6 Measúnú a dhéanamh ar eolas agus ar thaithí leordhóthanach chomhchoiteann an orgáin bainistíochta nó riaracháin

I gcás inarb infheidhme, agus measúnú á dhéanamh acu ar eolas agus ar thaithí leordhóthanach chomhchoiteann, ba cheart do sheirbhíseoirí creidmheasa measúnú ar leith a dhéanamh ar chomhdhéanamh an orgáin bainistíochta ina fheidhmeanna bainistíochta agus ina fheidhmeanna maoirseachta.

Ba cheart do sheirbhíseoirí creidmheasa measúnú a dhéanamh trí úsáid a bhaint as a modheolaíocht iomchuí féin i gcomhréir leis na critéir a leagtar amach sna Treoirlínte seo agus na torthaí a dhoiciméadú.

Agus measúnú á dhéanamh ar eolas agus ar thaithí comhalta, ba cheart do sheirbhíseoirí creidmheasa, laistigh den tréimhse chéanna, measúnú a dhéanamh freisin ar oiriúnacht chomhchoiteann an orgáin bainistíochta nó riaracháin. Go háirithe, ba cheart measúnú a dhéanamh ar an eolas agus an taithí a dtugann an duine aonair don chomhlacht comhchoiteann iad nó, i gcás comhalta a d’fhág an t-orgán bainistíochta nó riaracháin, ba cheart an t-eolas agus an taithí a d’fhéadfadh a bheith in easnamh tar éis athrú ar chomhdhéanamh an orgáin.