(i) Catagóirí riosca agus táscairí riosca

Ba cheart don SRT ARW do bhall-institiúid aonair a ríomh bunaithe ar thacar táscairí riosca ó gach ceann de na cúig chatagóir riosca seo a leanas:

• a. Caipiteal: ba cheart go léireodh táscairí leibhéal chumas ionsúcháin caillteanais na ball-institiúide.
• b. Leachtacht agus maoiniú: ba cheart do tháscairí tomhas a dhéanamh ar chumas na ball-institiúide a hoibleagáidí gearrthéarmacha agus fadtéarmacha a chomhlíonadh de réir mar a bhíonn siad dlite gan dochar a dhéanamh dá riocht airgeadais.
• c. Cáilíocht sócmhainní: ba cheart do tháscairí tomhas a dhéanamh ar a mhéid is dóigh a rachaidh caillteanais chreidmheasa i gcion ar an mball-institiúid.
• d. Samhail ghnó agus bainistíocht ghnó: ba cheart do tháscairí tomhas a dhéanamh ar an riosca a eascraíonn as samhail ghnó reatha agus as pleananna straitéiseacha reatha na ball-institiúide, ar cháilíocht rialachas inmheánach agus rialuithe inmheánacha na ball-institiúide.
• e. Caillteanais a d’fhéadfadh a bheith ann don SRT: ba cheart na caillteanais a d’fhéadfadh a bheith ag an SRT mar thoradh ar idirghabháil SRT a bheith léirithe i dtáscairí, caillteanais nach dócha go n-aisghabhfadh an SRT iad.

Croítháscairí riosca

Laistigh de gach catagóir riosca, ba cheart don SRT na croítháscairí riosca a shonraítear i dTábla 1 sa mhodh ríomha a chur san áireamh. Mar eisceacht, féadfaidh an t-údarás inniúil, i gcomhar leis an údarás ainmnithe, príomhtháscaire a eisiamh nó a cheadú don SRT, maidir le cineálacha sonracha institiúidí, ar bhonn bonn cirt nach bhfuil an táscaire sin ar fáil mar gheall ar shaintréithe dlíthiúla nó ar chóras maoirseachta na n-institiúidí sin.

I gcás ina ndéanann an t-údarás inniúil, i gcomhar leis an údarás ainmnithe nó leis an SRT, croítháscaire riosca a bhaint maidir le chineál sonrach ball-institiúide, ba cheart dóibh an t-ionadaí is iomchuí a úsáid don táscaire a baineadh. Ba cheart dóibh a áirithiú go léirítear na rioscaí a bhaineann leis an institiúid don SRT sna táscairí eile a úsáidtear. Ba cheart dóibh a chur san áireamh freisin an gá atá le machaire réidh le ball-institiúidí eile a bhfuil an táscaire eisiata ar fáil dóibh.

Ba cheart do SRT ceachtar den Chóimheas Cumhdaigh Caipitil nó den chóimheas Gnáthchothromais Leibhéal 1 a chur i bhfeidhm mar chroítháscaire.