+Airteagal 18 Foclóirí rialaithe
---+Airteagal 18 1
---+Airteagal 18 2
---+Airteagal 18 3
---+Airteagal 18 4
---+Airteagal 18 5
---+Airteagal 18 6
---+Airteagal 18 7
---+Airteagal 18 8

Airteagal 18 Foclóirí rialaithe

1. Forbhreathnú

,
Airteagal 18 1

1.   Déanfaidh an Coimisiún agus na Gníomhaireachtaí foclóirí rialaithe a bhunú agus a thabhairt cothrom le dáta go rialta laistigh dá sainordú do na sonraí dá dtagraítear in Airteagal 3(2) agus (3), i gcás inarb ábhartha.
Airteagal 18 2

2.   Tabharfaidh an Coimisiún agus na Gníomhaireachtaí tosaíocht d’fhoclóirí rialaithe a bhunú chun ceimiceáin a shainaithint agus a bhfoirmeacha a shaintréithriú.
Airteagal 18 3

3.   Agus foclóirí rialaithe á mbunú, déanfaidh an Coimisiún agus na Gníomhaireachtaí an méid seo a leanas:

(a)

úsáid foclóirí rialaithe dílsithe a sheachaint a mhéid agus is féidir;

(b)

aitheantóirí substainte atá ann cheana agus foclóirí rialaithe nó páirteanna díobh a athúsáid a mhéid agus is féidir;

(c)

foclóirí rialaithe ECFE nó foclóirí rialaithe eile a chomhaontaítear go hidirnáisiúnta a úsáid;

(d)

comhsheasmhacht a áirithiú le foclóirí rialaithe ábhartha eile lena n-áirítear trí tháblaí ailínithe a ullmhú.
Airteagal 18 4

4.   Beidh na foclóirí rialaithe sin idir-inoibritheach leis an ardán sonraí comhchoiteann.
Airteagal 18 5

5.   I gcás ina mbunaítear foclóirí rialaithe, déanfaidh an Coimisiún agus na Gníomhaireachtaí an méid seo a leanas:

(a)

iad a chur ar fáil saor in aisce tríd an ardán sonraí comhchoiteann mar thacair sonraí oscailte, rud a thacaíonn lena n-athúsáid;

(b)

iad a ionchorprú in aon bhogearraí nó teimpléad aighneachta le húsáid ag sealbhóirí dualgais faoi ghníomhartha dlí an Aontais a liostaítear in Iarscríbhinn I, Cuid 1 agus dá dtagraítear in Airteagal 3(2); agus

(c)

iad a úsáid i gcás ina bhfuil sonraí á malartú tríd an ardán sonraí comhchoiteann.
Airteagal 18 6

6.   Oibreoidh an Coimisiún agus na Gníomhaireachtaí i gcomhar le chéile chun foclóirí rialaithe a bhunú.
Airteagal 18 7

7.   Déanfaidh an Coimisiún agus na Gníomhaireachtaí na bearta is gá agus is iomchuí chun faireachán a dhéanamh ar aon dibhéirseacht fhéideartha idir foclóirí rialaithe agus an dibhéirseacht sin a shainaithint ag céim luath. Má shainaithnítear dibhéirseacht idir foclóirí rialaithe, oibreoidh na Gníomhaireachtaí lena mbaineann i gcomhar chun í a réiteach nó, i gcás ina bhfuil bonn cirt leis an dibhéirseacht, míneoidh siad na cúiseanna foluiteacha. I gcás nach bhfuil na Gníomhaireachtaí lena mbaineann in ann an dibhéirseacht a réiteach, tarraingeoidh siad suas tuarascáil chomhpháirteach agus cuirfidh siad i láthair an Choimisiúin í. Leagfar amach go soiléir sa tuarascáil na cúiseanna leis an dibhéirseacht, soiléireofar aon saincheist theicniúil fholuiteach agus déanfar togra chun an dibhéirseacht a réiteach.
Airteagal 18 8

8.   Glacfaidh an Coimisiún gníomh cur chun feidhme chun an dibhéirseacht a réiteach.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin
  • Builddate: 12.12.2025 00:00:00 -Doknr: CELEX:32025R2455
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.