Artikolu 5 Rekwiżiti għas-sustanzi f'imballaġġ

1.   L-imballaġġ imqiegħed fis-suq għandu jiġi mmanifatturat b'tali mod li l-preżenza u l-konċentrazzjoni tas-sustanzi ta' tħassib bħala l-kostitwenti tal-materjal tal-imballaġġ jew ta' kwalunkwe wieħed mill-komponenti tal-imballaġġ jiġu mminimizzati, inkluż fir-rigward tal-preżenza tagħhom fl-emissjonijiet u kwalunkwe eżitu tal-immaniġġar tal-iskart, bħall-materja prima sekondarja, l-irmied jew materjal ieħor għar-rimi finali, u għall-impatt negattiv fuq l-ambjent minħabba l-mikroplastik.

2.   Il-Kummissjoni għandha timmonitorja l-preżenza ta' sustanzi ta' tħassib fl-imballaġġ u fil-komponenti tal-imballaġġ u għandha tieħu, fejn xieraq, il-miżuri ta' segwitu rilevanti.

Sal-31 ta' Diċembru 2026, il-Kummissjoni, assistita mill-Aġenzija Ewropea għas-Sustanzi Kimiċi, għandha tħejji rapport dwar il-preżenza ta' sustanzi ta' tħassib fl-imballaġġ u l-komponenti tal-imballaġġ, biex tiddetermina sa liema punt jaffettwaw b'mod negattiv l-użu mill-ġdid u r-riċiklaġġ ta' materjali jew jimpattaw is-sigurtà kimika. Dak ir-rapport jista' jelenka s-sustanzi ta' tħassib preżenti fl-imballaġġ u fil-komponenti tal-imballaġġ u jindika sa liema punt dawn jistgħu jippreżentaw riskju inaċċettabbli għas-saħħa tal-bniedem u għall-ambjent.

Il-Kummissjoni għandha tippreżenta r-rapport lill-Parlament Ewropew, lill-Kunsill u lill-kumitat imsemmi fl-Artikolu 65 ta' dan ir-Regolament fejn tispjega s-sejbiet tagħha u għandha tqis miżuri ta' segwitu xierqa, inkluż:

Jekk Stat Membru jqis li sustanza taffettwa b'mod negattiv l-użu mill-ġdid u r-riċiklaġġ ta' materjali fl-imballaġġ li fih tkun preżenti, huwa għandu, sal-31 ta' Diċembru 2025, jipprovdi tali informazzjoni lill-Kummissjoni u lill-Aġenzija Ewropea għas-Sustanzi Kimiċi u, fejn disponibbli, jirreferi għall-valutazzjonijiet tar-riskju rilevanti jew għal data rilevanti oħra.

3.   L-Istati Membri jistgħu jitolbu lill-Kummissjoni tqis ir-restrizzjoni, skont l-Artikolu 6(4), il-punt (a), tal-użu ta' sustanzi ta' tħassib li potenzjalment jaffettwaw b'mod negattiv l-użu mill-ġdid u r-riċiklaġġ ta' materjali fl-imballaġġ li fih huma preżenti, għal raġunijiet differenti minn dawk relatati primarjament mas-sigurtà kimika ta' dawk is-sustanzi. Ma' tali talbiet, l-Istati Membri għandhom jagħtu rapport li jiddokumenta l-identità u l-użi tas-sustanzi u deskrizzjoni ta' kif l-użu tas-sustanzi fl-imballaġġ ixekkel ir-riċiklaġġ, għal raġunijiet differenti minn dawk relatati primarjament mas-sigurtà kimika. Il-Kummissjoni għandha tevalwa t-talba u tippreżenta r-riżultati ta' dik l-evalwazzjoni lill-kumitat imsemmi fl-Artikolu 65.

4.   Mingħajr preġudizzju għar-restrizzjonijiet dwar is-sustanzi kimiċi stabbiliti fl-Anness XVII tar-Regolament (KE) Nru 1907/2006 jew, meta applikabbli, għar-restrizzjonijiet u għall-miżuri speċifiċi fuq il-materjali u l-oġġetti li jiġu f'kuntatt mal-ikel fir-Regolament (KE) Nru 1935/2004, it-total tal-konċentrazzjonijiet taċ-ċomb, tal-kadmju, tal-merkurju u tal-kromu eżavalenti li jirriżultaw mis-sustanzi preżenti fl-imballaġġ jew fil-komponenti tal-imballaġġ ma għandhiex taqbeż il-100 mg/kg.

5.   Mit-12 ta’ Awwissu 2026, l-imballaġġ li jiġi f'kuntatt mal-ikel ma għandux jitqiegħed fis-suq jekk ikun fih sustanzi per- u polifluworoalkilati (PFAS) f'konċentrazzjoni ugwali għall-valuri ta' limitu li ġejjin jew ogħla, sal-punt li t-tqegħid fis-suq tal-imballaġġ li jkun fih din il-konċentrazzjoni ta' PFAS ma jkunx ipprojbit skont att legali ieħor tal-Unjoni:

“PFAS” tfisser kwalunkwe sustanza li jkun fiha mill-inqas atomu wieħed tal-karbonju ta' metil (CF3-) jew ta' metilen (-CF2-) kompletament fluworurat (mingħajr ebda H/Cl/Br/I mehmuż miegħu), ħlief sustanzi li fihom biss l-elementi strutturali li ġejjin: CF3-X jew X-CF2-X', fejn X = -OR jew -NRR' u X' = metil (-CH3), metilen (-CH2-), grupp aromatiku, grupp tal-karbonil (-C(O)-), -OR'', -SR'' jew –NR''R'''; u fejn R/R'/R''/R''' hija idroġenu (-H), metil (-CH3), metilen (-CH2-), grupp aromatiku jew grupp tal-karbonil (-C(O)-).

Sat-12 Lúnasa 2030, il-Kummissjoni għandha twettaq evalwazzjoni biex tivvaluta l-ħtieġa li temenda jew tħassar dan il-paragrafu sabiex jiġu evitati duplikazzjonijiet ma' restrizzjonijiet jew projbizzjonijiet dwar l-użu tal-PFAS stabbiliti f'konformità mar-Regolamenti (KE) Nru 1935/2004, (KE) Nru 1907/2006 jew (UE) 2019/1021.

6.   Il-konformità mar-rekwiżiti stabbiliti fil-paragrafi 4 u 5 ta' dan l-Artikolu għandha tintwera fid-dokumentazzjoni teknika mfassla f'konformità mal-Anness VII.

7.   Sabiex jitqies il-progress xjentifiku u tekniku, il-Kummissjoni tista' tadotta atti delegati f'konformità mal-Artikolu 64 biex temenda dan ir-Regolament sabiex tbaxxi t-total tal-konċentrazzjonijiet taċ-ċomb, tal-kadmju, tal-merkurju u tal-kromu eżavalenti li jirriżultaw mis-sustanzi preżenti fl-imballaġġ jew fil-komponenti tal-imballaġġ imsemmija fil-paragrafu 4 ta' dan l-Artikolu.

8.   Sabiex jitqies il-progress xjentifiku u tekniku, il-Kummissjoni tista' tadotta atti delegati f'konformità mal-Artikolu 64, biex tissupplimenta dan ir-Regolament sabiex tiddetermina l-kundizzjonijiet li fihom it-total tal-konċentrazzjonijiet imsemmija fil-paragrafu 4 ta' dan l-Artikolu ma għandhomx japplikaw għall-materjali riċiklati jew għaċ-ċirkwiti tal-prodotti li jkunu f'katina magħluqa jew kontrollata, kif ukoll biex tiddetermina t-tipi jew il-formati tal-imballaġġ, abbażi tal-kategoriji tal-imballaġġ elenkati fit-Tabella 1 tal-Anness II ta' dan ir-Regolament, li għandhom ikunu eżentati mir-rekwiżiti stabbiliti f'dak il-paragrafu. Atti delegati bħal dawn għandhom ikunu ġustifikati abbażi ta' analiżi skont il-każ, limitati fiż-żmien, jipprevedu rekwiżiti xierqa tal-immarkar u tal-informazzjoni, u jinkludu rekwiżiti għar-rapportar regolari sabiex jiġi żgurat li l-eżenzjoni tiġi rieżaminata regolarment. Atti delegati adottati f'konformità ma' dan il-paragrafu għandhom jiġu adottati biss biex jemendaw id-derogi stabbiliti fid-Deċiżjonijiet 2001/171/KE u 2009/292/KE.

9.   Sat-12 Lúnasa 2030, il-Kummissjoni għandha twettaq evalwazzjoni biex tivvaluta jekk dan l-Artikolu u l-kriterji tad-disinn għar-riċiklaġġ stabbiliti f'konformità mal-Artikolu 6(4) ikkontribwewx biżżejjed biex jimminimizzaw il-preżenza u l-konċentrazzjoni ta' sustanzi ta' tħassib bħala kostitwenti tal-materjali tal-imballaġġ.