Artikolu 30 Bażijiet tal-kost għall-imposti

1.   Il-bażijiet tal-kost għall-imposti għas-servizzi tan-navigazzjoni bl-ajru għandhom jikkonsistu mill-kostijiet iddeterminati, kif stabbilit fil-pjanijiet ta’ prestazzjoni adottati f’konformità mal-Artikolu 24(6), relatati mal-forniment ta’ dawk is-servizzi fiż-żona ta’ imposti en route u fiż-żona ta’ imposti fit-terminal ikkonċernati.

2.   Il-kostijiet iddeterminati msemmija fil-paragrafu 1 għandhom jinkludu l-kostijiet tal-faċilitajiet u s-servizzi rilevanti, il-kost tal-kapital u d-deprezzament tal-assi, kif ukoll il-kostijiet tal-manutenzjoni, l-operazzjoni, il-ġestjoni u l-amministrazzjoni, inkluż il-kostijiet tal-persunal.

3.   Il-kostijiet iddeterminati msemmija fil-paragrafu 1 għandhom jinkludu wkoll il-kostijiet li ġejjin:

4.   Il-kostijiet iddeterminati ma għandhomx jinkludu l-kostijiet tal-penali imposti mill-Istati Membri f’ konformità mal-Artikolu 53.

5.   Il-kostijiet relatati kemm mas-servizzi tan-navigazzjoni bl-ajru en route kif ukoll mas-servizzi tan-navigazzjoni bl-ajru fit-terminal għandhom jiġu allokati f’konformità mal-prinċipji ġenerali msemmija fl-Artikolu 21(4), il-punt (l). Ma għandux ikun permess sussidju inkroċjat bejn is-servizzi tan-navigazzjoni bl-ajru en route u s-servizzi tan-navigazzjoni bl-ajru fit-terminal. Is-sussidju inkroċjat għandu jitħalla jsir bejn is-servizzi tan-navigazzjoni bl-ajru f’waħda minn dawk iż-żewġ kategoriji biss meta dan ikun ġustifikat minħabba raġunijiet oġġettivi, soġġett għal identifikazzjoni ċara f’konformità mal-Artikolu 36(3).

6.   Il-fornituri tas-servizzi tan-navigazzjoni bl-ajru ddeżinjati skont l-Artikoli 8 u 10 għandhom jipprovdu d-dettalji tal-bażi tal-kost tagħhom lill-awtorità superviżorja nazzjonali. Għal dan il-għan, il-kostijiet għandhom jinqasmu billi ssir distinzjoni bejn il-kostijiet tal-persunal, il-kostijiet operatorji għajr il-kostijiet tal-persunal, il-kostijiet tad-deprezzament, il-kost tal-kapital, kostijiet eċċezzjonali u l-kostijiet imsemmija fl-Artikolu 30(3). Bil-għan li l-Kummissjoni tkun tista’ twettaq il-kompiti tagħha skont dan ir-Regolament, l-awtorità superviżorja nazzjonali għandha tipprovdi din l-informazzjoni lill-Kummissjoni f’konformità mal-modalitajiet definiti fl-att ta’ implimentazzjoni msemmi fl-Artikolu 33.