Airteagal 47 Measúnú a dhéanamh ar chruinneas agus minicíocht an ríomha ar an gceanglas cistí dílse le haghaidh riosca mainneachtana

(a)

a fhíorú, maidir leis an meastóir arna úsáid ag an institiúid chun meastachán a dhéanamh ar an luach faoi riosca, ar cé acu atá nó nach bhfuil sé cruinn;

(b)

i gcás ina bhfuil ríomh an luacha faoi riosca bunaithe ar ionsamhluithe Monte Carlo, a fhíorú cé acu a áirithíonn nó nach n-áirithíonn an líon ionsamhluithe cóineasú i dtreo torthaí cobhsaí, agus ar shaintréithe randamachta na seicheamh a úsáidtear chun na hionsamhluithe a ghiniúint;

(c)

a fhíorú, sula ríomhtar na hathruithe ar luach na punainne tar éis mhainneachtain na n-eisitheoirí, cé acu a thagraíonn nó nach dtagraíonn luach na suíomhanna i bpunanna na hinstitiúide do dháta tagartha an luacha faoi riosca;

(d)

a fhíorú, cé is moite de na suíomhanna atá faoi réir an mhaolaithe dá dtagraítear in Airteagal 325bn(3) de Rialachán (AE) Uimh. 575/2013, cé acu a úsáidtear nó nach n-úsáidtear ionchas ama de 1 bhliain amháin i ríomh an luacha faoi riosca;

(e)

i gcás ina ríomhtar an riosca mainneachtana ar bhonn minicíochta níos lú ná laethúil, anailís a dhéanamh ar an bpróiseas a úsáideann an institiúid chun minicíocht an ríomha ar na ceanglais cistí dílse le haghaidh riosca mainneachtana a chinneadh, agus a fhíorú cé acu is amhlaidh nach n-eascraíonn gannmheastachán ar riosca as ríomh ar mhinicíocht laghdaithe;

(f)

a fhíorú, i gcás ionstraimí cothromais, cé acu a shocraítear nó nach socraítear praghsanna ar a náid le linn mainneachtain na n-ionstraimí cothromais sin a ionsamhlú, agus cé acu a áirithítear nó nach n-áirithítear é sin go córasach le córais inmheánacha, agus féadfaidh siad a fhíorú cé acu is amhlaidh nó nach amhlaidh an cás sin ar shampla de shuíomhanna cothromais.

(a)

i gcás ina ríomhtar an riosca mainneachtana ar bhonn seachtainiúil, déanfaidh siad anailís ar an bpróiseas a úsáideann an institiúid chun an lá den tseachtain ar a ríomhtar na ceanglais cistí dílse le haghaidh riosca mainneachtana a chinneadh;

(b)

ceanglóidh siad ar an institiúid neamhchosaintí laethúla mainneachtana gan choinne a ríomh, i gcás nach bhfuil siad ar fáil go fóill, i gcaitheamh tréimhse ar leith, agus déanfaidh siad measúnú ar cé acu a thugtar nó nach dtugtar le tuiscint leis na neamhchosaintí sin gur ann do phróifíl riosca níos ísle ar na laethanta sin ar a ríomhtar na ceanglais cistí dílse agus é sin ar bhonn córasach;

(c)

féadfaidh siad úsáid a bhaint as figiúirí breise freisin a fhéadfaidh an institiúid a ríomh go laethúil chun críoch bainistíochta riosca inmheánaí, lena n-áirítear íogaireachtaí laethúla i leith na n-eisitheoirí is ábhartha.

(a)

é a cheangal ar an institiúid earráid staidrimh Monte Carlo ar leibhéal muiníne 95 % a sholáthar, agus a fhíorú cé acu atá nó nach bhfuil an modh arna úsáid chun an earráid staidrimh sin a thomhas fónta;

(b)

é a cheangal ar an institiúid an tomhas luacha faoi riosca a ríomh le roinnt síolta éagsúla, agus gach toimhde eile comhionann, agus a fhíorú nach gcruthaítear earráid chórasach sna torthaí leis an modh a úsáidtear chun ionsamhluithe a ghiniúint;

(c)

maidir leis na difríochtaí idir na tomhais luacha faoi riosca le síol difriúil, arna ríomh i gcomhréir le pointe (b), measúnú a dhéanamh ar cé acu atá nó nach bhfuil siad comhoiriúnach leis an earráid staidrimh dá dtagraítear i bpointe (a), agus, i gcás nach bhfuil, measúnú a dhéanamh ar an mbunchúis leis an neamhréireacht sin agus an líon ionsamhluithe is gá chun a áirithiú go bhfuil an earráid staidrimh faoi bhun 5 %.