punt sa fejn l-azzjoni ta' riżoluzzjoni tissodisfa l-objettivi ta' riżoluzzjoni u hija kredibbli, inkluż l-evalwazzjoni tal-impatti probabbli fuq id-detenturi ta' poloz, il-kredituri, il-kontropartijiet, u l-impjegati;

(b)

il-punt sa fejn l-impatt tar-riżoluzzjoni tal-impriża jew tal-grupp fuq l-ekonomija reali jew l-istabbiltà finanzjarja jista' jiġi evalwat b'mod adegwat u l-kontaġju jista' jiġi limitat, filwaqt li jitqiesu l-azzjonijiet possibbli li l-awtoritajiet ta' pajjiżi terzi jistgħu jieħdu;

(c)

il-punt sa fejn jeżisti kwalunkwe arranġament u mezz li jista' jiffaċilita r-riżoluzzjoni fil-każijiet ta' gruppi li għandhom impriżi sussidjarji stabbiliti f'ġuriżdizzjonijiet differenti.