Artikolu 4 Il-ħolqien tal-RIS

jiżguraw li d-data rilevanti kollha għan-navigazzjoni u għall-ippjanar ta’ vjaġġi fil-passaġġi fuq l-ilma interni tiġi pprovduta lill-utenti tar-RIS; dik id-data tan-network, kif stabbilit fl-Anness I, għandha tkun aġġornata u tingħata mill-inqas b’format elettroniku komuni aċċessibbli skont l-Anness III;

jiżguraw li għall-passaġġi fuq l-ilma interni u l-portijiet interni kollha tagħhom tat-TEN-T, apparti d-data msemmija fil-punt (a), l-utenti tal-RIS ikollhom disponibbli għalihom mapep elettroniċi tan-navigazzjoni adattati għal finijiet ta’ navigazzjoni;

jippermettu li, sa fejn ir-rapportar tal-bastimenti jkun meħtieġ skont regolamenti nazzjonali jew internazzjonali, l-awtoritajiet kompetenti jirċievu rapporti elettroniċi tal-bastimenti tad-data kollha meħtieġa mill-bastimenti; fit-trasport transkonfinali, dik id-data għandha tkun disponibbli kollha kemm hi għall-awtoritajiet kompetenti tal-Istat Membru ġar qabel il-wasla tal-bastimenti fil-fruntiera;

jiżguraw li l-avviżi lill-kaptani, inkluż dwar il-livell tal-ilma jew l-għoli massimu permess, u rapporti dwar is-silġ tal-passaġġi fuq l-ilma interni tagħhom jingħataw bħala messaġġi standardizzati, kodifikati u li jistgħu jitniżżlu; il-messaġġ standardizzat għandu jkun fih mill-inqas l-informazzjoni meħtieġa għan-navigazzjoni sikura u l-avviżi lill-kaptani għandhom jinżammu aġġornati u jiġu pprovduti mill-inqas f’format elettroniku komuni aċċessibbli f’konformità mal-Anness III;

jiżguraw li d-data tan-network fl-Ambjent Ewropew tal-RIS tinżamm aġġornata billi tingħata d-data kollha meħtieġa tan-network f’konformità mal-Annessi I u III mingħajr dewmien;

jiżguraw li, meta disponibbli, mill-inqas l-informazzjoni relatata mat-traffiku ssir disponibbli permezz ta’ interfaċċi skont l-ispeċifikazzjonijiet tekniċi stipulati f’konformità mal-punt 7 tal-Anness II, fejn applikabbli, għal ambjenti ta’ skambju elettroniku tal-informazzjoni stabbiliti mil-liġijiet tal-Unjoni u użati f’mezzi oħra ta’ trasport;

jiżguraw li interfaċċi standardizzati skont l-Annessi II u III ta’ din id-Direttiva jkunu disponibbli għas-sistemi komunitarji tal-port tal-portijiet interni, inkluż, meta disponibbli, informazzjoni aġġornata dwar id-disponibbiltà tal-irmiġġi u ta’ infrastruttura tal-fjuwils alternattivi, u b’mod partikolari l-installazzjonijiet meħtieġa skont l-Artikolu 10 tar-Regolament (UE) 2023/1804 tal-Parlament Ewropew u tal-Kunsill ( 2 );

jiżguraw li interfaċċi standardizzati skont l-Annessi II u III jkunu disponibbli għal sistemi intelliġenti oħra tal-infrastruttura tal-passaġġi fuq l-ilma interni għall-fini tal-ġestjoni tat-traffiku fil-passaġġi fuq l-ilma interni.