+Artikolu 85 Rapporti u Reviżjoni
---+Artikolu 85 1.
---+Artikolu 85 1a.
---+Artikolu 85 3.
---+Artikolu 85 3a.
---+Artikolu 85 5.
---+Artikolu 85 6.
---+Artikolu 85 7.
---+Artikolu 85 8.
---+Artikolu 85 9.
---+Artikolu 85 10.
---+Artikolu 85 11.
---+Artikolu 85 12.
---+Artikolu 85 13.
---+Artikolu 85 14.

Artikolu 85 Rapporti u Reviżjoni

1. Ħarsa ġenerali

,
Artikolu 85 1.
Sal-25 ta’ Diċembru 2029, il-Kummissjoni għandha tivvaluta l-applikazzjoni ta’ dan ir-Regolament u tipprepara rapport ġenerali. Il-Kummissjoni għandha tissottometti dak ir-rapport lill-Parlament Ewropew u lill-Kunsill, flimkien ma’ kwalunkwe proposta xierqa.
Artikolu 85 1a.

Sas-17 ta' Ġunju 2023 l-AETS għandha tippreżenta rapport lill-Kummissjoni dwar dawn li ġejjin:

(a) 

l-impatt tar-Regolament (UE) 2019/834 tal-Parlament Ewropew u tal-Kunsill ( 30 ) fuq il-livell tal-ikklerjar minn kontropartijiet finanzjarji u mhux finanzjarji u fuq id-distribuzzjoni tal-ikklerjar f'kull tip ta' kontroparti, b'mod partikolari fir-rigward tal-kontropartijiet finanzjarji li jkollhom b'volum limitat ta' attività f'derivattivi OTC u fir-rigward tal-adegwatezza tal-limiti ta' kklerjar imsemmija fl-Artikolu 10(4);

(b) 

l-impatt tar-Regolament (UE) 2019/834 fuq il-kwalità u l-aċċessibbiltà tad-data rapportata lir-repożitorji tad-data dwar it-tranżazzjonijiet, kif ukoll il-kwalità tal-informazzjoni li ssir disponibbli mir-repożitorji tad-data dwar it-tranżazzjonijiet;

(c) 

il-bidliet lill-qafas ta' rappurtar, inkluż l-adozzjoni u l-implimentazzjoni tar-rappurtar delegat kif stipulat fl-Artikolu 9(1a) u b'mod partikolari l-impatt tagħha fuq il-piż tar-rappurtar għall-kontropartijiet mhux finanzjarji li huma soġġetti għall-obbligu ta' kklerjar;

(d) 

l-aċċessibbiltà ta' servizzi ta' kklerjar, b'mod partikolari jekk ir-rekwiżit li jiġu pprovduti servizzi ta' kklerjar, direttament jew indirettament, skont termini kummerċjali ġusti, raġonevoli, mhux diskriminatorji u trasparenti msemmija fl-Artikolu 4(3a) kienx effettiv fl-iffaċilitar tal-aċċess għall-ikklerjar.
Artikolu 85 3.

Sat-18 ta' Diċembru 2020 il-Kummissjoni għandha tħejji rapport li jivvaluta:

(a) 

jekk l-obbligi li jiġu rrappurtati tranżazzjonijiet skont l-Artikolu 26 tar-Regolament (UE) Nru 600/2014 u skont dan ir-Regolament joħolqux obbligu doppju ta' rappurtar ta' tranżazzjoni għal derivattivi mhux ta' OTC u jekk ir-rappurtar ta' tranżazzjonijiet mhux ta' OTC jistax jitnaqqas jew jiġi ssimplifikat għall-kontropartijiet kollha mingħajr telf mhux debitu ta' informazzjoni;

(b) 

in-neċessità u l-adegwatezza ta' allinjament tal-obbligu tan-negozjar għad-derivattivi skont ir-Regolament (UE) Nru 600/2014 mat-tibdil magħmul skont ir-Regolament (UE) 2019/834 għall-obbligu tal-ikklerjar għad-derivattivi, b'mod partikolari għall-ambitu tal-entitajiet li huma soġġetti għall-obbligu tal-ikklerjar;

(c) 

jekk xi tranżazzjonijiet li jirriżultaw direttament minn servizzi ta' tnaqqis tar-riskju ta' wara n-negozjar, inkluż kompressjoni tal-portafoll, għandhomx ikunu eżentati mill-obbligu tal-ikklerjar imsemmi fl-Artikolu 4(1), b'kont meħud ta' kemm dawk is-servizzi jnaqqsu r-riskju, b'mod partikolari r-riskju ta' kreditu tal-kontroparti u r-riskju operazzjonali, il-potenzjal għal ċirkomvenzjoni tal-obbligu tal-ikklerjar u d-diżinċentiv potenzjali għall-ikklerjar ċentrali.

Il-Kummissjoni għandha tippreżenta r-rapport imsemmi fl-ewwel subparagrafu lill-Parlament Ewropew u lill-Kunsill, flimkien ma' kwalunkwe proposta adatta.
Artikolu 85 3a.

Sat-18 ta' Mejju 2020, l-AETS għandha tippreżenta rapport lill-Kummissjoni. Dak ir-rapport għandu jivvaluta:

(a) 

il-konsistenza tar-rekwiżiti ta' rappurtar għal derivattivi mhux OTC skont ir-Regolament (UE) Nru 600/2014 u skont l-Artikolu 9 ta' dan ir-Regolament, kemm f'termini tad-dettalji tal-kuntratti tad-derivattivi li għandhom jiġu rrappurtati kif ukoll tal-aċċess għad-data mill-entitajiet rilevanti u jekk dawk ir-rekwiżiti għandhomx jiġu allinjati;

(b) 

il-fattibbiltà li jiġu ssimplifikati aktar il-ktajjen tar-rappurtar għall-kontropartijiet kollha, inkluż għall-klijenti indiretti kollha, filwaqt li titqies il-ħtieġa għar-rappurtar f'waqtu u b'kont meħud tal-miżuri adottati skont l-Artikolu 4(4) ta' dan ir-Regolament u l-Artikolu 30(2) tar-Regolament (UE) Nru 600/2014;

(c) 

l-allinjament tal-obbligu tan-negozjar għad-derivattivi skont ir-Regolament (UE) Nru 600/2014 mat-tibdil magħmul skont ir-Regolament (UE) 2019/834 mal-obbligu tal-ikklerjar għad-derivattivi, b'mod partikolari għall-ambitu tal-entitajiet li huma soġġetti għall-obbligu tal-ikklerjar;

(d) 

f'kooperazzjoni mal-BERS, jekk xi tranżazzjonijiet li jirriżultaw direttament minn servizzi ta' tnaqqis tar-riskju ta' wara n-negozjar, inkluż il-kompressjoni tal-portafoll, għandhomx ikunu eżentati mill-obbligu tal-ikklerjar imsemmi fl-Artikolu 4(1); dak ir-rapport għandu:

(i) 

jinvestiga l-kompressjoni tal-portafoll u servizzi disponibbli oħrajn ta' tnaqqis tar-riskju wara n-negozjar li ma jifformawx prezz, li jnaqqsu r-riskji mhux tas-suq fil-portafolli tad-derivattivi mingħajr ma jinbidel ir-riskju tas-suq tal-portafolli, bħal tranżazzjonijiet ta' riekwilibriju;

(ii) 

jispjega l-iskopijiet u l-funzjonament ta' tali servizzi ta' tnaqqis tar-riskju wara n-negozjar, kemm itaffu r-riskju, b'mod partikolari r-riskju ta' kreditu tal-kontroparti u r-riskju operattiv, u jivvaluta l-ħtieġa li jiġu kklerjati tali tranżazzjonijiet jew li jiġu eżentati mill-ikklerjar, sabiex jiġi ġestit ir-riskju sistemiku; u

(iii) 

jivvaluta sa fejn kwalunkwe eżenzjoni mill-obbligu tal-ikklerjar għal tali servizzi tiskoraġġixxi l-ikklerjar ċentrali u tista' twassal għaċ-ċirkomvenzjoni min-naħa tal-kontropartijiet tal-obbligu tal-ikklerjar;

(e) 

jekk il-lista ta' strumenti finanzjarji li huma meqjusa bħala likwidi ħafna b'riskju minimu ta' kreditu u tas-suq, skont l-Artikolu 47, tistax tiġi estiża u jekk dik il-lista tistax tinkludi fond wieħed jew aktar tas-suq monetarju awtorizzati skont ir-Regolament (UE) 2017/1131 tal-Parlament Ewropew u tal-Kunsill ( 31 ).
Artikolu 85 5.
L-AETS għandha tissottometti rapport annwali lill-Parlament Ewropew, lill-Kunsill u lill-Kummissjoni dwar il-penali imposti mill-awtoritajiet kompetenti, inklużi miżuri superviżorji, multi u pagamenti tal-penali perjodiċi.
Artikolu 85 6.
L-AETS għandha, f’kooperazzjoni mal-BERS, u fi ftehim, f’konformità mal-Artikolu 24b(3), mal-banek ċentrali tal-ħruġ tal-valuti kollha tal-Unjoni tal-istrumenti finanzjarji kklerjati jew li għandhom jiġu kklerjati minn CCP ta’ pajjiż terz li għaliha huwa indirizzat l-att ta’ implimentazzjoni msemmi fit-tieni subparagrafu tal-Artikolu 25(2c), tippreżenta rapport lill-Kummissjoni dwar l-applikazzjoni tad-dispożizzjonijiet ta’ dak l-att ta’ implimentazzjoni, li b’mod partikolari jivvaluta jekk ir-riskju għall-istabbiltà finanzjarja tal-Unjoni jew ta’ wieħed jew aktar mill-Istati Membri tagħha jkunx mitigat b’mod suffiċjenti. L-AETS għandha tippreżenta r-rapport tagħha lill-Kummissjoni fi żmien 12-il xahar minn tmiem il-perijodu ta’ adattament determinat skont il-punt (b) tar-raba’ subparagrafu tal-Artikolu 25(2c). Il-ftehim ta’ bank ċentrali tal-ħruġ għandu jirrelata biss mal-munita li joħroġ u mhux mar-rapport fl-intier tiegħu.

Fi żmien 12-il xahar mit-trasmissjoni tar-rapport imsemmi fl-ewwel subparagrafu, il-Kummissjoni għandha tħejji rapport dwar l-applikazzjoni tad-dispożizzjonijiet ta’ dak l-att ta’ implimentazzjoni. Il-Kummissjoni għandha tippreżenta r-rapport tagħha lill-Parlament Ewropew u lill-Kunsill, flimkien ma’ kwalunkwe proposta adegwata.
Artikolu 85 7.
Sal-25 ta’ Diċembru 2026, l-AETS għandha tissottometti rapport lill-Kummissjoni dwar il-possibbiltà u l-fattibbiltà li tkun meħtieġa s-segregazzjoni tal-kontijiet fil-katina tal-ikklerjar ta’ kontropartijiet mhux finanzjarji u finanzjarji. Ir-rapport għandu jkun akkumpanjat minn analiżi tal-ispejjeż imqabbla mal-benefiċċji.
Artikolu 85 8.
Sal-25 ta’ Diċembru 2026, l-AETS għandha tippreżenta rapport lill-Parlament Ewropew, lill-Kunsill u lill-Kummissjoni dwar l-adegwatezza u l-implikazzjonijiet tal-estensjoni tad-definizzjoni ta’ CCP, kif imsemmi fl-Artikolu 2, il-punt (1), ta’ dan ir-Regolament, għal swieq oħra lil hinn mis-swieq finanzjarji, bħas-swieq tal-komoditajiet, inklużi s-swieq tal-enerġija bl-ingrossa, jew is-swieq fil-kriptoassi skont ir-Regolament (UE) 2023/1114 tal-Parlament Ewropew u tal-Kunsill ( 32 ).
Artikolu 85 9.
Sal-25 ta’ Diċembru 2026, il-Kummissjoni għandha tippreżenta rapport lill-Parlament Ewropew u lill-Kunsill li jivvaluta l-kundizzjonijiet ekwi u l-kunsiderazzjonijiet dwar l-istabbiltà finanzjarja fir-rigward tal-aċċess ġeneralizzat għall-banek ċentrali għas-CCPs tal-Unjoni mingħajr il-kundizzjoni li tinżamm liċenzja bankarja. F’dak il-kuntest, il-Kummissjoni għandha tqis ukoll is-sitwazzjoni fil-ġuriżdizzjonijiet tal-pajjiżi terzi.
Artikolu 85 10.

Sal-25 ta’ Diċembru 2027, l-AETS għandha tippreżenta rapport lill-Parlament Ewropew, lill-Kunsill u lill-Kummissjoni dwar l-attività ġenerali fit-tranżazzjonijiet tad-derivati tal-kontropartijiet finanzjarji u l-kontropartijiet mhux finanzjarji soġġetti għal dan ir-Regolament, li jforni, fost l-oħrajn, l-informazzjoni li ġejja rigward dawk il-kontropartijiet finanzjarji u l-kontropartijiet mhux finanzjarji, b’distinzjoni bejn in-natura finanzjarja u mhux finanzjarja tagħhom:

(a) 

ir-riskji potenzjali għall-istabbiltà finanzjarja tal-Unjoni li jistgħu jirriżultaw minn dak it-tip ta’ attività;

(b) 

il-pożizzjonijiet f’derivati ta’ komoditajiet OTC li jaqbżu l-EUR 1 biljun, li tispeċifika l-ammont eżatt tal-pożizzjonijiet ikkonċernati;

(c) 

il-volum totali ta’ kuntratti tad-derivattivi tal-enerġija nnegozjati, b’distinzjoni, meta rilevanti, bejn dawk il-kuntratti tad-derivattivi tal-enerġija nnegozjati li huma użati għal finijiet ta’ hedging u dawk il-kuntratti tad-derivattivi tal-enerġija nnegozjati li mhumiex li jintużaw għall-hedging;

(d) 

il-volum totali tal-kuntratti tad-derivattivi agrikoli nnegozjati, li jiddistingwu, meta rilevanti, bejn dawk il-kuntratti tad-derivattivi agrikoli nnegozjati li jintużaw għall-hedging u dawk il-kuntratti tad-derivattivi agrikoli nnegozjati li ma jintużawx għall-hedging;

(e) 

is-sehem tal-kuntratti tad-derivati tal-enerġija jew tal-agrikoltura u OTC innegozjati fil-borża li jiġu saldati fiżikament fil-volum totali tal-kuntratti tad-derivattivi tal-enerġija jew tal-kuntratti tad-derivati tal-agrikoltura nnegozjati.
Artikolu 85 11.

Sal-25 ta’ Diċembru 2026, l-AETS, b’kooperazzjoni mal-BERS, għandha tippreżenta rapport lill-Kummissjoni. Dak ir-rapport għandu:

(a) 

jiddefinixxi fid-dettall il-kunċett ta’ proċikliċità fil-kuntest tal-Artikolu 41 għal marġnijiet mitluba minn CCP u l-Artikolu 46 għal telf impost applikat għal kollateral miżmum minn CCP;

(b) 

jivvaluta kif id-dispożizzjonijiet kontra l-proċikliċità ta’ dan ir-Regolament u tar-Regolament Delegat tal-Kummissjoni (UE) Nru 153/2013 ( 33 ) ġew applikati matul is-snin u jekk humiex meħtieġa aktar miżuri biex jittejjeb l-użu ta’ għodod kontra l-proċikliċità;

(c) 

jinforma dwar kif l-għodod kontra l-proċikliċità jistgħu jew ma jistgħux jirriżultaw f’żidiet fil-marġni li jkunu akbar milli mingħajr l-applikazzjoni ta’ dawn l-għodod, filwaqt li jitqiesu supplimenti jew kumpensi potenzjali li CCP titħalla tapplika skont dan ir-Regolament.

Fit-tħejjija tar-rapport, l-AETS għandha tivvaluta wkoll ir-regoli li japplikaw għal CCPs ta’ pajjiżi terzi, u l-prattiki tagħhom, kif ukoll l-iżviluppi internazzjonali li jikkonċernaw il-proċikliċità.
Artikolu 85 12.
Sal-25 ta’ Diċembru 2027, l-AETS għandha, f’kooperazzjoni mill-qrib mal-BERS u mal-Mekkaniżmu Konġunt ta’ Monitoraġġ, tivvaluta kif ġew applikati l-Artikoli 15a, 17, 17a, 17b, 49 u 49a.

B’mod partikolari, dik il-valutazzjoni għandha tistabbilixxi:

(a) 

jekk il-bidliet introdotti bir-Regolament (UE) 2024/2987 tal-Parlament Ewropew u tal-Kunsill ( 34 ) kisbux l-effett mixtieq fir-rigward taż-żieda fil-kompetittività tas-CCPs tal-Unjoni u naqqsux il-piż regolatorju li jkollhom quddiemhom;

(b) 

jekk il-bidliet introdotti bir-Regolament (UE) 2024/2987 naqqsux iż-żmien għas-suq għal servizzi tal-ikklerjar u prodotti ġodda mingħajr ma kellhom impatt negattiv fuq ir-riskju għas-CCPs, għall-membri tal-ikklerjar tagħhom jew għall-klijenti tagħhom;

(c) 

jekk l-introduzzjoni tal-possibbiltà għas-CCPs li jimplimentaw direttament bidliet imsemmija fl-Artikolu 15a kellhiex impatt negattiv fuq il-profil tar-riskju tagħhom jew żiditx ir-riskji ġenerali għall-istabbiltà finanzjarja fl-Unjoni, u jekk dik il-possibbiltà għandhiex tiġi emendata.

L-AETS għandha tissottometti rapport dwar l-eżitu ta’ dik il-valutazzjoni lill-Parlament Ewropew, lill-Kunsill u lill-Kummissjoni.
Artikolu 85 13.
Sal-25 ta’ Diċembru 2026 l-AETS għandha tissottometti rapport lill-Kummissjoni dwar jekk l-emendi għall-Artikolu 9 introdotti mir-Regolament (UE) 2024/2987 wasslux għal titjib ċar biżżejjed fit-twettiq tal-kompiti tal-AETS u jekk kellhomx impatt negattiv eċċessiv fuq il-parteċipanti fis-suq. Ir-rapport għandu jkun akkumpanjat minn analiżi tal-ispejjeż imqabbla mal-benefiċċji.
Artikolu 85 14.

Sal-25 ta’ Diċembru 2028, l-AETS għandha tippreżenta rapport lill-Kummissjoni. Dak ir-rapport għandu, f’kooperazzjoni mal-BERS, jivvaluta jekk:

(a) 

is-servizzi ta’ tnaqqis tar-riskju ta’ qabel in-negozjar għandhom jitqiesu bħala sistemikament importanti;

(b) 

il-forniment ta’ servizzi ta’ tnaqqis tar-riskju ta’ qabel in-negozjar mill-fornituri tas-servizzi ta’ tnaqqis tar-riskju ta’ qabel in-negozjar irriżulta f’riskju akbar għall-ekosistema finanzjarja tal-Unjoni; u

(c) 

l-eżenzjoni rriżultat fi kwalunkwe ċirkomvenzjoni tal-obbligu tal-ikklerjar imsemmi fl-Artikolu 4.

Fi żmien 18-il xahar mit-trażmissjoni tar-rapport imsemmi fl-ewwel subparagrafu, il-Kummissjoni għandha tħejji rapport dwar l-aspetti ppreżentati mill-AETS fir-rapport tagħha. Il-Kummissjoni għandha tippreżenta r-rapport tagħha lill-Parlament Ewropew u lill-Kunsill, flimkien ma’ kwalunkwe proposta adegwata.

1.1 Referenzi

1.2 Rekwiżiti identifikati

1.3 Standards relatati

2. Rekwiżiti identifikati

Rekwiżiti

3. Standards relatati

Standards
  • Builddate: 30.01.2027 00:00:00 -Doknr: CELEX:32012R0648
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.