4.1 Breithnithe comhréireachta

Ar mhaithe le comhréireacht, agus chun leibhéal mionsonraithe ábhar agus minicíocht an athbhreithnithe thréimhsiúil ar an bplean fuascailte a chinneadh, ba cheart do na heisitheoirí agus don údarás inniúil na critéir seo a leanas a chur san áireamh:

• i. aicmiú na ARTanna nó na EMTanna mar shuntasach i gcomhréir le hAirteagail 43 agus 44, agus 56 agus 57 de Rialachán (AE) 2023/1114;
• ii. i gcás eisitheoirí ART agus eisitheoirí EMT atá faoi réir an cheanglais cúlchiste sócmhainní a shealbhú faoi Rialachán (AE) 2023/1114, méid, luaineacht, comhdhéanamh, comhchruinniú agus cineál na gcúlsócmhainní agus an AMT nó an EMT féin;
• iii. eisiúintí iomadúla ARTanna nó EMTanna gan íoc ag an eisitheoir céanna;
• iv. eisiúint an ART nó an EMT chéanna ag eisitheoirí iomadúla;
• v. castacht agus próifíl riosca shamhail ghnó an eisitheora, agus aon ghníomhaíocht airgeadais nó neamhairgeadais eile á cur san áireamh.

Maidir le pleananna fuascailte arna bhforbairt ag eisitheoirí ART nó EMT shuntasaigh, nó ag eisitheoirí iomadúla i gcás eisiúint chomhthiomsaithe ART nó EMT, nó ag eisitheoirí a bhfuil eisiúintí iomadúla gan íoc acu nó a bhfuil samhlacha gnó casta acu agus próifíl riosca mhéadaithe acu, de réir mar a chinntear iad, a bhfuil údar leo agus a dtugann údaráis inniúla fógra ina leith, ba cheart dóibh an méid seo a leanas a dhéanamh:

• i. beidh leibhéal méadaithe mionsonraí agus cuimsitheachta acu chun a n-inchreidteacht, a n-indéantacht agus a gcur chun feidhme tráthúil a léiriú; agus
• ii. déanfar iad a athbhreithniú agus a thabhairt cothrom le dáta ar bhonn bliantúil ar a laghad.

Ba cheart d’eisitheoirí nach gcomhlíonann na critéir a leagtar amach i mír 13 an plean fuascailte a athbhreithniú agus a thabhairt cothrom le dáta aon uair a bhíonn tionchar ábhartha ag athrú ar ábhar an phlean fuascailte. Tá sé sin gan dochar d’fhéidearthacht an údaráis inniúil ceangal a chur ar institiúidí a bpleananna fuascailte a thabhairt cothrom le dáta níos minice.