4.2 Aptit għar - riskju ta’ kreditu, strateġija u limiti fuq ir - riskju ta’ kreditu

Jenħtieġ li l - aptit għar - riskju ta’ kreditu, l - istrateġija tar - riskju ta’ kreditu u l - politika ġenerali dwar ir- riskju ta’ kreditu jkunu allinjati mal - RAF ġenerali tal - istituzzjoni. Jenħtieġ li l - aptit għar - riskju ta’ kreditu tal - istituzzjoni jispeċifika l - kamp ta’ applikazzjoni u l - fokus tar - riskju ta’ kreditu tal- istituzzjoni, il - kompożizzjoni tal - portafoll ta’ kreditu, inkluża l - konċentrazzjoni tiegħu, u l - objettivi ta’ diversifikazzjoni fir -rigward tal- linji operatorji, tal - ġeografiji, tas - setturi ekonomiċi u tal -prodotti.

Jenħtieġ li l - aptit għar - riskju ta’ kreditu jiġi implimentat bl - appoġġ tal - metrika u tal - limiti xierqa tar- riskju ta’ kreditu. Jenħtieġ li dawn il - metrika u l - limiti jkopru l - aspetti ewlenin tal - aptit għar - riskju ta’ kreditu, kif ukoll is - segmenti tal - klijenti, il - munita, it -tipi ta’ kollateral u l - istrumenti ta’ mitigazzjoni tar - riskju ta’ kreditu. Meta tkun rilevanti, jenħtieġ li l - metrika tal - kreditu tkun taħlita ta’ indikaturi li jħarsu lura u li jħarsu ’l quddiem u jenħtieġ li din tkun imfassla apposta skont il - mudell tan - negozju u l - kumplessità tal - istituzzjoni.

Jenħtieġ li l - istituzzjonijiet jiżguraw li l - aptit għar - riskju ta’ kreditu u l - metrika u l - limiti assoċjati jkunu kaskati ’l isfel kif xieraq fi ħdan l - istituzzjoni, inklużi l - entitajiet fi grupp u l - linji operatorji rilevanti kollha u l - unitajiet li jġarrbu r - riskju ta’ kreditu.

Għall - finijiet ta’ ġestjoni tar - riskju ta’ konċentrazzjoni, jenħtieġ li l - istituzzjonijiet jistabbilixxu limiti kwantitattivi interni fuq ir - riskju ta’ kreditu għar - riskju ta’ kreditu aggregat tagħhom, kif ukoll portafolli b’karatteristiċi kondiviżi tar - riskju ta’ kreditu, subportafolli u mutwatarji individwali. F’każijiet ta’ entitajiet fi grupp u ta’ klijenti konnessi, jenħtieġ li l - limiti jqisu wkoll il - pożizzjoni konsolidata u dik subkonsolidata u l - pożizzjoni tal - entitajiet individwali fil - livelli konsolidati u subkonsolidati.