Artikolu 17 Proċedura għall-għoti u r-rifjut tal-awtorizzazzjoni1

Is-CCP ċentrali applikanti għandha tipprovdi l-informazzjoni kollha meħtieġa sabiex turi li hija tkun stabbiliet, fil-ħin tal-awtorizzazzjoni inizjali, l-arranġamenti kollha meħtieġa sabiex tissodisfa r-rekwiżiti stipulati f’dan ir-Regolament. Meta CCP tkun qed tapplika għal estensjoni ta’ awtorizzazzjoni eżistenti skont l-Artikolu 15, hija għandha tipprovdi l-informazzjoni kollha meħtieġa biex turi li fil-mument meta tingħata tali estensjoni hija tkun stabbiliet l-arranġamenti addizzjonali kollha biex tissodisfa kwalunkwe rekwiżit stabbilit f’dan ir-Regolament fir-rigward ta’ tali estensjoni.

F’konformità mal-Artikolu 17c, konferma tal-wasla tal-applikazzjoni għandha tintbagħat permezz tal-bażi tad-data ċentrali fi żmien jumejn ta’ xogħol mit-tressiq ta’ dik l-applikazzjoni skont l-ewwel subparagrafu ta’ dan il-paragrafu.

In-notifika għandha tintbagħat fi żmien:

Meta, matul il-perijodu applikabbli speċifikat skont it-tieni subparagrafu ta’ dan il-paragrafu, l-awtorità kompetenti tas-CCP tiddeċiedi li ma jkunux ġew sottomessi d-dokumenti jew l-informazzjoni kollha meħtieġa skont l-Artikolu 14(6) u (7) jew l-Artikolu 15(3) u (4), hija għandha titlob lis-CCP applikanti tissottometti tali dokumenti jew informazzjoni addizzjonali, permezz tal-bażi ta’ data ċentrali. L-applikazzjoni għall-awtorizzazzjoni jew l-applikazzjoni għall-estensjoni tal-awtorizzazzjoni għandha tiġi miċħuda meta l-awtorità kompetenti tas-CCP tiddeċiedi li s-CCP applikanti tkun naqset milli tikkonforma ma’ kwalunkwe talba bħal din. L-awtorità kompetenti tas-CCP għandha tgħarraf lis-kCCPb’dan permezz tal-bażi ta’ data ċentrali.

Il-valutazzjoni tar-riskju għandha ssir fi żmien:

Sa tmiem il-perjodu ta’ valutazzjoni tar-riskju, l-awtorità kompetenti tas-CCP għandha tissottometti l-abbozz ta’ deċiżjoni tagħha u tirrapporta lill-AETS u lill-kulleġġ imsemmi fl-Artikolu 18 permezz tal-bażi ta’ data ċentrali.

Wara li jirċievi l-abbozz ta’ deċiżjoni u r-rapport imsemmija fit-tielet subparagrafu ta’ dan il-paragrafu, u abbażi tas-sejbiet fihom, il-kulleġġ imsemmi fl-Artikolu 18 għandu fi żmien 15-il jum ta’ xogħol jadotta opinjoni skont l-Artikolu 19 li tiddetermina jekk is-CCP applikanti tikkonformax mar-rekwiżiti stabbiliti f’dan ir-Regolament u jibgħatha lill-awtorità kompetenti tas-CCP u lill-AETS f’format elettroniku permezz tal-bażi tad-data ċentrali.

Il-kulleġġ imsemmi fl-Artikolu 18 jista’ jinkludi fl-opinjoni tiegħu kwalunkwe kundizzjoni jew rakkomandazzjoni li jqis meħtieġa sabiex jiġi mmitigat kwalunkwe nuqqas fil-ġestjoni tar-riskji tas-CCP.

Wara li tirċievi l-abbozz ta’ deċiżjoni u r-rapport imsemmija fit-tielet subparagrafu ta’ dan il-paragrafu, l-AETS għandha fi żmien 15-il jum tax-xogħol tadotta opinjoni li tiddetermina jekk is-CCP applikanti tikkonformax mar-rekwiżiti stabbiliti f’dan ir-Regolament f’konformità mal-Artikolu 23a(1), il-punt (e), l-Artikolu 23a(2), u l-Artikolu 24a(7), l-ewwel subparagrafu, il-punt (bc), u tibgħatha lill-awtorità kompetenti tas-CCP u lill-kulleġġ imsemmi fl-Artikolu 18.

Fl-opinjoni tagħha, l-AETS tista’ tinkludi kwalunkwe kundizzjoni jew rakkomandazzjoni li tqis meħtieġa sabiex ittaffi kwalunkwe nuqqas fil-ġestjoni tar-riskji tas-CCP b’rabta mar-riskji transfruntiera identifikati jew mar-riskji għall-istabbiltà finanzjarja tal-Unjoni;

Meta l-abbozz tad-deċiżjoni ppreżentat lill-AETS f’konformità mal-paragrafu 3 ta’ dan l-Artikolu juri nuqqas ta’ konverġenza jew ta’ koerenza fl-applikazzjoni ta’ dan ir-Regolament, l-AETS għandha toħroġ linji gwida jew rakkomandazzjonijiet biex tippromwovi l-konsistenza jew il-koerenza meħtieġa fl-applikazzjoni ta’ dan ir-Regolament skont l-Artikolu 16 tar-Regolament (UE) Nru 1095/2010.

L-opinjonijiet adottati tal-AETS u tal-kulleġġ imsemmija fl-Artikolu 18 għandhom jiġu sottomessi f’format elettroniku permezz tal-bażi tad-data ċentrali, lir-riċevituri rispettivi.

Meta l-awtorità kompetenti tas-CCP ma tkunx ipprovdiet l-informazzjoni mitluba lill-AETS jew lil kwalunkwe membru tal-kulleġġ imsemmi fl-Artikolu 18 fi żmien 10 ijiem ta’ xogħol mit-tressiq tat-talba, l-AETS jew kwalunkwe membru ta’ dak il-kulleġġ imsemmi fl-Artikolu 18 jista’ jippreżenta t-talba tiegħu direttament lis-CCP permezz tal-bażi ta’ data ċentrali.

Meta s-CCP applikanti ma tkunx wieġbet għall-mistoqsijiet imsemmija fl-ewwel subparagrafu sal-iskadenza stabbilita mill-awtorità li titlob l-informazzjoni, l-awtorità kompetenti tas-CCP, wara li tikkonsulta lill-awtorità rikjedenti, tista’ tiddeċiedi li testendi darba l-perjodu rilevanti ta’ valutazzjoni tar-riskju b’massimu ta’ 10 ijiem tax-xogħol b’kollox jekk, fil-fehma tagħha jew fil-fehma tal-awtorità rikjedenti, kwalunkwe waħda mill-mistoqsijiet tkun materjali għall-valutazzjoni. L-awtorità kompetenti għandha tinforma lis-CCP applikanti, permezz tal-bażi tad-data ċentrali, bl-estensjoni pprovduta. L-awtorità kompetenti tista’ tieħu deċiżjoni dwar l-applikazzjoni fin-nuqqas tat-tweġiba tas-CCP.

Meta d-deċiżjoni tall-awtorità kompetenti tas-CCP ma tirriflettix l-opinjoni tal-kulleġġ imsemmi fl-Artikolu 18, inkluża kwalunkwe kundizzjoni jew rakkomandazzjoni li tinsab fiha, id-deċiżjoni għandu jkun fiha spjegazzjoni motivata bis-sħiħ ta’ kwalunkwe devjazzjoni sinifikanti minn dik l-opinjoni jew mill-kundizzjonijiet jew mir-rakkomandazzjonijiet.

Meta l-awtorità kompetenti tas-CCP ma tikkonformax jew ma jkollhiex l-intenzjoni li tikkonforma ma’ opinjoni tal-AETS jew ma’ kwalunkwe kundizzjoni jew rakkomandazzjoni inklużi fiha, l-AETS għandha tinforma lill-Bord tas-Superviżuri skont l-Artikolu 24a. L-informazzjoni għandha tinkludi wkoll ir-raġunament mill-awtorità kompetenti tas-CCP għan-nuqqas ta’ konformità jew għall-intenzjoni tagħha li ma tikkonformax.

Meta CCP tapplika għal estensjoni ta’ awtorizzazzjoni eżistenti skont l-Artikolu 15, l-AETS, il-kulleġġ imsemmi fl-Artikolu 18 u l-awtorità kompetenti tas-CCP jistgħu jiddependu fuq parti mill-valutazzjoni li tkun saret qabel skont dan l-Artikolu sal-punt li l-applikazzjoni għal estensjoni ma tirriżultax f’bidla jew b’xi mod ieħor taffettwa l-valutazzjoni preċedenti għal dik il-parti. Is-CCP għandha tikkonferma lill-awtorità kompetenti tas-CCP li ma hemm l-ebda bidla fil-fatti sottostanti ta’ dik il-parti tal-valutazzjoni.

IS-CCP applikanti ma għandhiex tiġi awtorizzata meta:

L-opinjoni konġunta msemmija fit-tielet subparagrafu, il-punt (b), ta’ dan il-paragrafu, għandha tiddikjara bil-miktub ir-raġunijiet sħaħ u dettaljati għaliex il-kulleġġ imsemmi fl-Artikolu 18 iqis li r-rekwiżiti stipulati f’dan ir-Regolament jew fi dritt ieħor tal-Unjoni ma ġewx issodisfati.

Meta tali opinjoni konġunta ma tkunx intlaħqet bi ftehim reċiproku u maġġoranza ta’ żewġ terzi tal-membri tal-kulleġġ imsemmi fl-Artikolu 18 ikunu esprimew opinjoni negattiva, kwalunkwe waħda mill-awtoritajiet kompetenti kkonċernati, abbażi ta’ dik il-maġġoranza, tista’, fi żmien 30 jum kalendarju mill-adozzjoni ta’ dik l-opinjoni negattiva, tirreferi l-kwistjoni lill-AETS f’konformità mal-Artikolu 19 tar-Regolament (UE) Nru 1095/2010.

Id-deċiżjoni li l-kwistjoni tiġi riferuta lill-AETS għandha tiddikjara bil-miktub ir-raġunijiet sħaħ u dettaljati għaliex il-membri rilevanti tal-kulleġġ imsemmi fl-Artikolu 18 iqisu li r-rekwiżiti stipulati f’dan ir-Regolament jew f’partijiet oħrajn tal-liġi tal-Unjoni ma ġewx issodisfati. F’dak il-każ, l-awtorità kompetenti tas-CCP għandha tiddifferixxi d-deċiżjoni tagħha dwar l-awtorizzazzjoni u tistenna kwalunkwe deċiżjoni dwar l-awtorizzazzjoni li l-AETS tista’ tieħu f’konformità mal-Artikolu 19(3) tar-Regolament (UE) Nru 1095/2010. L-awtorità kompetenti tas-CCP għandha tieħu d-deċiżjoni tagħha f’konformità mad-deċiżjoni tal-AETS. Il-kwistjoni ma għandhiex tiġi riferuta lill-AETS wara t-tmiem tal-perjodu ta’ 30 jum imsemmi fil-ħames subparagrafu ta’ dan il-paragrafu.

Meta l-membri kollha tal-kulleġġ imsemmi fl-Artikolu 18, minbarra l-awtoritajiet tal-Istat Membru fejn tkun stabbilita s-CCP applikanti, jaslu għal opinjoni konġunta bi ftehim reċiproku, skont l-Artikolu 19(1), li s-CCP applikanti ma għandhiex tkun awtorizzata, l-awtorità kompetenti tas-CCP tista’ tirreferi l-kwistjoni lill-AETS f’konformità mal-Artikolu 19 tar-Regolament (UE) Nru 1095/2010.

L-awtorità kompetenti tal-Istat Membru fejn tkun stabbilita s-CCP għandha tibgħat id-deċiżjoni lill-awtoritajiet kompetenti kkonċernati l-oħrajn.

L-awtorità kompetenti għandha, mingħajr dewmien żejjed wara li tieħu deċiżjoni dwar jekk tagħtix jew tirrifjutax awtorizzazzjoni skont il-paragrafu 3c, tinforma lis-CCP applikanti bil-miktub bid-deċiżjoni tagħha permezz tal-bażi tad-data ċentrali, flimkien ma’ spjegazzjoni motivata bis-sħiħ.

L-AETS tista’ tinvestiga allegazzjoni ta’ ksur jew nuqqas ta’ applikazzjoni tal-liġi tal-Unjoni fuq talba minn kwalunkwe membru tal-kulleġġ jew bl-inizjattiva tagħha stess, wara li tkun infurmat lill-awtorità kompetenti.