Airteagal 26 Prionsabail ghinearálta maidir le huirlisí réitigh

1.   Áiritheoidh na Ballstáit go mbeidh na cumhachtaí is gá ag na húdaráis réitigh chun na huirlisí réitigh a chur i bhfeidhm ar eintiteas dá dtagraítear in Airteagal 1(1), pointí (a) go (e), a chomhlíonann na coinníollacha le haghaidh réitigh dá dtagraítear in Airteagal 19(1) nó Airteagal 20(3).

2.   I gcás ina gcinnfidh údarás réitigh uirlis réitigh a chur i bhfeidhm ar eintiteas dá dtagraítear in Airteagal 1(1), pointí (a) go (e), agus go mbeadh caillteanais le hiompar ag creidiúnaithe de thoradh na gníomhaíochta réitigh sin, ag sealbhóirí polasaí go háirithe, nó go ndéanfaí a n-éilimh a athstruchtúrú nó a chomhshó, feidhmeoidh an t-údarás réitigh an chumhacht ionstraimí caipitil agus dliteanais incháilithe a dhíluacháil nó a chomhshó i gcomhréir le hAirteagal 35 go díreach sula gcuirfear an uirlis réitigh i bhfeidhm nó go comhuaineach leis an gcur i bhfeidhm sin.

Aon fháltais, arna nginiúint tar éis aisghabháil aon speansas réasúnach arna dtabhú go cuí i dtaca le húsáid na n-uirlisí réitigh nó feidhmiú cumhachtaí réitigh mar thoradh ar aon uirlis réitigh a chur i bhfeidhm i gcomhréir le mír 5, cúiteofar leo ar dtús sealbhóirí polasaí agus creidiúnaithe eile an eintitis a mhéid a dhíluachálfar a n-éilimh gan cúiteamh iomlán a bheith déanta ina leith.

Ní fhéadfar comhshó na ndliteanas incháilithe ina n-ionstraimí caipitil a chur i bhfeidhm maidir le héilimh árachais ach amháin i gcásanna ina dtugann an t-údarás réitigh údar nach féidir na cuspóirí réitigh a bhaint amach trí uirlisí réitigh eile, nó go mbeadh cosaint níos fearr do shealbhóirí polasaí mar thoradh ar chomhshó éileamh árachais i gcomparáid le húsáid aon uirlise réitigh eile agus le díluacháil a n-éileamh.

3.   Is iad seo a leanas na huirlisí réitigh:

Féadfaidh na húdaráis réitigh na huirlisí réitigh a chur i bhfeidhm ina n-aonar nó in aon teaglaim, cé is moite den uirlis deighilte sócmhainní agus dliteanas, nach gcuirfear i bhfeidhm ach i dteaglaim le huirlis réitigh eile.

4.   I gcás nach n-úsáidtear ach an uirlis díolta gnó agus an uirlis gnóthais idirlinne, agus i gcás nach n-úsáidtear na huirlisí sin ach chun cuid de shócmhainní, de chearta nó de dhliteanais an ghnóthais faoi réiteach a aistriú, déanfar an gnóthas árachais nó athárachais iarmharach nó eintiteas iarmharach dá dtagraítear in Airteagal 1(1), pointí (b) go (e), agus ónar aistríodh na sócmhainní, na cearta nó na dliteanais, a fhoirceannadh de réir gnáthimeachtaí dócmhainneachta. Déanfar an foirceannadh sin laistigh de thréimhse ama réasúnta, ag féachaint d’aon ghá go ndéanfadh an gnóthas árachais nó athárachais iarmharach nó eintiteas iarmharach sin dá dtagraítear in Airteagal 1(1), pointí (b) go (e), seirbhísí nó tacaíocht a chur ar fáil de bhun Airteagal 45 chun é a chur ar a chumas don fhaighteoir na gníomhaíochtaí nó na seirbhísí arna bhfáil de bhua an aistrithe sin a fheidhmiú, agus d’aon chúis eile a bhfuil gá leanúint leis an ngnóthas árachais nó athárachais iarmharach nó eintiteas iarmharach dá dtagraítear in Airteagal 1(1), pointí (b) go (e), chun na cuspóirí réitigh a bhaint amach nó chun na prionsabail a leagtar síos in Airteagal 22 a chomhlíonadh.

5.   Féadfaidh an t-údarás réitigh agus aon socrú maoiniúcháin atá ag gníomhú de bhun Airteagal 81 nó an t-údarás réitigh thar ceann aon socrú maoiniúcháin aon speansais réasúnta a aisghabháil arna dtabhú go cuí i dtaca le cur i bhfeidhm na n-uirlisí réitigh nó feidhmiú na gcumhachtaí réitigh ar cheann amháin nó níos mó de na bealaí a leanas:

6.   Áiritheoidh na Ballstáit maidir le rialacha an dlí dócmhainneachta náisiúnta a bhaineann le hin-neamhnitheacht nó le neamh-infhorfheidhmitheacht na ngníomhartha dlíthiúla a dhéanfadh dochar do chreidiúnaithe, nach mbeidh feidhm leo i leith sócmhainní, cearta nó dliteanais a aistriú ó ghnóthas faoi réiteach chuig eintiteas eile de bhua uirlis réitigh a chur i bhfeidhm nó cumhacht réitigh a fheidhmiú.

7.   Féadfaidh na Ballstáit uirlisí agus cumhachtaí breise infheidhmithe a thabhairt do na húdaráis réitigh i gcás ina gcomhlíonann eintiteas dá dtagraítear in Airteagal 1(1), pointí (a) go (e), na coinníollacha maidir le réiteach dá dtagraítear in Airteagal 19(1) nó Airteagal 20(3), ar choinníoll:

8.   Áiritheoidh na Ballstáit, a mhéid nach bhfuil aon cheann de na huirlisí réitigh infheidhme maidir le heintiteas faoi raon feidhme Airteagal 1(1) de thoradh a foirme dlí sonraí maidir le gnóthas frithpháirteach nó comharchumann, go mbeidh na cumhachtaí ag na húdaráis réitigh is gá chun uirlisí atá chomh cosúil agus is féidir leis na huirlisí a liostaítear i mír 3 den Airteagal seo a chur i bhfeidhm, lena n-áirítear i dtéarmaí a n-éifeachtaí.