Artikolu 18 Punt uniku ta' aċċess għal informazzjoni dwar il-proprjetà immobbli

1.   L-Istati Membri għandhom jiżguraw li l-awtoritajiet kompetenti jkollhom aċċess immedjat u dirett mingħajr ħlas għall-informazzjoni li tippermetti l-identifikazzjoni f'waqtha ta' kwalunkwe proprjetà immobbli u tal-persuni fiżiċi jew l-entitajiet ġuridiċi jew l-arranġamenti ġuridiċi li jippossjedu dik il-proprjetà, kif ukoll għal informazzjoni li tippermetti l-identifikazzjoni u l-analiżi ta' tranżazzjonijiet li jinvolvu proprjetà immobbli. Dak l-aċċess għandu jiġi pprovdut permezz ta' punt uniku ta' aċċess li għandu jiġi stabbilit f'kull Stat Membru li jippermetti lill-awtoritajiet kompetenti jaċċessaw, permezz ta' mezzi elettroniċi, informazzjoni f'format diġitali, li, fejn possibbli, għandha tkun tista' tinqara mill-magni.

L-aċċess għall-punti uniċi ta' aċċess imsemmija fl-ewwel subparagrafu għandu jingħata wkoll lill-AMLA għall-finijiet ta’ analiżi konġunta skont l-Artikolu 32 ta' din id-Direttiva u l-Artikolu 40 tar-Regolament (UE) 2024/1620.

2.   L-Istati Membri għandhom jiżguraw li tal-anqas l-informazzjoni li ġejja jsiru disponibbli permezz tal-punt uniku ta' aċċess imsemmi fil-paragrafu 1:

L-Istati Membri għandhom jiżguraw li, meta roqgħa katastali tinkludi diversi proprjetajiet, l-informazzjoni msemmija fl-ewwel subparagrafu tiġi pprovduta fir-rigward ta' kull proprjetà f'dik ir-roqgħa katastali.

L-Istati Membri għandhom jiżguraw li l-informazzjoni storika skont l-ewwel subparagrafu, il-punt (d), tkopri mill-inqas il-perjodu mit-8 ta’ Lulju 2019.

3.   L-Istati Membri għandhom jistabbilixxu mekkaniżmi biex jiżguraw li l-informazzjoni pprovduta permezz tal-punt uniku ta' aċċess imsemmi fil-paragrafu 1 tkun aġġornata u akkurata.

4.   L-Istati Membri għandu jkollhom fis-seħħ miżuri li jiżguraw li l-informazzjoni miżmuma elettronikament tiġi pprovduta immedjatament lill-awtorità kompetenti rikjedenti. Meta dik l-informazzjoni ma ssirx b'mod elettroniku, l-Istati Membri għandhom jiżguraw li din tiġi pprovduta f'waqtha u b'tali mod li ma timminax l-attivitajiet tal-awtorità kompetenti rikjedenti.

5.   Sal-10 ta’ Ottubru 2029, l-Istati Membri għandhom jinnotifikaw lill-Kummissjoni:

L-Istati Membri għandhom jaġġornaw din in-notifika meta jsir tibdil fil-lista tal-awtoritajiet kompetenti jew tibdil fil-limitu tal-aċċess mogħti għall-informazzjoni. Il-Kummissjoni għandha tagħmel dik l-informazzjoni, inkluż kwalunkwe bidla fiha, disponibbli għall-Istati Membri l-oħra.

6.   Sal-10 ta’ Lulju 2032, il-Kummissjoni għandha tippreżenta rapport lill-Parlament Ewropew u lill-Kunsill fejn tivvaluta l-kundizzjonijiet u l-ispeċifikazzjonijiet u l-proċeduri tekniċi għall-iżgurar tal-interkonnessjoni sigura u effiċjenti tal-punti uniċi ta'aċċess imsemmija fil-paragrafu 1. Meta xieraq, dak ir-rapport għandu jkun akkumpanjat minn proposta leġiżlattiva.