4. Sna cásanna dá dtagraítear i mír 3 den Airteagal seo, agus faisnéis faoi úinéireacht thairbhiúil á soláthar acu i gcomhréir le hAirteagal 20 den Rialachán seo agus le hAirteagal 10 de Threoir (AE) 2024/1640,soláthróidh eintitis dhlítheanacha an méid seo a leanas:
|
(a)
|
ráiteas nach bhfuil aon úinéir tairbhiúil ann nó nárbh fhéidir na húinéirí tairbhiúla a chinneadh, agus réasúnú ag gabháil leis maidir leis an bhfáth nárbh fhéidir an t-úinéir tairbhiúil a chinneadh i gcomhréir le hAirteagail 51 go 57 den Rialachán seo agus cá bhfuil an éiginnteacht san fhaisnéis a fionnadh;
|
|
(b)
|
mionsonraí gach duine nádúrtha a bhfuil post mar oifigeach bainistíochta sinsearach acu san eintiteas corparáideach nó in eintiteas dlítheanach atá coibhéiseach leis an bhfaisnéis a cheanglaítear faoi Airteagal 62(1), an dara fomhír, pointe (a)), den Rialachán seo.
|
Chun críoch na míre seo, ciallaíonn ‘oifigigh shinsearacha bainistíochta’ na daoine nádúrtha ar comhaltaí feidhmiúcháin den chomhlacht bainistíochta iad, chomh maith leis na daoine nádúrtha a fheidhmíonn feidhmeanna feidhmiúcháin in eintiteas dlítheanach agus atá freagrach as an mbainistíocht ó lá go lá agus atá cuntasach don chomhlacht bainistíochta.