12 Luach saothair maidir le feidhmeanna rialaithe

Ba cheart go mbeadh acmhainní leordhóthanacha, eolas agus taithí leordhóthanach ag na feidhmeanna rialaithe inmheánaigh lena gcúraimí maidir le beartas luach saothair an ghnólachta infheistíochta a chomhlíonadh. Ba cheart go gcomhoibreodh na feidhmeanna rialaithe go gníomhach agus go rialta lena chéile agus le feidhmeanna agus coistí ábhartha eile maidir leis an mbeartas luach saothair agus na rioscaí a d’fhéadfadh teacht as beartais luach saothair.

Leis an luach saothair i gcomhair na mball foirne sna feidhmeanna rialaithe ba cheart go mbeadh an gnólacht infheistíochta ábalta pearsanra cáilithe ag a bhfuil taithí a fhostú sna feidhmeanna sin. Ba cheart luach saothair na bhfeidhmeanna rialaithe a shocrú go príomha chun teacht le cineál a bhfreagrachtaí.

Níor cheart go ndéanfaí dochar d’oibiachtúlacht agus neamhspleáchas na foirne leis na modhanna a úsáidtear chun luach saothair inathraithe na bhfeidhmeanna rialaithe a chinneadh, i.e. an fheidhm bhainistíochta riosca, an fheidhm um chomhlíonadh agus an fheidhm iniúchta inmheánaigh.