6 Valutazzjoni tal - għarfien u l - esperjenza adegwati kollettivi tal - organu maniġerjali jew amministrattiv

Fejn applikabbli, fil - valutazzjoni tal - għarfien u l - esperjenza adegwati kollettivi, is - servizzjanti tal - kreditu jenħtieġ li jivvalutaw il - kompożizzjoni tal - organu maniġerjali fil - funzjonijiet maniġerjali u superviżorji tiegħu separatament.

Is - servizzjanti tal - kreditu jenħtieġ li jwettqu valutazzjoni billi jużaw il - metodoloġija xierqa tagħhom stess f’konformità mal - kriterji stabbiliti f’dawn il - Linji Gwida u jiddokumentaw ir - riżultati.

Meta jivvalutaw l - għarfien u l - esperjenza ta’ membru, is - servizzjanti tal - kreditu għandhom, fl - istess perjodu ta’ żmien, jivvalutaw ukoll l - idoneità kollettiva tal - organu maniġerjali jew amministrattiv. B’mod partikolari, għandu jiġi vvalutat liema għarfien u esperjenza l - individwu jżid ma’ dik kollettiva jew, fil - każ ta’ membru li jkun telaq mill - organu maniġerjali jew amministrattiv, l - għarfien u l - esperjenza li jistgħu, wara l - bidla fil - kompożizzjoni tal - organu, ikunu neqsin.