Artikolu 11 Aċċess mill-professjonisti tas-saħħa għal data elettronika personali dwar is-saħħa

1.   Meta il-professjonisti tas-saħħa jipproċessaw data f’format elettroniku, huma għandu jkollhom aċċess għad-data elettronika dwar is-saħħa rilevanti u meħtieġa ta’ persuni fiżiċi taħt il-kura tagħhom, permezz tas-servizzi ta’ aċċess għall-professjonisti tas-saħħa msemmija fl-Artikolu 12, irrispettivament mill-Istat Membru ta’ affiljazzjoni u mill-Istat Membru tat-trattament.

2.   Meta l-Istat Membru ta’ affiljazzjoni tal-persuna fiżika taħt trattament u l-Istat Membr tat-trattament ta’ tali persuna fiżika jkunu differenti, l-aċċess transkonfinali għad-data elettronika personalidwar is-saħħa tal-persuna fiżika taħt trattament għandu jiġi pprovdut permezz tal-infrastruttura transkonfinali msemmija fl-Artikolu 23.

3.   L-aċċess imsemmi fil-paragrafi 1 u 2 ta’ dan l-Artikolu għandu jinkludi mill-inqas l-kategoriji ta’ prijorità ta’ data elettronika personali dwar is-saħħa msemmija fl-Artikolu 14.

F’konformità mal-prinċipji previsti fl-Artikolu 5 tar-Regolament (UE) 2016/679, l-Istati Membri għandhom jistabbilixxu regoli li jipprevedu l-kategoriji ta’ data elettronika personali dwar is-saħħa aċċessibbli minn kategoriji differenti ta’ professjonisti tas-saħħa jew għal kompiti tal-kura tas-saħħa differenti. Tali regoli għandhom iqisu l-possibbiltà ta’ restrizzjonijiet imposti skont l-Artikolu 8 ta’ dan ir-Regolament.

4.   Fil-każ ta’ trattament fi Stat Membru għajr l-Istat Membru ta’ affiljazzjoni, ir-regoli msemmija fil-paragrafu 3 għandhom ikunu dawk tal-Istat Membru tat-trattament.

5.   Meta l-aċċess għad-data elettronika personali dwar is-saħħa jkun ġie ristrett minn persuna fiżika skont l-Artikolu 8, il-fornitur tal-kura tas-saħħa jew il-professjonisti tas-saħħa ma għandhomx jiġu informati dwar Il-kontenut restritt ta’ duk id-data.

Permezz ta’ deroga mill-ewwel paragrafu tal-Artikolu 8, meta l-aċċess ikun meħtieġ sabiex jiġu protetti l-interessi vitali tas-suġġett tad-data, il-fornitur tal-kura tas-saħħa jew il-professjonist tas-saħħa jistgħu jingħataw aċċess għad-data elettronika ristretta dwar is-saħħa. Tali każijiet għandhom jiġu rreġistrati f’format ċar u li jinftiehem u għandhom ikunu faċilment aċċessibbli għas-suġġett tad-data.

L-Istati Membri jistgħu jipprevedusalvagwardji addizzjonali.