Artikolu 65
Relazzjoni mal-awtoritajiet superviżorji skont ir-Regolament (UE) 2016/679
L-awtorità jew l-awtoritajiet superviżorji responsabbli għall-monitoraġġ u l-infurzar tal-applikazzjoni tar-Regolament (UE) 2016/679 għandhom ikunu kompetenti wkoll għall-monitoraġġ u l-infurzar tal-applikazzjoni tad-dritt ta’ nonparteċipazzjoni fl-ipproċessar ta’ data elettronika personali dwar is-saħħa għal użu sekondarju skont l-Artikolu 71. Dawk l-awtoritajiet superviżorji għandhom jingħataw is-setgħa li jimponu multi amministrattivi sal-ammont imsemmi fl-Artikolu 83 tar-Regolament (UE) 2016/679.
L-awtoritajiet superviżorji msemmija fl-ewwel paragrafu ta’ dan l-Artikolu u l-korpi tal-aċċess għad-data dwar is-saħħa msemmija fl-Artikolu 55 ta’ dan ir-Regolament għandhom, fejn rilevanti, jikkooperaw fl-infurzar ta’ dan ir-Regolament, fil-mandat tal-kompetenzi rispettivi tagħhom. Id-dispożizzjonijiet rilevanti tar-Regolament (UE) 2016/679 għandhom japplikaw mutatis mutandis.