Airteagal 4 Seirbhísí rochtana sonraí leictreonacha sláinte do dhaoine nádúrtha agus dá n-ionadaithe

1.   Áiritheoidh na Ballstáit go mbunófar seirbhís rochtana sonraí leictreonacha sláinte amháin nó níos mó ar an leibhéal náisiúnta, réigiúnach nó áitiúil, lena gcuirfear ar chumas daoine nádúrtha rochtain a fháil ar a sonraí leictreonacha pearsanta sláinte agus cearta dá bhforáiltear in Airteagail 3 agus 5 go 10 a fheidhmiú. Beidh seirbhísí rochtana den sórt sin saor in aisce do na daoine nádúrtha agus dá n-ionadaithe dá dtagraítear i mír 2 den Airteagal seo.

2.   Áiritheoidh na Ballstáit go mbunófar seachsheirbhís amháin nó níos mó mar fheidhmiúlacht de sheirbhísí rochtana sonraí leictreonacha sláinte lena ndéanfar an méid seo a leanas:

Bunóidh na Ballstáit rialacha maidir leis na húdaruithe dá dtagraítear i bpointe (a) den chéad fhomhír agus gníomhaíochtaí caomhnóirí agus ionadaithe dlíthiúla eile.

3.   Leis na seachsheirbhísí dá dtagraítear i mír 2, soláthrófar údaruithe ar bhealach trédhearcach agus sothuigthe, saor in aisce, agus go leictreonach nó ar pháipéar. Cuirfear daoine nádúrtha agus a n-ionadaithe ar an eolas faoina gcearta údaraithe, lena n-áirítear conas na cearta sin a fheidhmiú, agus faoin bpróiseas údaraithe.

Cuirfear sásra gearán éasca ar fáil do dhaoine nádúrtha leis na seachsheirbhísí.

4.   Beidh na seachsheirbhísí dá dtagraítear i mír 2 den Airteagal seo idir-inoibritheach i measc na mBallstát. Déanfaidh an Coimisiún, trí bhíthin gníomhartha cur chun feidhme, na sonraíochtaí teicniúla a leagan síos d’idir-inoibritheacht sheachsheirbhísí na mBallstát. Glacfar na gníomhartha cur chun feidhme sin i gcomhréir leis an nós imeachta scrúdúcháin dá dtagraítear in Airteagal 98(2).

5.   Beidh na seirbhísí rochtana sonraí leictreonacha sláinte agus na seachsheirbhísí inrochtana go héasca do dhaoine faoi mhíchumas, do ghrúpaí leochaileacha agus do dhaoine a bhfuil litearthacht dhigiteach íseal acu.