IARSCRÍBHINN VIII Faisnéis le háireamh sna pleananna aercháilíochta agus sna treochláir aercháilíochta chun feabhas a chur ar aercháilíocht chomhthimpeallach

(a)

réigiún;

(b)

cathair/cathracha (léarscáileanna);

(c)

pointe samplála/pointí samplála (léarscáil, comhordanáidí geografacha).

(a)

cineál limistéir (uirbeach, tionsclaíoch nó tuaithe) nó saintréithe an aonaid chríochaigh meánteagmhála nó an aonaid chríochaigh dá dtagraítear in Airteagal 19(2) (lena n-áirítear limistéir uirbeacha, thionsclaíocha nó thuaithe);

(b)

meastachán den limistéar truaillithe (in km2) agus den daonra atá i dteagmháil leis an truailliú;

(c)

leibhéil tiúchana nó táscaire meánteagmhála an truailleáin ábhartha a breathnaíodh ar a laghad ó 5 bliana roimh an sárú suas go dtí na sonraí is déanaí, lena n-áirítear an chomparáid a dhéantar idir iad agus teorainnluachanna nó an oibleagáid maidir le laghdú meánteagmhála agus an cuspóir maidir le tiúchan meánteagmhála.

(a)

liosta na bpríomhfhoinsí astaíochtaí is cúis leis an truailliú;

(b)

cainníocht iomlán na n-astaíochtaí ó na foinsí sin (i dtonaí in aghaidh na bliana);

(c)

measúnú ar leibhéal na n-astaíochtaí (e.g. leibhéal na cathrach, an leibhéal réigiúnach, agus rannchuidithe trasteorann);

(d)

cionroinnt foinsí de réir earnálacha ábhartha a bhfuil tionchar acu ar an sárú sa chlár náisiúnta um rialú ar thruailliú aeir.

(a)

liostú na mbeart uile a breithníodh sa phlean aercháilíochta nó sa treochlár aercháilíochta agus tuairisc orthu, lena n-áirítear sainaithint an údaráis inniúil atá i gceannas ar a gcur chun feidhme;

(b)

cainníochtú nó meastachán an laghdaithe ar astaíochtaí (i dtonaí in aghaidh na bliana) agus, i gcás ina mbeidh fáil orthu, laghduithe tiúchana a bhaineann le gach beart dá dtagraítear i bpointe (a).

(a)

liosta de na bearta a roghnaíodh, lena n-áirítear liosta den fhaisnéis (amhail samhaltú agus torthaí measúnaithe na mbeart) chun an caighdeán aercháilíochta lena mbaineann a bhaint amach i gcomhréir le hIarscríbhinn I; más ábhartha, i gcás ina n-áirítear ar liosta na mbeart de bhun phointe 6(a) den Phointe seo bearta a bhfuil ardacmhainneacht ag baint leo chun aercháilíocht a fheabhsú, ach nár roghnaíodh iad lena nglacadh, míniú ar na cúiseanna nach roghnaítear na bearta lena nglacadh;

(b)

amchlár cur chun feidhme gach birt agus gníomhaithe freagracha;

(c)

cainníochtú an laghdaithe ar astaíochtaí (i dtonaí in aghaidh na bliana) a eascraíonn as meascán de bhearta dá dtagraítear i bpointe (a) den phointe seo;

(d)

laghdú measta cainníochtaithe ar thiúchan (in μg/m3) ag gach pointe samplála a sháraíonn teorainnluachanna, spriocluachanna ózóin nó an táscaire meánteagmhála i gcás sárú ar an oibleagáid maidir le laghdú meánteagmhála, as an tsraith beart dá dtagraítear i bpointe (a) den phointe seo;

(e)

conair tháscach i dtreo comhlíontachta agus bliain mheasta chomhlíontachta in aghaidh an truailleáin aeir a chumhdaítear leis an treochlár aercháilíochta nó leis an bplean aercháilíochta agus an tsraith beart dá dtagraítear i bpointe (a) den phointe seo á cur san áireamh;

(f)

i gcás treochláir aercháilíochta agus pleananna aercháilíochta, na cúiseanna chun míniú a thabhairt ar an gcaoi a leagtar amach sna pleananna nó sna treochláir na bearta iomchuí go léir, ionas gur féidir an tréimhse sáraithe a choinneáil chomh gearr agus is féidir, lena n-áirítear maidir leis an tráthchlár cur chun feidhme.

(a)

sonraí aeráide;

(b)

sonraí maidir le topagrafaíocht;

(c)

faisnéis maidir leis na cineálacha spriocanna a bhfuil cosaint ag teastáil ina leith sa limistéar, i gcás inarb infheidhme;

(d)

liostú na mbeart breise uile agus tuairisc orthu, ar bearta iad a dtagann a dtionchar iomlán ar thiúchain de thruailleán aeir chomhthimpeallaigh chun cinn laistigh de 3 bliana nó níos mó.

(e)

faisnéis shocheacnamaíoch faoin limistéar gaolmhar, chun saincheisteanna cothromais comhshaoil a chur chun cinn agus chun an daonra íogair agus grúpaí leochaileacha a chosaint;

(f)

tuairisc ar an modh a úsáideadh agus na toimhdí a rinneadh nó na sonraí a úsáideadh le haghaidh réamh-mheastacháin ar éabhlóid na haercháilíochta lena n-áirítear, i gcás inar féidir, corrlach neamhchinnteachta na réamh-mheastachán agus na gcásanna íogaireachta chun an cás is fearr, na cásanna is dóchúla agus na cásanna is measa a chur san áireamh;

(g)

na doiciméid chúlra agus an fhaisnéis a úsáidtear don mheasúnú.

(a)

measúnú ar amchlár na mbeart ón bplean aercháilíochta a bhí ann roimhe;

(b)

meastachán ar thionchar na mbeart ón bplean aercháilíochta roimhe sin ar laghdú astaíochtaí agus ar thiúchaintí truailleán.

(a)

laghdú ar astaíochtaí ó fhoinsí seasta trína áirithiú go ndéanfar trealamh rialaithe astaíochtaí a fheistiú ar fhoinsí seasta dócháin beaga agus meánmhéide a thruaillíonn (lena n-áirítear le haghaidh bithmhaise) nó go ndéanfar iad a ionadú, agus go gcuirfear feabhas ar éifeachtúlacht fuinnimh foirgneamh;

(b)

laghdú ar astaíochtaí ó fheithiclí trí ghléasraí cumhachta astaíochtaí nialasacha agus trealamh rialaithe astaíochtaí a iarfheistiú orthu, déanfar breithniú ar dhreasachtaí eacnamaíocha chun dlús a chur lena n-úsáid;

(c)

soláthar breoslaí, trealaimh dócháin chun astaíochtaí a laghdú agus feithiclí astaíochtaí nialasacha ag údaráis phoiblí, i gcomhréir leis an lámhleabhar maidir le soláthar poiblí glas, mar a shainmhínítear in Airteagal 3(1), pointe (m), de Rialachán (AE) 2019/631 ó Pharlaimint na hEorpa agus ón gComhairle (1);

(d)

laghdú ar astaíochtaí trí ghlacadh feithiclí astaíochtaí nialasacha agus feithiclí astaíochtaí ísle le haghaidh iompar comhchoiteann agus iompar poiblí nó feithiclí atá feistithe le réitigh dhigiteacha nua-aimseartha a dhéanann difear do laghdú astaíochtaí;

(e)

bearta chun cáilíocht, éifeachtúlacht, inacmhainneacht agus nascacht an iompair chomhchoitinn agus an iompair phoiblí a fheabhsú;

(f)

bearta a bhaineann le glacadh agus cur chun feidhme bonneagair breoslaí malartacha;

(g)

bearta chun astaíochtaí iompair a theorannú trí phleanáil uirbeach agus bainistiú tráchta, lena n-áirítear ar a laghad:

(h)

bearta chun aistriú módach i dtreo soghluaisteacht ghníomhach agus cineálacha iompair ar lú an truailliú a bhaineann leo a spreagadh (e.g. siúl, rothaíocht, iompar poiblí nó iarnród), lena n-áirítear:

(i)

bearta chun aistriú a spreagadh i dtreo feithiclí astaíochtaí nialasacha agus innealra neamhbhóthair le haghaidh feidhmeanna príobháideacha agus tráchtála araon;

(j)

bearta chun a áirithiú go dtabharfar tús áite do bhreoslaí astaíochtaí ísle i bhfoinsí seasta beaga-, meánmhéide agus móra agus i bhfoinsí soghluaiste;

(k)

bearta chun an truailliú aeir ó fhoinsí tionsclaíocha a laghdú faoi Threoir 2010/75/AE, agus trí úsáid a bhaint as ionstraimí eacnamaíocha amhail cánacha, muirir nó trádáil astaíochtaí agus, an tráth céanna, sainiúlachtaí FBManna á gcur san áireamh;

(l)

astaíochtaí ó mhuiriompar agus ó aeriompar a laghdú trí úsáid a bhaint as breoslaí malartacha agus bonneagar breoslaí ionadúla a úsáid, chomh maith le dreasachtaí eacnamaíocha a úsáid chun dlús a chur lena nglacadh, agus ceanglais shonracha a bhunú maidir le longa agus báid atá i mbeart agus trácht calafoirt, agus dlús a chur le soláthar cumhachta agus leictriú long agus innealra oibre calafoirt ar tír ag an am céanna;

(m)

bearta chun astaíochtaí ón talmhaíocht a laghdú;

(n)

bearta chun sláinte leanaí nó sláinte grúpaí daonra íogaire eile agus grúpaí leochaileacha eile a chosaint;

(o)

bearta chun athruithe iompraíochta a spreagadh.