3. Coimeádfaidh monaróirí córas RTS an doiciméadacht theicniúil dá dtagraítear in Airteagal 37 agus dearbhú comhréireachta AE dá dtagraítear in Airteagal 39 go ceann 10 mbliana tar éis an córas RTS a cumhdaíodh le dearbhú comhréireachta AE a chur ar an margadh.
Déanfaidh monaróirí córas RTS an cód foinseach nó an loighic ríomhchlárúcháin a áirítear sa doiciméadacht theicniúil a chur ar fáil do na húdaráis ábhartha, ar iarraidh réasúnaithe ó na húdaráis sin, i gcás ina bhfuil gá leis an gcód foinseach nó loighic ríomhchlárúcháin sin chun go mbeadh na húdaráis sin in ann a sheiceáil go bhfuil na ceanglais bhunriachtanacha a leagtar síos in Iarscríbhinn II á gcomhlíonadh.