ANNESS II DESKRIZZJONIJIET

Kategoriji ta' strumenti

Deskrizzjoni tal-karatteristiċi ewlenin

Investimenti f'karti tal-flus u muniti tal-euro u ta' valuti barranin f'ċirkolazzjoni li jintużaw b'mod komuni sabiex isiru ħlasijiet u depożiti li jsiru mill-IC ma' istituzzjonijiet finanzjarji monetarji (IFM). Dawn jistgħu jinkludu depożiti ta' matul il-lejl, depożiti b'maturità miftiehma u depożiti li jistgħu jinfdew b'avviż, kif ukoll pretensjonijiet taħt retroriakkwisti jew self teħid ta' titoli b'self kontra kollaterali fi flus kontanti.

Depożiti trasferibbli huma depożiti li huma trasferibbli direttament fuq talba biex jagħmlu ħlasijiet lil aġenti ekonomiċi oħra permezz ta' mezzi ta' ħlas użati normalment, bħal trasferiment ta' kreditu u debitu dirett, possibbilment ukoll permezz ta' karta ta' kreditu jew ta' debitu, tranżazzjonijiet ta' flus elettroniċi, ċekkijiet, jew mezzi simili, mingħajr dewmien sinifikanti, restrizzjoni jew penali. Depożiti li jistgħu jintużaw biss għal ġbid ta' flus, u/jew depożiti li minnhom jistgħu jinġibdu jew jiġu ttrasferiti flus permezz ta' kont ieħor tal-istess sid, m'għandhomx jiddaħħlu bħala depożiti trasferibbli.

Investimenti f'titoli ta dejn, li huma strumenti finanzjarji negozjabbli li jservu bħala prova ta' dejn, normalment jiġu nnegozjati fis-swieq sekondarji. Dawn jistgħu jiġu paċuti wkoll fuq is-suq u ma jagħtu ebda dritt ta' proprjetà lid-detentur kontra l-istituzzjoni ta-ħruġ.

Din il-kategorija ta' strumenti tinkludi:

Titoli mislufa taħt operazzjonijiet ta' self ta' titoli jew mibjugħa taħt ftehim ta' xiri mill-ġdid jibqgħu fuq il-karta tal-bilanċ tas-sid oriġinali (u ma jiġux irreġistrati fil-karta tal-bilanċ tal-akkwirent temporanju) meta jkun hemm impenn sod li tinqeleb l-operazzjoni, u mhux sempliċement għażla biex isir dan. Meta l-akkwirent temporanju ibiegħ it-titoli rċevuti, dan il-bejgħ għandu jitniżżel bħala transazzjoni ċara f'titoli u mdaħħla fil-karta tal-bilanċ tal-akkwirent temporanju bħala pożizzjoni negattiva fil-portafoll tat-titoli.

Għall-finijiet tal-iskema ta' rapportar, din il-kategorija tikkonsisti f'fondi mislufa minn ICs lil mutwatarji, jew self akkwistati minn ICs, li tagħhom ikun hemm prova permezz ta' dokumenti mhux negozjabbli jew inkella ma jkunx hemm prova b'dokumenti.

L-oġġetti li ġejjin huma inklużi:

Din il-kategorija teskludi assi fil-forma ta' depożiti li jsiru minn ICs (li huma inklużi fil-kategorija 1).

Depożiti li jsiru minn korporazzjonijiet ta' riassigurazzjoni bħala kolateral għal ICs li jaġixxu bħala korporazzjonijiet ċessjonarji fi transazzjonijiet ta' riassigurazzjoni.

Assi finanzjarji li jirrappreżentaw drittijiet ta' proprjetà f'korporazzjonijiet jew kważikorporazzjonijiet. Tali assi finanzjarji ġeneralment jagħtu dritt lid-detenturi għal sehem fil-profitti tal-korporazzjonijiet jew kważi-korporazzjonijiet, u għal sehem fl-assi netti tagħhom f'każ ta' likwidazzjoni.

Din il-kategorija tinkludi ishma elenkati u mhux elenkati u ekwità oħra.

Titoli ta' ekwità mislufa taħt operazzjonijiet ta' self ta' titoli jew mibjugħa taħt ftehim ta' xiri mill-ġdid, jiġu ttrattati b'mod konformi mal-kategorija 2 “Titoli ta' dejn”.

It-titoli ta' ekwità kkwotati f'borża. Din il-borża tista' tkun borża rikonoxxuta jew kwalunkwe forma oħra ta' suq sekondarju. L-ishma kkwotati jissejħu wkoll “ishma kkwotati fil-borża”.

L-ishma mhux ikkwotati huma titoli ta' ekwità mhux ikkwotati f'Borża.

Ekwità oħra tinkludi kull forma ta' ekwità minbarra ishma elenkati u ishma mhux elenkati.

Din il-kategorija tinkludi investimenti f'ishma jew unitajiet maħruġa minn fondi tas-suq monetarju (MMFs) u fondi ta' investiment li mhumiex MMF (jiġifieri fondi ta' investiment apparti MMFs) inklużi fil-listi tal-BĊE ta' IFM u fondi ta' investiment (FI) għal finijiet ta' statistika.

Investimenti f'ishma jew unitajiet maħruġa minn MMFs kif iddefiniti fl-Artikolu 2 tar-Regolament (UE) Nru 1071/2013 (BĊE/2013/33).

Investimenti f'ishma jew unitajiet maħruġa minn FI apparti MMFs kif iddefiniti fl-Artikolu 1 tar-Regolament (UE) Nru 1073/2013 (BĊE/2013/38).

Derivattivi finanzjarji huma strumenti finanzjarji li huma marbuta ma' strument finanzjarju, indikatur jew kommodità speċifikati, li permezz tagħhom riskji finanzjarji speċifiċi jistgħu jkunu nnegozjati fi swieq finanzjarji per se.

Din il-kategorija tinkludi:

Id-derivattivi finanzjarji huma rreġistrati bil-valur tas-suq fuq il-karta tal-bilanċ fuq bażi grossa. Kuntratti individwali ta' derivattivi b'valuri tas-suq pożittivi għandhom jitniżżlu fuq in-naħa tal-attiv tal-karta tal-bilanċ, u l-kuntratti b'valuri tas-suq negattivi fuq in-naħa tal-passiv tal-karta tal-bilanċ.

Rabtiet futuri gross li joħorġu minn kuntratti ta' derivattivi m'għandhomx jiddaħħlu bħala partiti ta' fuq il-karta tal-bilanċ.

Din il-kategorija ma tinkludix derivattivi finanzjarji li ma humiex soġġetti għal reġistrazzjoni fuq il-karta tal-bilanċ skont ir-regoli nazzjonali.

Pretensjonijiet finanzjarji ta' ICs kontra korporazzjonijiet tar-riassigurazzjoni ibbażati fuq poloz tar-riassigurazzjoni fuq il-ħajja u mhux fuq il-ħajja.

Assi tanġibbli jew intanġibbli minbarra assi finanzjarji.

Din il-kategorija tinkludi residenzi, binjiet u strutturi oħrajn, makkinarju u tagħmir, oġġetti prezzjużi, prodotti tal-proprjetà intellettwali bħal programmi tal-kompjuter u databases.

Din hija l-kategorija residwa fuq in-naħa tal-assi tal-karta tal-bilanċ, iddefinita bħala “assi mhux inklużi x'imkien ieħor”. Il-BĊNi jistgħu jeħtieġu li jiġu rrapportati subpożizzjonijiet speċifiċi inklużi taħt din il-kategorija. Attiv li jifdal jista' jinkludi:

Kategorija ta' strumenti

Deskrizzjoni tal-karatteristiċi ewlenin

Titoli maħruġa mill-IC, minbarra ekwità, li huma strumenti normalment negozjabbli u nnegozjati fi swieq sekondarji jew li jistgħu jiġu paċuti fis-suq u li ma jagħtu ebda drittijiet ta' proprjetà lid-detentur fuq l-istituzzjoni emittenti.

Ammonti dovuti lil kredituri mill-IC, minbarra dawk li jirriżultaw mill-ħruġ ta' titoli negozzjabbli. Din il-kategorija tikkonsisti f'dawn li ġejjin:

Depożiti riċevuti minn korporazzjonijiet ċessjonarji bħala kollateral minn korporazzjonijiet ta' riassigurazzjoni.

Ara l-kategorija 4

Ara l-kategorija 4.1

Ara l-kategorija 4.2

Ara l-kategorija 4.3

L-ammont ta' kapital li l-IC iżżomm sabiex tissodisfa l-klejms tal-assigurazzjoni futuri tad-detenturi tal-poloz tagħha.

L-ammont ta' kapital li l-IC iżżomm sabiex tissodisfa l-klejms tal-assigurazzjoni futuri tad-detenturi tal-poloz tagħha fuq il-ħajja.

L-ammont ta' kapital li l-IC iżżomm sabiex tissodisfa l-klejms tal-assigurazzjoni futuri tad-detenturi tal-poloz tagħha fuq il-ħajja marbuta ma' unità. Il-klejms futuri tad-detentur ta' polza taħt kuntratt ta' assigurazzjoni fuq il-ħajja marbuta ma' unità jiddependu fuq il-prestazzjoni ta' pool ta' assi li fihom ikunu investiti l-fondi tad-detentur tal-polza.

L-ammont ta' kapital li l-IC iżżomm sabiex tissodisfa l-klejms tal-assigurazzjoni futuri tad-detenturi tal-poloz tagħha fuq il-ħajja mhux marbuta ma' unità. Il-klejms futuri ta' detentur ta' polza taħt kuntratt tal-assigurazzjoni fuq il- ħajja mhux marbuta ma' unità ma jiddependux fuq il-prestazzjoni ta' xi pool ta' assi ddefinit.

L-ammont ta' kapital li l-IC iżżomm sabiex tissodisfa l-klejms futuri tal-iskemi tal- pensjoni tagħha. Din il-kategorija tirreferi biss għal pjanijiet tal-pensjoni okkupazzjonali. Pjanijiet tal-pensjoni individwali li ma humiex marbuta ma' relazzjoni ta' impjieg ma jaqgħux taħt din il-kategorija.

L-ammont ta' kapital li l-IC iżżomm sabiex tissodisfa l-klejms tal-assigurazzjoni futuri tad-detenturi tal-poloz tal-iskema ta' kontribuzzjoni ddefinita tagħha.

Fi skema ta' kontribuzzjoni ddefinita, il-benefiċċji mħallsa jiddependu mir-rendiment tal-assi akkwistati mill-iskema tal-pensjoni. Il-passiv ta' skema b'kontribuzzjoni definita hu l-valur tas-suq attwali tal-assi tal-fond.

L-ammont ta' kapital li l-IC iżżomm sabiex tissodisfa l-klejms tal-assigurazzjoni futuri tad-detenturi tal-poloz tal-iskema ta' benefiċċju ddefinita tagħha.

Fi skema tal-pensjoni ta' benefiċċju definit, il-livell tal-benefiċċji tal-pensjoni mwiegħda lil impjegati parteċipanti jiġi determinat b'formola miftiehma minn qabel. Il-passiv ta' skema tal-pensjoni ta' benefiċċju definit ikun daqs il-valur preżenti tal-benefiċċji mwiegħda.

L-ammont ta' kapital li l-IC iżżomm sabiex tissodisfa l-klejms tal-assigurazzjoni futuri tal-iskemi tagħha li jikkombinaw elementi ta' kontribuzzjoni ddefinita u skemi ta' benefiċċji ddefiniti.

L-ammont ta' kapital li l-IC iżżomm sabiex tissodisfa l-klejms tal-assigurazzjoni futuri tad-detenturi tal-poloz tagħha mhux fuq il-ħajja.

Obbligi ta' assigurazzjoni għall-ispejjeż mediċi fejn in-negozju sottostanti ma jkunx segwit fuq bażi teknika simili bħal dik tal-assigurazzjoni fuq il- ħajja, minbarra l-obbligi inklużi fil-linja tan-negozju 13.2.3.

Obbligi ta' assigurazzjoni għall-protezzjoni tad-dħul fejn in-negozju sottostanti ma jkunx segwit fuq bażi teknika simili bħal dik tal-assigurazzjoni fuq il- ħajja, minbarra l-obbligi inklużi fil-linja tan-negozju 13.2.3.

Obbligi ta' assigurazzjoni tas-saħħa relatati ma' inċidenti fuq ix-xogħol, korriment industrijali u mard okkupazzjonali u fejn in-negozju sottostanti ma jkunx segwit fuq bażi teknika simili bħal dik tal-assigurazzjoni fuq il- ħajja.

Obbligi ta' assigurazjoni li jkopru kull responsabbiltà li tista' tirriżulta mill-użu ta' vetturi bil-mutur li joperaw fuq l-art (inkluża r-responsabbiltà tat-trasportatur).

Obbligi ta' assigurazzjoni li jkopru kull ħsara lil jew telf ta' vetturi ta' fuq l-art (inklużi vetturi ferrovjarji).

Obbligi ta' assigurazzjoni li jkopru kull ħsara jew telf lil inġenji tal-baħar, tal-lagi, tax-xmajjar u tal-kanali, inġenji tal-ajru, u ħsara lil jew telf ta' merkanzija fi tranżitu jew bagalji irrispettivament mill-forma tat-trasport. Obbligi ta' assigurazzjoni li jkopru responsabbiltajiet li jirriżultaw mill-użu ta' inġenji tal-ajru, vapuri, inġenji tal-baħar jew dgħajjes fuq il-baħar, lagi, xmajjar jew kanali (inkluża r-responsabbiltà tat-trasportatur).

Obbligi ta' assigurazzjoni li jkopru kull ħsara lil jew telf ta' proprjetà, minbarra dawk inklużi fil-linji tan-negozju 13.2.5 u 13.2.6, minħabba nar, splużjoni, forzi naturali inklużi tempesti, borra jew silġ, enerġija nukleari, ċediment tal-art u kwalunkwe avveniment bħal serq.

Obbligi ta' assigurazzjoni li jkopru responsabbiltajiet minbarra dawk fil-linji ta' negoszju 13.2.4 u 13.2.6.

Obbligi ta' assigurazzjoni li jkopru insolvenza, kreditu tal-esportazzjoni, kreditu fuq ħlas bin-nifs, ipoteki, kreditu agrikolu u garanziji diretti u indiretti.

Obbligi ta' assigurazzjoni li jkopru spejjeż legali u l-ispejjeż tal-litigazzjoni

Obbligi ta' assigurazzjoni li jkopru assistenza għal persuni li jiltaqgħu ma' diffikultajiet waqt li jkunu qegħdin jivvjaġġaw, waqt li jkunu 'l bogħod mid-dar u waqt li jkunu 'l bogħod mir-residenza normali tagħhom.

Obbligi ta' assigurazzjoni li jkopru riskju tal-impjieg, dħul insuffiċjenti, temp ħażin, telf ta' benefiċċju, spejjeż ġenerali kontinwi, spejjeż ta' negozjar mhux previsti, telf ta' valur fis-suq, telf ta' kera jew dħul, telf indirett minn negozjar minbarra dawk imsemmija hawn fuq, telf ieħor (mhux tan-negozju) kif ukoll kull riskju ieħor ta' assigurazzjoni mhux fuq il-ħajja li ma jkunx koperta bil-linji ta' negozju 13.2.1 sa 13.2.11.

Obbligi ta' riassigurazzjoni

Ara l-kategorija 6

Din hija l-partita residwa fuq in-naħa tal-passiv tal-karta tal-bilanċ, iddefinita bħala “obbligazzjonijiet mhux inklużi x'imkien ieħor”. Il-BĊNi jistgħu jeħtieġu li jiġu rrapportati subpożizzjonijiet speċifiċi inklużi taħt din il-kategorija. Obbligazzjonijiet li jifdal jistgħu jinkludu:

Qasam

Deskrizzjoni

Kodiċi għall-identifikazzjoni tat-titolu

Kodiċi li tidentifika titolu b'mod uniku, soġġett għall-istruzzjonijiet tal-BĊN (eż. in-numru ta' identifikazzjoni tal-BĊN, CUSIP, SEDOL).

Numru ta' unitajiet jew ammont nominali aggregat

Numru ta' unitajiet ta' titolu, jew ammont nominali aggregat fil-każ li t-titolu huwa nnegozjat f'ammonti aktar milli f'unitajiet, eskluż imgħax akkumulat.

Prezz

Prezz tas-suq għal kull unità ta' titolu, jew perċentwal tal-ammont nominali aggregat fil-każ li t-titolu huwa nnegozjat f'ammonti aktar milli f'unitajiet. Il-BĊNi jistgħu jitolbu wkoll li l-imgħax akkumulat ikun irrapportat taħt din il-pożizzjoni.

Quotation basis (Bażi ta' kwotazzjoni)

Jindika kif inhu kkwotat it-titolu, bħala perċentwali jew f'unitajiet

Ammont totali

Valur tas-suq totali ta' titolu Fil-każ ta' titoli li huma nnegozjati f'unitajiet, dan l-ammont huwa l-istess daqs in-numru ta' titoli multiplikat bil-prezz għal kull unità. Meta t-titoli jkunu nnegozjati f'ammonti aktar milli f'unitajiet, dan l-ammont huwa l-istess daqs l-ammont nominali aggregat immultiplikat bil-prezz imfisser bħala persentaġġ tal-ammonti nominali.

Il-BĊNi jistgħu fil-prinċipju jitolbu li l-imgħax akkumulat ikun irrapportat jew taħt din il-pożizzjoni jew inkella separatament. Madankollu, il-BĊNi jistgħu fid-diskrezzjoni tagħhom jitolbu dejta li teskludi imgħax akkumulat.

Transazzjonijiet finanzjarji

Is-somma tax-xiri wara li jitnaqqsu l-bejgħ (titoli fuq in-naħa tal-assi) jew l-emissjonijiet wara li jitnaqqsu l-fidjiet (titoli fuq in-naħa tal-passiv) ta' titolu rreġistrat bil-valur tat-tranżazzjoni f'euro.

Titoli mixtrija

Is-somma tax-xiri ta' titolu rreġistrat bil-valur tat-transazzjoni.

Titoli mibjugħa

Is-somma tal-bejgħ ta' titolu rreġistrat bil-valur tat-transazzjoni.

Munita tar-reġistrazzjoni tat-titolu

Kodiċi ISO jew ekwivalenti tal-munita użata biex tfisser il-prezz u/jew l-ammont pendenti tat-titolu.

Bidliet oħra fil-volum b'valur nominali

Bidliet oħrajn fil-volum tat-titolu miżmum, bil-valur nominali fil-valuta/unità nominali jew f'euro.

Bidliet oħra fil-volum b'valur tas-suq

Bidliet oħrajn fil-volum tat-titolu miżmum, bil-valur tas-suq f'euro.

Investiment f'portafoll jew investiment dirett

The function of the investment according to its classification in balance of payment statistics (1).

Pajjiż emittent

Ir-residenza tal-emittent Fil-każ ta' ishma/unitajiet ta' fond ta' investiment, il-pajjiż emittent jirreferi għall-post fejn il-fond ta' investiment ikun residenti u mhux għar-residenza tal-maniġer tal-fond.

Kategorija

Deskrizzjoni

Primjums kontabbilizzati

Primjums grossi kontabilizzati li jikkonsistu fl-ammonti kollha dovuti matul is-sena finanzjarja fir-rigward ta' kuntratti ta' assigurazzjoni, irrispettivament mill-fat li dawk l-ammonti jistgħu jkunu relatati totalment jew parzjalment ma' sena finanzjarja aktar tard.

Klejms imġarrba

Somma tal-klejms imħallsa fir-rigward tas-sena finanzjarja u l-provvediment għal klejms għal dik is-sena finanzjarja, wara li jitnaqqas il-provvediment għal klejms għas-sena finanzjarja preċedenti.

Kummissjonijiet

Spejjeż tal-akkwist imħallsa minn ICs lil entitajiet oħrajn biex ibiegħu l-prodotti tagħhom.

Settur

Deskrizzjonijiet

IFM huma ddefiniti fl-Artikolu 1 tar-Regolament (KE) Nru 1071/2013 (BĊE/2013/33). Is-settur tal-IFM jikkonsisti minn BĊNi, istituzzjonijiet ta' kreditu kif definiti fil-liġi tal-Unjoni, MMFs, istituzzjonijiet finanzjarji oħra li n-negozju tagħhom huwa li jirċievu depożiti u/jew sostituti viċini għal depożiti mingħand entitajiet li mhumiex IFM u, f'isimhom stess, tal-anqas f'termini ekonomiċi, biex jagħtu self u/jew jagħmlu investimenti f'titoli, u istituzzjonijiet ta' flus elettroniċi li huma prinċipalment involuti f'intermedjazzjoni finanzjarja fil-forma ta' ħruġ ta' flus elettroniċi.

Is-settur tal-gvern ġenerali (S.13) jikkonsisti fl-unitajiet istituzzjonali kollha li huma produtturi mhux għas-suq li l-output tagħhom huwa intiż għall-konsum individwali u kollettiv, u li huma ffinanzjati minn pagamenti obbligatorji magħmula minn unitajiet li jappartjenu lil setturi oħra, u l-unitajiet istituzzjonali li huma prinċipalment involuti fir-ridistribuzzjoni tal-introjtu nazzjonali u l-ġid (ESA 2010, paragrafi 2.111 sa 2.113)

L-intermedjarji finanzjarji oħrajn, minbarra s-subsettur tal-ICs u tal-fondi ta' pensjonijiet (S.125) jikkonsistu fil-korporazzjonijiet finanzjarji u kważi-korporazzjonijiet kollha li huma involuti prinċipalment fl-intermedjazzjoni finanzjarja billi jġarrbu obbligazzjonijiet f'forma oħra minbarra valuta, depożiti (jew sostituti mill-qrib għal depożiti), ishma/unitajiet ta' FI, jew b'rabta ma' assigurazzjoni, pensjonijiet u skemi ta' garanzija standardizzati minn unitajiet istituzzjonali. FVCs kif iddefiniti fir-Regolament (UE) Nru 1075/2013 (BĊE/2013/40) huma inklużi f'dan is-subsettur (ESA 2010, paragrafi 2.86 sa 2.94).

FI li mhumiex MMF huma ddefiniti fl-Artikolu 1 tar-Regolament (KE) Nru 1073/2013 (BĊE/2013/38).

Is-sottosettur tal-awżiljari finanzjarji (S.126) jikkonsisti fil-korporazzjonijiet u l-entitajiet bi status kważi ta' korporazzjoni finanzjarji kollha li huma involuti prinċipalment f'attivitajiet marbuta mill-qrib ma' intermedjazzjoni finanzjarja iżda li huma nfushom mhumiex intermedjarji finanzjarji. Dan is-subsettur jinkludi wkoll uffiċċji prinċipali li s-sussidjarji tagħhom huma kollha jew prinċipalment korporazzjonijiet finanzjarji (ESA 2010, paragrafi 2.95 sa 2.97).

Is-sottosettur tal-istituzzjonijiet finanzjarji kaptivi u tas-selliefa tal- flus (S.127) jikkonsisti fil-korporazzjonijiet finanzjarji kollha u kważi-korporazzjonijiet li la huma involuti f'intermedjazzjoni finanzjarja u lanqas ma jipprovdu servizzi awżiljarji finanzjarji, u fejn il-parti l-kbira jew tal-assi tagħhom jew l-obbligazzjonijiet tagħhom mhumiex innegozjati fi swieq miftuħa. Dan is-subsettur jinkludi kumpaniji holding li jżommu livelli ta' ekwità li jagħtuhom kontroll fuq grupp ta' korporazzjonijiet sussidjarji u li l-attività prinċipali tagħhom hija s-sjieda tal-grupp mingħajr ma jipprovdu ebda servizz ieħor lin-negozji li fihom tkun qed tinżamm l-ekwità, jiġifieri, la jamministraw u lanqas ma jiġġestixxu unitajiet oħra (ESA 2010, paragrafi 2.98 u 2.99)

ICs huma ddefiniti fl-Artikolu 1 ta' dan ir-Regolament.

Is-subsettur tal-fondi tal-pensjonijiet (S.129) jikkonsisti fil-korporazzjonijiet u l-kważi-korporazzjonijiet li huma involuti prinċipalment f'intermedjazzjoni finanzjarja bħala konsegwenza tal-ippuljar tar-riskji soċjali u l-ħtiġijiet tal-persuni assigurati (assigurazzjoni soċjali). Fondi tal-pensjoni bħal skemi tal-assigurazzjoni soċjali jipprovdu introjtu waqt l-irtirar, u ħafna drabi benefiċċji mal-mewt u diżabbiltà (ESA 2010, paragrafi 2.105 sa 2.110). Fondi tas-sigurtà soċjali li jaqgħu fi ħdan is-settur tal-gvern ġenerali huma esklużi.

Is-settur tal-korporazzjonijiet mhux finanzjarji (S.11) jikkonsisti fl-unitajiet istituzzjonali li huma entitajiet legali indipendenti u li huma produtturi tas-suq, u li l-attività prinċipali tagħhom hija l-produzzjoni ta' oġġetti u servizzi mhux finanzjarji. Dan is-settur jinkludi wkoll kważi-korporazzjonijiet mhux finanzjarji (ESA 2010, paragrafi 2.45 sa 2.50).

Is-settur tal-unitajiet domestiċi (S.14) jikkonsisti f'individwi jew gruppi ta' individwi bħala konsumaturi u bħala imprendituri li jipproduċu prodotti għas-suq u jipprovdu servizzi finanzjarji u mhux finanzjarji (produtturi għas-suq) sakemm il-produzzjoni ta' prodotti u servizzi ma tkunx imwetqa minn entitajiet separati li huma kważi-korporazzjonijiet. Jinkludi wkoll individwi jew gruppi ta' individwi li jipproduċu oġġetti u servizzi mhux finanzjarji esklużivament għal użu finali proprju. Is-settur tal-unitajiet domestiċi jinkludi proprjetarjati uniċi u soċjetajiet mhux inkorporati li mhumiex entitajiet legali indipendenti, minbarra dawk ittrattati bħala kważi-korporazzjonjiet, u li huma produtturi għas-suq (ESA 2010, paragrafi 2.118 sa 2.128).

Is-settur tal-istituzzjonijiet mingħajr skop ta' profitt li jservu lill-unitajiet domestiċi jikkonsisti f'istituzzjonijiet mingħajr skop ta' profitt li huma entitajiet legali separati, li jservu lill-unitajiet domestiċi u li huma produtturi privati mhux għas-suq. Ir-riżorsi prinċipali tagħhom huma l-kontribuzzjonijiet volontarji fi flus kontanti jew in natura minn unitajiet domestiċi fil-kapaċità tagħhom bħala konsumaturi, minn pagamenti magħmula minn gvern ġenerali u minn introjtu minn proprjetà (ESA 2010, paragraphs 2.129 u 2.130)