+Airteagal 18 Pointe rochtana aonair ar fhaisnéis réadmhaoine
---+Airteagal 18 1
---+Airteagal 18 2
---+Airteagal 18 3
---+Airteagal 18 4
---+Airteagal 18 5
---+Airteagal 18 6

Airteagal 18 Pointe rochtana aonair ar fhaisnéis réadmhaoine

1. Forbhreathnú

,
Airteagal 18 1

1.   Áiritheoidh na Ballstáit go mbeidh rochtain láithreach dhíreach ag na húdaráis inniúla saor in aisce ar fhaisnéis lenar féidir aon mhaoin réadmhaoine agus na daoine nádúrtha nó na heintitis dhlítheanacha nó socruithe dlíthiúla ar leo an mhaoin sin a shainaithint go tráthúil, agus ar fhaisnéis lenar féidir idirbhearta a bhaineann le réadmhaoin a shainaithint agus a anailísiú. Soláthrófar an rochtain sin trí phointe rochtana aonair a bheidh le bunú i ngach Ballstát lena gceadófar d’údaráis inniúla rochtain a fháil, trí mheán leictreonach, ar fhaisnéis i bhformáid dhigiteach, a bheidh meaisín-inléite, i gcás inar féidir.

Tabharfar rochtain ar na pointí rochtana aonair dá dtagraítear i mír 1 do AMLA freisin chun críocha anailísí comhpháirteacha de bhun Airteagal 32 den Treoir seo agus le hAirteagal 40 de Rialachán (AE) 2024/1620.
Airteagal 18 2

2.   Áiritheoidh na Ballstáit go gcuirfear an fhaisnéis seo a leanas ar a laghad, ar fáil tríd an bpointe rochtana aonair dá dtagraítear i mír 1:

(a)

faisnéis faoin maoin:

(i)

beartán cadastrach agus tagairt chadastrach;

(ii)

suíomh geografach, lena n-áirítear seoladh na maoine;

(iii)

limistéar/méid na maoine;

(iv)

an cineál maoine, lena n-áirítear maoin thógtha nó neamhthógtha agus ceann scríbe úsáide;

(b)

faisnéis maidir le húinéireacht:

(i)

ainm an úinéara agus aon duine a airbheartaíonn a bheith ag gníomhú thar ceann an úinéara;

(ii)

i gcás inar eintiteas dlítheanach é an t-úinéir, ainm agus foirm dhlíthiúil an eintitis dhlítheanaigh, chomh maith le huimhir aitheantais uathúil na cuideachta agus an uimhir aitheantais chánach;

(iii)

i gcás inar socrú dlíthiúil é an t-úinéir, ainm an tsocraithe dhlíthiúil agus an uimhir aitheantais chánach;

(iv)

an praghas ar a bhfuarthas an mhaoin;

(v)

i gcás inarb infheidhme, aon teidlíochtaí nó aon srianta;

(c)

faisnéis faoi eirí maidir leis an méid seo a leanas:

(i)

morgáistí;

(ii)

srianta breithiúnacha;

(iii)

cearta maoine;

(iv)

ráthaíochtaí eile, más ann dóibh;

(d)

stair na húinéireachta maoine, an phraghais agus na n-eirí gaolmhara;

(e)

doiciméid ábhartha.

Áiritheoidh na Ballstáit, i gcás ina bhfuil níos mó ná maoin amháin san áireamh i mbeartán cadastrach, go soláthrófar an fhaisnéis dá dtagraítear sa chéad fhomhír i ndáil le gach maoin sa bheartán cadastrach sin.

Áiritheoidh na Ballstáit go gcumhdófar le faisnéis stairiúil de bhun na chéad fhomhíre, pointe (d), an tréimhse ón 8 Iúil 2019 ar a laghad.
Airteagal 18 3

3.   Cuirfidh na Ballstáit sásraí ar bun chun a áirithiú go mbeidh an fhaisnéis a sholáthraítear tríd an bpointe rochtana aonair dá dtagraítear i mír 1 cothrom le dáta agus cruinn.
Airteagal 18 4

4.   Cuirfidh na Ballstáit bearta ar bun chun a áirithiú go ndéanfar an fhaisnéis atá á coimeád go leictreonach a sholáthar láithreach don údarás inniúil iarrthach. I gcás nach bhfuil an fhaisnéis sin á coimeád go leictreonach, áiritheoidh na Ballstáit go gcuirfear ar fáil í go tráthúil agus ar bhealach nach mbainfear an bonn de ghníomhaíochtaí an údaráis inniúil iarrthaigh.
Airteagal 18 5

5.   Faoin 10 Deireadh Fómhair 2029, tabharfaidh na Ballstáit fógra don Choimisiún faoin méid seo a leanas:

(a)

saintréithe an phointe rochtana aonair dá dtagraítear i mír 1 arna bhunú ar an leibhéal náisiúnta, lena n-áirítear an suíomh gréasáin ar féidir rochtain a fháil aige air;

(b)

liosta na n-údarás inniúil ar tugadh rochtain dóibh ar an bpointe rochtana aonair dá dtagraítear i mír 1;

(c)

aon sonraí a chuirtear ar fáil d’údaráis inniúla sa bhreis orthu sin a liostaítear i mír 2.

Tabharfaidh na Ballstáit fógra den sórt sin cothrom le dáta aon uair a dhéanfar athruithe ar liosta na n-údarás inniúil nó ar mhéid na rochtana ar fhaisnéis a dheonaítear. Déanfaidh an Coimisiún an fhaisnéis sin, lena n-áirítear aon athrú uirthi, a chur ar fáil do na Ballstáit eile.
Airteagal 18 6

6.   Faoin 10 Iúil 2032, cuirfidh an Coimisiún tuarascáil faoi bhráid Pharlaimint na hEorpa agus na Comhairle ina ndéanfar measúnú ar na coinníollacha agus ar na sonraíochtaí teicniúla agus ar na nósanna imeachta chun idirnascadh slán éifeachtúil na bpointí rochtana aonair dá dtagraítear i mír 1 a áirithiú. Beidh togra reachtach ag gabháil leis an tuarascáil sin i gcás inarb iomchuí.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin
  • Builddate: 19.06.2024 00:00:00 -Doknr: CELEX:32024L1640
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.