Artikolu 26 Prinċipji ġenerali tal-għodod ta' riżoluzzjoni

1.   L-Istati Membri għandhom jiżguraw li l-awtoritajiet ta' riżoluzzjoni jkollhom is-setgħat neċessarji sabiex japplikaw l-għodod ta' riżoluzzjoni għal entità msemmija fl-Artikolu 1(1), il-punti (a) sa (e), li jissodisfaw il-kundizzjonijiet għar-riżoluzzjoni msemmijin fl-Artikolu 19(1) jew fl-Artikolu 20(3).

2.   Meta awtorità ta' riżoluzzjoni tiddeċiedi li tapplika għodda ta' riżoluzzjoni għal entità msemmija fl-Artikolu 1(1), il-punti (a) sa (e), u li l-azzjoni ta' riżoluzzjoni tkun tirriżulta f'telf imġarrab mill-kredituri, b'mod partikolari d-detenturi ta' poloz, jew jirriżultaw f'ristrutturazzjoni jew f'konverżjoni tal-klejms tagħhom, l-awtorità ta' riżoluzzjoni għandha teżerċita s-setgħa li tivvalwa b'mod negattiv jew tikkonverti strumenti kapitali u obbligazzjonijiet eliġibbli f'konformità mal-Artikolu 35 immedjatament qabel jew flimkien mal-applikazzjoni tal-għodda ta' riżoluzzjoni.

Kwalunkwe rikavat, iġġenerat wara l-irkupru ta' kwalunkwe spiża raġonevoli mġarrba korrettament b'rabta mal-użu tal-għodod ta' riżoluzzjoni jew l-eżerċizzju tas-setgħat ta' riżoluzzjoni bħala riżultat tal-applikazzjoni ta' kwalunkwe għodda ta' riżoluzzjoni f'konformità mal-paragrafu 5, għandu l-ewwel jikkumpensa lid-detenturi ta' poloz u kredituri oħra tal-entità sal-punt li l-klejms tagħhom ikunu tniżżlu fil-valur mingħajr ma jkunu kkumpensati bis-sħiħ.

Il-konverżjoni ta' obbligazzjonijiet eliġibbli fi strumenti kapitali tista' tiġi applikata biss għall-klejms lill-assigurazzjoni biss f’każijiet fejn l-awtorità ta' riżoluzzjoni tiġġustifika li l-objettivi ta' riżoluzzjoni ma jistgħux jintlaħqu permezz ta' għodod ta' riżoluzzjoni oħrajn, jew li l-konverżjoni tal-klejms lill-assigurazzjoni twassal għal protezzjoni aħjar għad-detenturi ta' poloz meta mqabbla mal-użu ta' kwalunkwe għodda ta' riżoluzzjoni oħra u t-tniżżil fil-valur tal-klejms tagħhom.

3.   L-għodod ta' riżoluzzjoni huma dawn li ġejjin:

L-awtoritajiet ta' riżoluzzjoni jistgħu japplikaw l-għodod ta' riżoluzzjoni individwalment jew fi kwalunkwe taħlita, ħlief għall-għodda ta' separazzjoni tal-assi u tal-obbligazzjonijiet, li għandha tiġi applikata biss flimkien ma' għodda oħra ta' riżoluzzjoni.

4.   Meta jintużaw biss l-għodda ta' bejgħ ta' negozju u l-għodda ta' impriża tranżitorja, u meta dawk l-għodod jintużaw għat-trasferiment ta' parti biss mill-assi, mid-drittijiet jew mill-obbligazzjonijiet tal-impriża taħt riżoluzzjoni, l-impriża residwa tal-assigurazzjoni jew tar-riassigurazzjoni jew entità residwa kif imsemmija fl-Artikolu 1(1), il-punti (b) sa (e), li minnha jkunu ġew ittrasferiti l-assi, id-drittijiet jew l-obbligazzjonijiet, għandha tiġi stralċata skont proċedimenti normali ta' insolvenza. Tali stralċ għandu jsir f'perjodu ta' żmien raġonevoli, filwaqt li titqies kwalunkwe ħtieġa għal dik l-impriża tal-assigurazzjoni jew tar-riassigurazzjoni residwa jew entità residwa msemmija fl-Artikolu 1(1), il-punti (b) sa (e), li tipprovdi servizzi jew appoġġ skont l-Artikolu 45 sabiex il-benefiċjarju ikun jista' jwettaq l-attivitajiet jew is-servizzi akkwistati bis-saħħa ta' dak it-trasferiment, u kwalunkwe raġuni oħra li l-kontinwazzjoni tal-impriża tal-assigurazzjoni jew tar-riassigurazzjoni residwa jew ta' entità residwa kif imsemmija fil-punti (b) sa (e) tal-Artikolu 1(1), tkun neċessarja sabiex jintlaħqu l-objettivi ta' riżoluzzjoni jew sabiex tinżamm konformità mal-prinċipji stipulati fl-Artikolu 22.

5.   L-awtorità ta' riżoluzzjoni u kwalunkwe arranġament ta' finanzjament li jaġixxi skont l-Artikolu 81 jew l-awtorità ta' riżoluzzjoni f'isem kwalunkwe arranġament finanzjarju jistgħu jirkupraw kwalunkwe spiża raġonevoli korrettament imġarrba b'rabta mal-applikazzjoni tal-għodod jew l-eżerċizzju ta' riżoluzzjoni jew l-eżerċizzju tas-setgħat ta' riżoluzzjoni f'mod wieħed jew aktar minn dawn li ġejjin:

6.   L-Istati Membri għandhom jiżguraw li r-regoli taħt il-liġi nazzjonali dwar l-insolvenza fuq l-annullabbiltà jew in-nuqqas ta' infurzabbiltà ta' atti legali ta' detriment għall-kredituri ma japplikawx għal trasferimenti ta' assi, ta' drittijiet jew ta' obbligazzjonijiet minn impriża taħt riżoluzzjoni lil entità oħra bis-saħħa tal-applikazzjoni ta' għodda ta' riżoluzzjoni jew tal-eżerċizzju ta' setgħa ta' riżoluzzjoni.

7.   L-Istati Membri jistgħu jagħtu lill-awtoritajiet ta' riżoluzzjoni għodod u setgħat addizzjonali eżerċitabbli meta entità msemmija fl-Artikolu 1(1), il-punti (a) sa (e), tissodisfa l-kundizzjonijiet għar-riżoluzzjoni msemmija fl-Artikolu 19(1) jew fl-Artikolu 20(3), dment li:

8.   L-Istati Membri għandhom jiżguraw li, sa fejn kwalunkwe waħda mill-għodod ta' riżoluzzjoni ma tkunx applikabbli għal entità fil-kamp ta' applikazzjoni tal-Artikolu 1(1) bħala riżultat tal-forma ġuridika speċifika tagħha ta' impriża mutwa jew soċjetà kooperattiva, l-awtoritajiet ta' riżoluzzjoni għandhom is-setgħat neċessarji li japplikaw għodda li huma simili kemm jista' jkun għal dawk elenkati fil-paragrafu 3 ta' dan l-Artikolu, inkluż f'termini tal-effetti tagħhom.