+Artikolu 7 Applikazzjoni għal awtorizzazzjoni
---+Artikolu 7 1.
---+Artikolu 7 2.
---+Artikolu 7 3.
---+Artikolu 7 4.
---+Artikolu 7 5.
---+Artikolu 7 8.

Artikolu 7 Applikazzjoni għal awtorizzazzjoni

1. Ħarsa ġenerali

,
Artikolu 7 1.
L-Istati Membri għandhom jeħtieġu li l-AIFM japplikaw għal awtorizzazzjoni mill-awtoritajiet kompetenti tal-Istat Membru ta’ domiċilju.
Artikolu 7 2.

L-Istati Membri għandhom jeħtieġu li AIFM li japplika għal awtorizzazzjoni għandu jipprovdi l-informazzjoni relatata mal-AIFM lill-awtoritajiet kompetenti tal-Istat Membru domiċiljari tiegħu:

(a) 

informazzjoni dwar il-persuni li effettivament jiżvolġu n-negozju tal-AIFM, b’mod partikolari fir-rigward tal-funzjonijiet imsemmija fl-Anness I, inkluż:

(i) 

deskrizzjoni tar-rwol, it-titolu u l-livell ta’ superjorità ta’ dawk il-persuni;

(ii) 

deskrizzjoni tal-linji tar-rapportar u tar-responsabbiltajiet ta’ dawk il-persuni ġewwa u barra l-kumpanija tal-maniġment;

(iii) 

ħarsa ġenerali tal-ammont ta’ ħin li kull waħda minn dawk il-persuni talloka għal kull responsabbiltà;

(iv) 

deskrizzjoni tar-riżorsi umani u tekniċi li jappoġġaw l-attivitajiet ta’ dawk il-persuni;

(aa) 

l-isem ġuridiku u l-identifikatur rilevanti tal-AIFM;

(b) 

informazzjoni dwar l-identitajiet tal-azzjonisti jew il-membri tal-AIFM, kemm jekk humiex persuni diretti jew indiretti, jew persuni fiżiċi jew ġuridiċi, li jkollhom parteċipazzjoni kwalifikanti u dwar l-ammonti ta’ dawk il-parteċipazzjonijiet;

(c) 

programm ta’ attività li jistabbilixxi l-istruttura organizzattiva tal-AIFM, inkluża informazzjoni dwar kif l-AIFM għandu l-intenzjoni jikkonforma mal-obbligi tiegħu skont il-Kapitoli II, III, IV, u fejn applikabbli, il-Kapitoli V sa VIII ta’ din id-Direttiva, u mal-obbligi tiegħu skont l-Artikolu 3(1), l-Artikolu 6(1), il-punt (a), u l-Artikolu 13 tar-Regolament (UE) 2019/2088 tal-Parlament Ewropew u tal-Kunsill ( 7 ), u deskrizzjoni dettaljata tar-riżorsi umani u tekniċi xierqa li għandhom jintużaw mill-AIFM għal dak il-għan;

(d) 

informazzjoni dwar il-linji politiċi u l-prattiċi ta’ rimunerazzjoni tal-AIFM skont l-Artikolu 13;

(e) 

informazzjoni dwar l-arranġamenti magħmula għad-delega u s-sottodelega lil partijiet terzi ta’ funzjonijiet f’konformità mal-Artikolu 20, li tal-anqas ikollha dawn li ġejjin:

(i) 

għal kull delegat:

— 
l-isem ġuridiku u l-identifikatur rilevanti tiegħu,
— 
il-ġuriżdizzjoni tal-istabbiliment tiegħu, u
— 
fejn rilevanti, l-awtorità superviżorja tiegħu;
(ii) 

deskrizzjoni dettaljata tar-riżorsi umani u tekniċi użati mill-AIFM biex:

— 
iwettaq kompiti ta’ kuljum ta’ mmaniġġar tal-portafoll jew ġestjoni tar-riskju fi ħdan l-AIFM, u
— 
jimmonitorja l-attività delegata;
(iii) 

fir-rigward ta’ kull wieħed mill-AIFs li l-AIFM jimmaniġġa jew li jkollu l-ħsieb li jimmaniġġa:

— 
deskrizzjoni qasira tal-funzjoni iddelegata tal-immaniġġar tal-portafoll, inkluż jekk tali delega bħal din tkunx delega parzjali jew sħiħa, u
— 
deskrizzjoni qasira tal-funzjoni iddelegata tal-ġestjoni tar-riskju, inkluż jekk tali delega bħal din tkunx delega parzjali jew sħiħa;
(iv) 

deskrizzjoni tal-miżuri perjodiċi ta’ diliġenza dovuta li l-AIFM għandu jwettaq biex jimmonitorja l-attività delegata.
Artikolu 7 3.

L-Istati Membri għandhom jeħtieġu li AIFM li japplika għal awtorizzazzjoni għandu wkoll jipprovdi l-informazzjoni li ġejja dwar l-AIF li jkun bisħiebu jimmaniġġa lill-awtoritajiet kompetenti tal-Istat Membru ta’ domiċilju tiegħu:

(a) 

informazzjoni dwar l-istrateġiji ta’ investiment inklużi t-tipi ta’ fondi sottostanti f’każ li l-AIF huwa fond ta’ fondi u l-politika tal-AIFM fir-rigward tal-użu tal-leverage finanzjarju, u l-profili tar-riskju u karatteristiċi oħra tal-AIF li jimmaniġġa jew biħsiebu jimmaniġġa, inkluża l-informazzjoni dwar l-Istati Membri jew il-pajjiżi terzi li fihom tali AIFs huma stabbiliti jew mistennija li jkunu stabbiliti;

(b) 

informazzjoni dwar il-post fejn l-AIF prinċipali huwa stabbilit jekk l-AIF huwa AIF ta’ alimentazzjoni;

(c) 

ir-regoli jew l-istrumenti tal-inkorporazzjoni ta’ kull AIF li l-AIFM biħsiebu jimmaniġġa;

(d) 

informazzjoni dwar l-arranġamenti għall-ħatra tad-depożitarju f’konformità mal-Artikolu 21 għal kull AIF li l-AIFM bisħiebu jimmaniġġa;

(e) 

kwalunkwe informazzjoni addizzjonali msemmija fl-Artikolu 23(1) għal kull AIF li l-AIFM jimmaniġġa jew li biħsiebu jimmaniġġa.
Artikolu 7 4.
Fejn kumpanija tal-immaniġġar hija awtorizzata skont id-Direttiva 2009/65/KE (“kumpanija tal-immaniġġar UCITS”) u tapplika għal awtorizzazzjoni bħala AIFM fl-ambitu ta’ din id-Direttiva, l-awtoritajiet kompetenti ma għandhomx jeħtieġu l-kumpanija tal-immaniġġar UCITS tipprovdi informazzjoni jew dokumenti li l-kumpanija tal-immaniġġar UCITS diġà tkun ipprovdiet meta applikat għal awtorizzazzjoni fl-ambitu tad-Direttiva 2009/65/KE, bil-kundizzjoni li t-tali informazzjoni jew dokumenti jibqgħu aġġornati.
Artikolu 7 5.
L-awtoritajiet kompetenti għandhom jinformaw lill-AETS, fuq bażi trimestrali, bl-awtorizzazzjonijiet mogħtija jew irtirati f’konformità ma’ dan il-Kapitolu, u bi kwalunkwe bidla fil-lista tal-AIFs ġestiti jew ikkummerċjalizzati fl-Unjoni minn AIFMs awtorizzati.

L-AETS għandha żżomm reġistru pubbliku ċentrali li jidentifika kull AIFM awtorizzat skont din id-Direttiva, l-awtoritajiet kompetenti ta’ kull AIFM bħal dan u lista tal-AIFs immaniġġjati jew ikkummerċjalizzati fl-Unjoni minn tali AIFMs. Ir-reġistru għandu jkun disponibbli b’mod pubbliku f’format elettroniku.
Artikolu 7 8.
Sas-16 ta’ April 2029, l-AETS għandha tipprovdi lill-Parlament Ewropew, lill-Kunsill u lill-Kummissjoni b’rapport li janalizza l-prattiki tas-suq rigward id-delega u l-konformità mal-paragrafi 1 sa 5 ta’ dan l-Artikolu u mal-Artikolu 20, ibbażat, fost l-oħrajn, fuq id-data rrapportata lill-awtoritajiet kompetenti f’konformità mal-Artikolu 24(2), il-punt (d), u fuq l-eżerċizzju tas-setgħat ta’ konverġenza superviżorja tal-AETS. Dak ir-rapport għandu janalizza wkoll il-konformità mar-rekwiżiti ta’ sustanza ta’ din id-Direttiva.

1.1 Referenzi

1.2 Rekwiżiti identifikati

1.3 Standards relatati

2. Rekwiżiti identifikati

Rekwiżiti

3. Standards relatati

Standards
  • Builddate: 16.04.2027 00:00:00 -Doknr: CELEX:32011L0061
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.