Artikolu 37 Funzjonijiet tan-network

1.   Il-funzjonijiet tan-network tal-ġestjoni tat-traffiku tal-ajru għandhom iwasslu għall-użu sostenibbli u effiċjenti tal-ispazju tal-ajru u tar-riżorsi skarsi. Għandhom jiżguraw ukoll li l-utenti tal-ispazju tal-ajru jistgħu joperaw trajettorji u profili tat-titjir ottimizzati għall-ambjent u għall-klima filwaqt li jippermettu aċċess ġust u raġonevoli għall-ispazju tal-ajru u għas-servizzi tan-navigazzjoni bl-ajru u jimminimizzaw il-konġestjoni. Il-funzjonijiet tan-network stipulati fil-paragrafu 2 ta’ dan l-Artikolu għandhom jappoġġaw l-aċċess bla xkiel għas-servizzi tan-navigazzjoni bl-ajru mill-utenti tal-ispazju tal-ajru kif ukoll il-kisba tal-miri ta’ prestazzjoni għall-Unjoni kollha, imsemmija fl-Artikolu 21(3), il-punt (b), u għandhom ikunu bbażati fuq rekwiżiti operazzjonali. L-implimentazzjoni ta’ dawk il-funzjonijiet tan-network għandhom jirrispettaw id-dispożizzjonijiet tal-Artikolu 1, u għandhom ikunu mingħajr preġudizzju għas-sovranità tal-Istati Membri fuq l-ispazju tal-ajru tagħhom u għar-rekwiżiti tagħhom fir-rigward tal-ordni pubbliku, is-sigurtà pubblika u kwistjonijiet ta’ difiża.

2.   Il-funzjonijiet tan-network imsemmija fil-paragrafu 1 huma dawn li ġejjin:

3.   L-Istati Membri u l-partijiet ikkonċernati operazzjonali rilevanti kollha għandhom iwettqu funzjonijiet tan-network bil-kontribut tal-Maniġer tan-Network kif definiti fl-Artikolu 38(6) u l-att ta’ implimentazzjoni msemmi fl-Artikolu 38(10).

4.   Il-funzjonijiet stipulati fil-paragrafu 2 ma għandhomx jinvolvu l-adozzjoni ta’ miżuri vinkolanti ta’ ambitu ġenerali jew l-eżerċizzju ta’ diskrezzjoni politika. Dawn għandhom jitwettqu f’koordinazzjoni mal-awtoritajiet ċivili u militari b’mod partikolari f’konformità mal-proċeduri miftiehma li jikkonċernaw l-użu flessibbli tal-ispazju tal-ajru. Il-miżuri meħuda għall-implimentazzjoni tal-funzjonijiet elenkati fil-paragrafi 2 għandhom ikunu ta’ natura purament operazzjonali jew teknika u għandhom iqisu l-ispeċifiċitajiet tal-Istati Membri.

5.   Sabiex tiġi żgurata l-implimentazzjoni uniformi tad-dispożizzjonijiet imsemmija f’dan l-Artikolu u l-konformità magħhom, il-Kummissjoni għandha tadotta, bil-ħsieb li jinkisbu l-objettivi stipulati fl-Artikolu 1, atti ta’ implimentazzjoni, f’konformità mal-proċedura ta’ eżami msemmija fl-Artikolu 48(3), li jistabbilixxu regoli dettaljati dwar l-eżekuzzjoni tal-funzjonijiet tan-network, inkluż dwar il-ġestjoni tal-kriżijiet.