4.3. Comhréireacht

Ba cheart d’institiúidí a n - anailísí ar chásanna a dhíriú ar rioscaí comhshaoil ábhartha. Chun a measúnú ábharthachta a dhéanamh, ba cheart d’institiúidí tagairt a dhéanamh do na Treoirlínte maidir le rioscaí ESG a bhainistiú.

Ba cheart méid sofaisticiúlachta, raon feidhme agus mhinicíocht na hanailíse ar chásanna a bheith i gcomhréir le hábharthacht rioscaí comhshaoil, le staid reatha forbartha agus aibíochta na modheolaíochtaí agus na gcleachtas atá ar fáil, le cumais inmheána cha na hinstitiúide (agus a méid, a samhail ghnó agus castacht a gníomhaíochtaí á gcur san áireamh), chomh maith le tairbhí an chleachtaidh a bhfuiltear ag súil leo. I gcás ina mbeadh cur chuige cainníochtúil mionsonraithe díréireach le cumais na hinstitiúide nó leis na tairbhí a bhfuiltear ag súil leo, d’fhéadfadh institiúidí cur chuige simplithe a mheas. I ndáil leis sin, agus i gcás ina bhfuil údar cuí leis i ndáil le hábharthacht na rioscaí:

• d. Féadfaidh SNCInna a bheith ag brath ar chur chuige cáilíochtúil den chuid is mó le haghaidh anailíse ar chásanna gearrthéarmacha agus fadtéarmacha araon.
• e. Féadfaidh institiúidí seachas institiúidí móra agus institiúidí SNCInna úsáid a bhaint as anailís íogaireachta chun tástáil a dhéanamh ar a n-athléimneacht airgeadais ghearrthéarmach in aghaidh tosca comhshaoil díobhálacha. Maidir leis an anailís athléimne achta fadtéarmaí, féadfaidh siad brath ar chur chuige atá cáilíochtúil den chuid is mó.
• f. I gcás institiúidí móra, féadfar cur chuige simplithe a bheartú i gcomhthéacs anailíse athléimneachta sa mheántéarma agus san fhadtéarma agus i gcomhthéacs rioscaí comhshaoil nach rioscaí aeráide iad, i gcás ina bhféadfadh anailís íogaireachta a bheith ina céadchéim. De réir mar a théann a dtuiscint agus a gcumas chun cinn maidir le rioscaí comhshaoil a bhainistiú, táthar ag súil go ndéanfaidh siad cuir chuige cainníochtúla níos sofaisticiúla a chomhtháthú de réir a chéile.