|
+ANNESS C STATISTIKA TA’ KULL XAHAR DWAR L-ENERĠIJA |
ANNESS C STATISTIKA TA’ KULL XAHAR DWAR L-ENERĠIJA
ANNESS C STATISTIKA TA’ KULL XAHAR DWAR L-ENERĠIJA Dan l-Anness jiddeskrivi l-ambitu, l-unitajiet, il-perjodu rappurtat, il-frekwenza, l-iskadenza u l-modalitajiet tat-trażmissjoni għall-ġbir ta’ kull xahar tal-istatistika dwar l-enerġija. L-Anness A jipprovdi spjegazzjonijiet tat-termini mhux spjegati f’dan l-Anness. Id-dispożizzjonijiet li ġejjin japplikaw għall-ġbir tad-data kollu speċifikat f’dan l-Anness:
a)
Il-perjodu rappurtat: Il-perjodu rappurtat tad-data dikjarata se jkun xahar kalendarju wieħed.
b)
Il-frekwenza: Id-data trid tiġi dikjarata kull xahar.
c)
Il-format tat-trażmissjoni: Il-format tat-trażmissjoni jrid jikkonforma mal-istandard tal-iskambju rilevanti speċifikat mill-Eurostat.
d)
Il-format tat-trażmissjoni: Id-data trid tiġi ppreżentata u tittella’ b’mezzi elettroniċi fil-punt uniku tad-dħul tad-data tal-Eurostat. 1. FJUWILS SOLIDI 1.1. Prodotti tal-enerġija applikabbli Dan il-Kapitolu jkopri r-rappurtar ta’: 1.1.1. Faħam iebes 1.1.2. Faħam kannella 1.1.3. Pit 1.1.4. Shale taż-żejt u ramel taż-żejt 1.1.5. Kokk tal-fran tal-kokk 1.2. Lista tal-aggregati 1.2.1. L-aggregati li ġejjin iridu jiġu dikjarati għall-faħam iebes: 1.2.1.1. Produzzjoni 1.2.1.2. Prodotti rkuprati 1.2.1.3. Importazzjonijiet 1.2.1.4. Importazzjonijiet minn barra l-UE 1.2.1.5. Esportazzjonijiet 1.2.1.6. Stokkijiet totali tal-ftuħ fit-territorju nazzjonali Dawn huma l-kwantitajiet miżmuma minn minjieri, importaturi u konsumaturi li jimpurtaw direttament. 1.2.1.7. Stokkijiet totali tal-għeluq fit-territorju nazzjonali Dawn huma l-kwantitajiet miżmuma minn minjieri, importaturi u konsumaturi li jimpurtaw direttament. 1.2.1.8. Konsenji lill-produtturi tal-attività ewlenija 1.2.1.9. Konsenji lill-fran tal-kokk Eskluż il-faħam iebes ikkonsmat bħala enerġija biex jappoġġa l-operazzjonijiet fil-fran tal-kokk, li jrid jiġi rappurtat f’“Konsenji lill-industrija totali”. 1.2.1.10. Konsenji lill-industrija totali Inkluż il-faħam iebes ikkonsenjat lis-settur tat-trasformazzjoni (għajr il-faħam iebes rappurtat f’“Konsenji lill-produtturi tal-attività ewlenija” u “Konsenji lill-fran tal-kokk”), is-settur tal-enerġija, u l-konsum finali tal-enerġija tal-faħam iebes fis-settur tal-industrija. 1.2.1.10.1 Konsenji lill-industrija tal-ħadid u tal-azzar Inkluż il-faħam iebes li jiddaħħal fil-fran tal-blast kif definit fl-Anness A, l-Artikolu 2.2.11, u l-konsum finali tal-enerġija tal-faħam iebes fis-settur tal-ħadid u tal-azzar kif definit fl-Anness A, l-Artikolu 2.6.1.8. Eskluż il-faħam iebes ikkonsmat bħala enerġija biex jappoġġa l-operazzjonijiet fil-fran tal-blast, li jrid jiġi rappurtat f’“Konsenji lill-industrija totali”. 1.2.1.11. Riżultati tanġibbli oħra (servizzi, unitajiet domestiċi, eċċ.). L-ammont tal-faħam iebes ikkonsenjat lil setturi mhux imsemmija b’mod speċifiku. 1.2.2. L-aggregati li ġejjin iridu jiġu dikjarati għall-faħam kannella, il-pit, u x-shale taż-żejt u r-ramel taż-żejt: 1.2.2.1. Produzzjoni 1.2.2.2. Importazzjonijiet 1.2.2.3. Esportazzjonijiet 1.2.2.4. Stokkijiet totali tal-ftuħ fit-territorju nazzjonali Dawn huma l-kwantitajiet miżmuma minn minjieri, importaturi u konsumaturi li jimpurtaw direttament. 1.2.2.5. Stokkijiet totali tal-għeluq fit-territorju nazzjonali Dawn huma l-kwantitajiet miżmuma minn minjieri, importaturi u konsumaturi li jimpurtaw direttament. 1.2.2.6. Għall-pit, il-bidliet fl-istokkijiet jistgħu jiġu dikjarati minflok l-istokkijiet totali tal-ftuħ u tal-għeluq. 1.2.2.7. Konsenji lill-produtturi tal-attività ewlenija 1.2.3. L-aggregati li ġejjin iridu jiġu dikjarati għall-kokk tal-fran tal-kokk: 1.2.3.1. Produzzjoni 1.2.3.2. Importazzjonijiet 1.2.3.3. Importazzjonijiet minn barra l-UE 1.2.3.4. Esportazzjonijiet 1.2.3.5. Stokkijiet totali tal-ftuħ fit-territorju nazzjonali Dawn huma l-kwantitajiet miżmuma mill-produtturi, l-importaturi u l-konsumaturi li jimpurtaw direttament. 1.2.3.6. Stokkijiet totali tal-għeluq fit-territorju nazzjonali Dawn huma l-kwantitajiet miżmuma mill-produtturi, l-importaturi u l-konsumaturi li jimpurtaw direttament. 1.2.3.7. Konsenji lill-industrija tal-ħadid u tal-azzar Inkluż il-kokk tal-fran tal-kokk li jiddaħħal fil-fran tal-blast kif definit fl-Anness A, l-Artikolu 2.2.11, u l-konsum finali tal-enerġija tal-kokk tal-fran tal-kokk fis-settur tal-ħadid u tal-azzar kif definit fl-Anness A, l-Artikolu 2.6.1.8. Eskluż il-kokk tal-fran tal-kokk ikkonsmat bħala enerġija biex jappoġġa l-operazzjonijiet fil-fran tal-blast. 1.3. Unitajiet tal-kejl Il-kwantitajiet rappurtati jridu jiġu dikjarati f’kt (kilotunnellati). 1.4. Skadenza għat-trażmissjoni tad-data Fi żmien xahrejn kalendarji wara x-xahar rappurtat. 2. ELETTRIKU 2.1. Prodotti tal-enerġija applikabbli Dan il-Kapitolu jkopri r-rappurtar tal-elettriku. 2.2. Lista tal-aggregati L-aggregati li ġejjin iridu jiġu dikjarati għall-elettriku: 2.2.1. Produzzjoni netta tal-elettriku mill-impjanti nukleari 2.2.2. Produzzjoni netta tal-elettriku mill-ġenerazzjoni tal-enerġija termali konvenzjonali bl-użu tal-faħam 2.2.3. Produzzjoni netta tal-elettriku mill-ġenerazzjoni tal-enerġija termali konvenzjonali bl-użu taż-żejt 2.2.4. Produzzjoni netta tal-elettriku mill-ġenerazzjoni tal-enerġija termali konvenzjonali bl-użu tal-gass 2.2.5. Il-produzzjoni netta tal-elettriku mill-ġenerazzjoni tal-enerġija termali konvenzjonali bl-użu ta’ rinnovabbli kombustibbli (bħall-bijofjuwils solidi, il-bijogassijiet, il-bijofjuwils likwidi, l-iskart muniċipali rinnovabbli) 2.2.6. Il-produzzjoni netta tal-elettriku mill-ġenerazzjoni tal-enerġija termali konvenzjonali bi fjuwils kombustibbli nonrinnovabbli oħra (bħall-iskart industrijali nonrinnovabbli u l-iskart muniċipali nonrinnovabbli) 2.2.7. Produzzjoni netta tal-elettriku mll-impjanti idro puri 2.2.8. Produzzjoni netta tal-elettriku mill-impjanti idro mħallta 2.2.9. Produzzjoni netta tal-elettriku mill-impjanti idro tal-ħżin ippompjat puri 2.2.10. Produzzjoni netta tal-elettriku mill-installazzjonijiet tar-riħ fuq l-art 2.2.11. Produzzjoni netta tal-elettriku mill-installazzjonijiet tar-riħ lil hinn mill-kosta 2.2.12. Produzzjoni netta tal-elettriku mill-installazzjonijiet PV solari 2.2.13. Produzzjoni netta tal-elettriku mill-installazzjonijiet termali solari 2.2.14. Produzzjoni netta tal-elettriku mill-ġenerazzjoni tal-enerġija ġeotermali 2.2.15. Il-produzzjoni netta tal-elettriku minn sorsi rinnovabbli oħra (bħall-marea, il-mewġ, l-oċean u sorsi rinnovabbli nonkombustibbli oħra) 2.2.16. Produzzjoni netta tal-elettriku minn oriġini mhux speċifikata 2.2.17. Importazzjonijiet 2.2.17.1. Li minnhom mill-UE 2.2.18. Esportazzjonijiet 2.2.18.1. Li minnhom lejn l-UE 2.2.19. Elettriku użat għal ħżin ippompjat 2.3. Unitajiet tal-kejl Il-kwantitajiet rappurtati jridu jiġu dikjarati f’GWh (sigħat ta’ gigawatts). 2.4. Skadenza għat-trażmissjoni tad-data Fi żmien xahrejn kalendarji wara x-xahar rappurtat. 3. ŻEJT U PRODOTTI TAŻ-ŻEJT MHUX RAFFINAT 3.1. Prodotti tal-enerġija applikabbli Sakemm ma jkunx speċifikat mod ieħor, dan il-ġbir tad-data japplika għall-prodotti kollha tal-enerġija elenkati fil-Kapitolu 3.4 tal-Anness A. ŻEJT (żejt mhux raffinat u prodotti taż-żejt mhux raffinat) Il-kategorija “Prodotti oħra” tinkludi l-kwantitajiet li jikkorrispondu għad-definizzjoni fil-Kapitolu 3.4 tal-Anness A, u l-kwantitajiet tal-ispirtu abjad u l-SBP, il-lubrikanti, il-bitum u x-xama’ tal-paraffina; dawn il-prodotti ma jridux jiġu dikjarati separatament. 3.2. Lista tal-aggregati Sakemm ma jkunx speċifikat mod ieħor, l-aggregati li ġejjin iridu jiġu dikjarati għall-prodotti kollha tal-enerġija elenkati fil-paragrafu preċedenti. 3.2.1. PROVVISTA TA’ ŻEJT MHUX RAFFINAT, NGL, MATERJA PRIMA TAR-RAFFINERIJI, ADDITTIVI, U IDROKARBURI OĦRA Nota għall-addittivi u l-bijofjuwils: hawnhekk inkludi l-volumi mħallta diġà u l-kwantitajiet kollha maħsuba għat-taħlit. L-aggregati li ġejjin iridu jiġu dikjarati għaż-żejt mhux raffinat, l-NGL, il-materja prima tar-raffineriji, l-addittivi/ossiġenati, il-bijofjuwils u idrokarburi oħra: 3.2.1.1. Produzzjoni Indiġena (mhux applikabbli għall-materja prima tar-raffineriji u l-bijofjuwils). 3.2.1.2. Riċevuti minn sorsi oħra (mhux applikabbli għaż-żejt mhux raffinat, l-NGL, il-materja prima tar-raffineriji) 3.2.1.3. Flussi Lura Il-prodotti finali jew semifinali li jiġu ritornati mill-konsumaturi finali lir-raffineriji għall-ipproċessar, għat-taħlit jew għall-bejgħ. Ġeneralment dawn ikunu prodotti sekondarji tal-manifattura petrokimika. Applikabbli biss għall-materja prima tar-raffineriji. 3.2.1.4. Prodotti trasferiti Il-prodotti taż-żejt mhux raffinat importati li jiġu riklassifikati bħala materja prima għal aktar ipproċessar fir-raffinerija, mingħajr ma jiġu kkonsenjati lill-konsumaturi finali. Applikabbli biss għall-materja prima tar-raffineriji. 3.2.1.5. Importazzjonijiet 3.2.1.6. Esportazzjonijiet Nota għall-importazzjonijiet u l-esportazzjonijiet: Inkuż il-kwantitajiet taż-żejt mhux raffinat u tal-prodotti importati jew esportati skont ftehimiet tal-ipproċessar (jiġifieri raffinar akkont). Iż-żejt mhux raffinat u l-NGLs iridu jiġu rappurtati bħala li ġejjin mill-pajjiż tal-oriġini aħħarija; il-materja prima tar-raffineriji u l-prodotti finali jridu jiġu rappurtati bħala li ġejjin mill-pajjiż tal-aħħar konsenja. Inkluż kull likwidu tal-gass (eż. LPG) estratt waqt il-proċess tar-rigassifikazzjoni tal-LNG u tal-prodotti taż-żejt mhux raffinat importati jew esportati direttament mill-industrija tal-petrokimika. 3.2.1.7. Użu dirett 3.2.1.8. Bidliet fl-istokkijiet Żieda fl-istokk tintwera bħala numru pożittiv u tnaqqis fl-istokk jintwera bħala numru negattiv. 3.2.1.9. Konsum osservat tar-raffineriji Dan huwa definit bħala l-ammont totali taż-żejt (inkluż Idrokarburi Oħrajn u Addittivi) osservat li daħal fil-proċess tar-raffineriji (dħul fir-raffineriji). 3.2.1.10. Telf mir-raffineriji Id-differenza bejn il-konsum osservat tar-raffineriji u l-produzzjoni grossa tar-raffineriji. It-telf jista’ jsir waqt il-proċessi tad-distillazzjoni minħabba l-evaporazzjoni. It-telf rappurtat hu pożittiv. Jista’ jkun hemm xi gwadanji volumetriċi, iżda l-ebda żieda fil-massa. 3.2.2. PROVVISTA TA’ PRODOTTI FINALI L-aggregati li ġejjin iridu jiġu dikjarati għaż-żejt mhux raffinat, l-NGL, il-gass tar-raffinerija, l-etan, l-LPG, in-nafta, il-bijogażolina, in-nonbijoġażolina, il-gażolina tal-avjazzjoni, il-fjuwil tal-ġett tat-tip tal-gażolina, il-pitrolju bijoloġiku tal-ġett, il-pitrolju nonbijoloġiku tal-ġett, ġitrolju ieħor, il-bijodiżils, iż-żejt nonbijoloġiku tal-gass/diżil, l-LSFO, l-HSFO, il-kokk taż-żejt mhux raffinat, u prodotti oħra: 3.2.2.1. Prodotti primarji riċevuti 3.2.2.2. Produzzjoni tar-raffinerija grossa (mhux applikabbli għaż-żejt mhux raffinat u l-NGL) 3.2.2.3. Prodotti riċiklati (mhux applikabbli għaż-żejt mhux raffinat u l-NGL) 3.2.2.4. Fjuwil tar-raffineriji (mhux applikabbli għaż-żejt mhux raffinat u l-NGL) Kapitolu 2.3. tal-Anness A Settur tal-enerġija — Raffineriji taż-żejt mhux raffinat; Jinkludi fjuwils użati fir-raffineriji għall-produzzjoni tal-elettriku u tas-sħana mibjugħa. 3.2.2.5. Importazzjonijiet (mhux applikabbli għaż-żejt mhux raffinat, l-NGL u l-gass tar-raffineriji) 3.2.2.6. Esportazzjonijiet (mhux applikabbli għaż-żejt mhux raffinat, l-NGL u l-gass tar-raffineriji) In-nota magħmula għall-importazzjonijiet u għall-esportazzjonijiet fit-Taqsima 3.2.1 tapplika hawn ukoll. 3.2.2.7. Bunkers tal-baħar internazzjonali (mhux applikabbli għaż-żejt mhux raffinat u l-NGL) 3.2.2.8. Trasferimenti tal-interprodotti 3.2.2.9. Prodotti trasferiti (mhux applikabbli għaż-żejt mhux raffinat u għall-NGL) 3.2.2.10. Bidliet fl-istokk (mhux applikabbli għaż-żejt mhux raffinat, għall-NGL u għall-gass tar-raffineriji) Żieda fl-istokk tintwera bħala numru pożittiv u tnaqqis fl-istokk jintwera bħala numru negattiv. 3.2.2.11. Konsenji interni grossi osservati Il-konsenja osservata tal-prodotti finali taż-żejt mhux raffinat minn sorsi primarji (eż. raffineriji, impjanti tat-taħlit, eċċ.) għas-suq intern. 3.2.2.11.1. Avjazzjoni internazzjonali (applikabbli biss għall-ġażolina tal-avjazzjoni, il-fjuwil tal-ġett tat-tip tal-gażolina, il-pitrolju bijoloġiku tal-ġett, il-pitrolju nonbijoloġiku tal-ġett) 3.2.2.11.2. Impjanti tal-enerġija tal-produtturi tal-attività ewlenija 3.2.2.11.3. Bit-triq (applikabbli biss għal-LPG) 3.2.2.11.4. Navigazzjoni domestika u Ferroviji (applikabbli biss għall-bijodiżils, u ż-żejt nonbijoloġiku tal-gass/diżil) 3.2.2.12. Petrokimiku 3.2.2.13. Fluss lura lejn ir-raffineriji (mhux applikabbli għaż-żejt mhux raffinat u l-NGL) 3.2.3. IMPORTAZZJONIJIET SKONT L-ORIĠINI — ESPORTAZZJONIJIET SKONT ID-DESTINAZZJONI L-importazzjonijiet iridu jiġu rappurtati skont il-pajjiż tal-oriġini, u l-esportazzjonijiet skont il-pajjiż tad-destinazzjoni. In-nota magħmula għall-importazzjonijiet u għall-esportazzjonijiet fit-Taqsima 3.2.1 tapplika hawn ukoll. 3.2.4. LIVELLI TAL-ISTOKKIJIET L-istokkijiet tal-ftuħ u tal-għeluq li ġejjin iridu jiġu dikjarati għall-prodotti kollha tal-enerġija inkluż għall-addittivi/ossiġenati iżda mhux għall-gass tar-raffineriji: 3.2.4.1. Stokkijiet fit-territorju nazzjonali Stokkijiet fil-postijiet li ġejjin: tankijiet tar-raffineriji, terminals għal kwantitajiet kbar ta’ materjal, kapaċitajiet f’pipelines, ċattri u tankers kostali (meta l-port tat-tluq u tad-destinazzjoni jkunu fl-istess pajjiż), tankers f’port ta’ pajjiż membru (jekk il-merkanzija tagħhom trid tinħatt fil-port), bunkers interni tal-bastimenti. Eskluż l-istokkijiet taż-żejt miżmumin fil-pipelines, fil-vaguni tat-tankijiet ferrovjarji, fil-vaguni tat-tankijiet tat-trakkijet, fil-bunkers tal-bastimenti li jbaħħru, fl-istazzjonijiet tal-petrol, fil-ħwienet tal-bejgħ bl-imnut u fil-bunkers fuq il-baħar. 3.2.4.2. L-istokkijiet miżmumin għal pajjiżi oħra skont ftehimiet governattivi bilaterali L-istokkijiet fit-territorju nazzjonali li jappartjenu għal pajjiż ieħor u li l-aċċess għalihom hu żgurat bi ftehim bejn il-gvernijiet rispettivi. 3.2.4.3. L-istokkijiet b’destinazzjoni barranija magħrufa L-istokkijiet li mhumiex inklużi fil-punt 3.2.4.2, li qegħdin fit-territorju nazzjonali iżda jappartjenu u destinati għal pajjiż ieħor. Dawn l-istokkijiet jistgħu jkunu fiż-żoni riżervati jew fuq barra tagħhom. 3.2.4.4. Stokkijiet oħra miżmumin fiż-żoni riżervati Inkluż l-istokkijiet li mhumiex inklużi fil-punti 3.2.4.2 jew 3.2.4.3, irrispettivament minn jekk għandhomx awtorizzazzjoni doganali jew le. 3.2.4.5. L-istokkijiet miżmuma mill-konsumaturi ewlenin Inkluż l-istokkijiet soġġetti għal kontroll governattiv. Din id-definizzjoni ma tinkludix stokkijiet oħra tal-konsumaturi. 3.2.4.6. L-istokkijiet miżmuma abbord bastimenti tal-oċean li jkunu deħlin fil-port jew fl-irmiġġ Stokkijiet irrispettivament minn jekk għandhomx awtorizzazzjoni doganali jew le. Din il-kategorija teskludi l-istokkijiet abbord bastimenti f’nofs l-ibħra. Tinkludi ż-żejt fit-tankers kostali jekk kemm il-port tat-tluq kif ukoll tad-destinazzjoni tagħhom jinsabu fl-istess pajjiż. Fil-każ ta’ bastimenti li jkunu deħlin b’aktar minn port tal-ħatt wieħed, irid jiġi rappurtat biss l-ammont li jrid jinħatt fil-pajjiż rapportatur. 3.2.4.7. L-istokkijiet miżmumin mill-gvern fit-territorju nazzjonali Inkluż l-istokkijiet nonmilitari miżmumin mill-gvern fit-territorju nazzjonali, u li huma proprjetà tal-gvern jew ikkontrollati u miżmuma esklussivament għal finijiet ta’ emerġenza. Eskluż l-istokkijiet miżmumin minn kumpaniji taż-żejt statali jew minn utilitajiet elettriċi jew l-istokkijiet miżmumin direttament minn kumpaniji taż-żejt f’isem il-gvernijiet. 3.2.4.8. L-istokkijiet miżmuma minn organizzazzjoni li żżomm l-istokkijiet fit-territorju nazzjonali L-istokkijiet miżmumin mill-korporazzjonijiet pubbliċi u privati li ġew stabbiliti biex iżommu l-istokkijiet esklużivament għal finijiet ta’ emerġenza. Eskluż l-istokkijiet mandatorji miżmumin minn kumpaniji privati. 3.2.4.9. L-istokkijiet l-oħra kollha miżmumin fit-territorju nazzjonali L-istokkijiet l-oħra kollha li jissodisfaw il-kundizzjonijiet deskritti fil-punt 3.2.4.1 hawn fuq. 3.2.4.10. L-istokkijiet miżmuma barra mill-pajjiż skont ftehimiet governattivi bilaterali L-istokkijiet li jappartjenu għall-pajjiż rapportatur iżda miżmumin f’pajjiż ieħor u li l-aċċess għalihom hu żgurat bi ftehim bejn il-gvernijiet rispettivi. 3.2.4.10.1. Li minnhom: Stokkijiet governattivi 3.2.4.10.2. Li minnhom: Stokkijiet tal-organizzazzjoni possedenti 3.2.4.10.3. Li minnhom: Stokkijiet oħra 3.2.4.11. L-istokkijiet miżmumin barra mill-pajjiż magħżula definittivament bħala stokkijiet tal-importazzjoni L-istokkijiet li mhumiex inklużi fil-kategorija 10 u li jappartjenu għall-istat rapportatur iżda miżmumin fi stat ieħor u li qed jistennew li jiġu importati hemmhekk. 3.2.4.12. Stokkijiet oħra f’żoni riżervati Stokkijiet oħra fit-territorju nazzjonali li mhumiex inklużi fil-kategoriji ta’ hawn fuq. 3.2.4.13. Kontenut tal-pipelines Żejt (żejt mhux raffinat u prodotti taż-żejt mhux raffinat) li jinsab fil-pipelines, meħtieġ biex jinżamm il-fluss fil-pipelines. Barra minn hekk, trid tiġi dikjarata diżaggregazzjoni tal-kwantitajiet skont il-pajjiż korrispondenti:
3.2.4.13.1.
stokkijiet tal-għeluq miżmumin għal pajjiżi oħra skont ftehim uffiċjali, skont il-benefiċjarju,
3.2.4.13.2.
stokkijiet tal-għeluq miżmumin għal pajjiżi oħra skont ftehim uffiċjali, li minnhom hemm dawk miżmuma bħala biljetti tal-istokk, skont il-benefiċjarju,
3.2.4.13.3.
stokkijiet tal-għeluq b’destinazzjoni barranija magħrufa, skont il-benefiċjarju,
3.2.4.13.4.
stokkijiet tal-għeluq miżmumin barra mill-pajjiż skont ftehim uffiċjali, skont il-post,
3.2.4.13.5.
stokkijiet tal-għeluq miżmumin barra mill-pajjiż skont ftehim uffiċjali, li minnhom hemm dawk miżmuma bħala biljetti tal-istokk, skont il-post,
3.2.4.13.6.
stokkijiet tal-għeluq miżmumin barra mill-pajjiż u maħsuba definittivament għall-importazzjoni fil-pajjiż tad-dikjarant, diżaggregati skont il-post. “Stokkijiet tal-ftuħ” tfisser l-istokkijiet fl-aħħar jum tax-xahar ta’ qabel dak rappurtat. “Stokkijiet tal-għeluq” tfisser l-istokkijiet fl-aħħar jum tax-xahar rappurtat. 3.3. Unitajiet tal-kejl Il-kwantitajiet rappurtati jridu jiġu dikjarati f’kt (kilotunnellati). 3.4. Skadenza għat-trażmissjoni tad-data Fi żmien 55 jum wara x-xahar rappurtat. 3.5. Noti ġeografiċi Għall-finijiet biss tar-rapportar statistiku, japplikaw il-kjarifiki tal-Kapitolu 1 tal-Anness A, bl-eċċezzjonijiet speċifiċi li ġejjin: L-Iżvizzera tinkludi l-Liechtenstein 4. GASS NATURALI 4.1. Prodotti tal-enerġija applikabbli Dan il-Kapitolu jkopri r-rappurtar tal-gass naturali. 4.2. Lista tal-aggregati L-aggregati li ġejjin iridu jiġu dikjarati għall-gass naturali. 4.2.1. PRODUZZJONI INDIĠENA Il-produzzjoni kummerċjabbli niexfa kollha fil-fruntieri nazzjonali, inkluż il-produzzjoni lil hinn mill-kosta. Il-produzzjoni titkejjel wara l-purifikazzjoni u l-estrazzjoni tal-NGLs u tal-kubrit. Eskluż it-telf mill-estrazzjoni u l-kwantitajiet injettati mill-ġdid, rilaxxati minn xi mkien jew ivvampjati. Inkluż il-kwantitajiet użati fl-industrija tal-gass naturali; fl-estrazzjoni tal-gassijiet, fis-sistemi tal-pipelines u fl-impjanti tal-ipproċessar. 4.2.2. IMPORTAZZJONIJIET (DĦUL) 4.2.3. ESPORTAZZJONIJIET (ĦRUĠ) Nota għall-importazzjonijiet u l-esportazzjonijiet: Iridu jiġu rappurtati l-volumi kollha tal-gass naturali li fiżikament qasmu l-fruntieri nazzjonali tal-pajjiż, kemm b’awtorizzazzjoni doganali u anki le. Dan jinkludi l-kwantitajiet li jgħaddu minn pajjiżek; il-volumi tat-tranżitu jridu jiġu inklużi bħala importazzjoni u bħala esportazzjoni. L-importazzjonijiet tal-gass naturali likwifikat iridu jkopru biss l-ekwivalenti kummerċjabbli niexfa, inkluż l-ammonti użati bħala konsum proprju fil-proċess tar-rigassifikazzjoni. L-ammonti użati bħala konsum proprju tul ir-rigassifikazzjoni jridu jiġu rappurtati f’“Użu proprju u telf tal-industrija tal-gass naturali” (ara 4.2.11). Kull likwidu tal-gass (eż. LPG) estratt waqt il-proċess tar-rigassifikazzjoni tal-LNG importat irid jiġi rappurtat f’“Riċevuti li ġejjin minn sorsi oħra” ta’ “Idrokarburi oħra” kif definit fil-Kapitolu 3 ta’ dan l-Anness (ŻEJT JEW PRODOTTI TAŻ-ŻEJT MHUX RAFFINAT). 4.2.4. BIDLIET FL-ISTOKKIJIET Żieda fl-istokk tintwera bħala numru pożittiv u tnaqqis fl-istokk jintwera bħala numru negattiv. 4.2.5. KONSENJI INTERNI GROSSI OSSERVATI Din il-kategorija tirrappreżenta l-konsenji tal-gass kummerċjabbli lejn is-suq intern, inkluż il-gass użat mill-industrija tal-gass għat-tisħin u għal-operazzjoni tat-tagħmir tagħhom (jiġifieri l-konsum fl-estrazzjoni tal-gass, fis-sistema tal-pipelines u fl-impjanti tal-ipproċessar); it-telf mit-trażmissjoni u mid-distribuzzjoni jrid jiġi inkluż ukoll. 4.2.6. IL-LIVELLI TAL-FTUĦ TAL-ISTOKKIJIET MIŻMUMIN FIT-TERRITORJU NAZZJONALI 4.2.8. IL-LIVELLI TAL-GĦELUQ TAL-ISTOKKIJIET MIŻMUMIN FIT-TERRITORJU NAZZJONALI 4.2.9. IL-LIVELLI TAL-FTUĦ TAL-ISTOKKIJIET MIŻMUMIN BARRA L-PAJJIŻ 4.2.10. IL-LIVELLI TAL-GĦELUQ TAL-ISTOKKIJIET MIŻMUMIN BARRA L-PAJJIŻ Nota għal-livelli tal-istokkijiet: inkluż il-gass naturali maħżun f’forma gassuża u f’forma likwifikata. 4.2.11. UŻU PROPRJU U TELF TAL-INDUSTRIJA TAL-GASS NATURALI Il-kwantitajiet użati mill-industrija tal-gass stess għat-tisħin u għat-tħaddim tal-apparat tagħha (jiġifieri l-konsum fl-estrazzjoni tal-gass, fis-sistema tal-pipelines u fl-impjanti tal-ipproċessar); inkluż it-telf mit-trażmissjoni u mid-distribuzzjoni. 4.2.12. IMPORTAZZJONIJIET (DĦUL) SKONT L-ORIĠINI U ESPORTAZZJONIJIET (ĦRUĠ) SKONT ID-DESTINAZZJONI L-importazzjonijiet (id-dħul) iridu jiġu rappurtati skont il-pajjiż tal-oriġini u l-esportazzjonijiet (il-ħruġ) skont il-pajjiż tad-destinazzjoni. In-nota għall-importazzjonijiet u għall-esportazzjonijiet fit-Taqsima 4.2.3 tapplika hawn ukoll. L-importazzjonijiet u l-esportazzjonijiet iridu jiġu ddikjarati biss għall-pajjiż ġar jew il-pajjiż b’konnessjoni diretta ta’ pipeline jew, fil-każ tal-LNG, għall-pajjiż fejn il-gass ikun tgħabba fuq il-vapur tat-trasport. 4.2.13. KONSENJI LEJN IL-ĠENERAZZJONI TAL-ENERĠIJA 4.3. Unitajiet tal-kejl Il-kwantitajiet iridu jiġu dikjarati f’żewġ unitajiet:
4.3.1.
fi kwantità fiżika, f’miljuni ta’ m3 (miljun metru kubiku) meta wieħed jassumi kundizzjonijiet ta’ referenza għall-gass (15 C, 101 325 Pa),
4.3.2.
f’kontenut tal-enerġija, f’TJ (terajoules), abbażi tal-valur kalorifiku gross. 4.4. Skadenza għat-trażmissjoni tad-data Fi żmien 55 jum wara x-xahar rappurtat. 1. Ħarsa ġenerali
1.1 Referenzi1.2 Rekwiżiti identifikati1.3 Standards relatati2. Rekwiżiti identifikati
3. Standards relatati
|