+Airteagal 38 Bearta sonracha le haghaidh institiúidí aonair tríú tír is freagróirí
---+Airteagal 38 1
---+Airteagal 38 2
---+Airteagal 38 3
---+Airteagal 38 4
---+Airteagal 38 5
---+Airteagal 38 6
---+Airteagal 38 7

Airteagal 38 Bearta sonracha le haghaidh institiúidí aonair tríú tír is freagróirí

-

1. Forbhreathnú

,
Airteagal 38 1

1.   Cuirfidh institiúidí creidmheasa agus institiúidí airgeadais na bearta a leagtar síos i mír 6 den Airteagal seo i bhfeidhm maidir le hinstitiúidí tríú tír is freagróirí a bhfuil gaolmhaireacht chomhfhreagrach acu leo de bhun Airteagail 36 nó 37 agus a n-eisíonn ÚFA moladh ina leith de bhun mhír 2 den Airteagal seo.
Airteagal 38 2

2.   Eiseoidh AMLA moladh a bheidh dírithe ar institiúidí creidmheasa agus institiúidí airgeadais i gcás ina bhfuil ábhair imní ann go dtagann institiúidí is freagróirí i dtríú tíortha faoi aon cheann de na cásanna seo a leanas:

(a)

tá sárú tromchúiseach, leanúnach nó córasach ar cheanglais AML/CFT ar bun acu;

(b)

tá laigí ag baint lena mbeartais, lena nósanna imeachta agus lena rialuithe inmheánacha ar dócha go mbeidh sáruithe tromchúiseacha, leanúnacha nó córasacha ar cheanglais AML/CFT mar thoradh orthu;

(c)

tá beartais, nósanna imeachta agus rialuithe inmheánacha i bhfeidhm acu nach bhfuil i gcomhréir leis na rioscaí a bhaineann le sciúradh airgid, lena chionta preideacáide agus le maoiniú sceimhlitheoireachta ar a bhfuil an institiúid tríú tír is freagróir neamhchosanta.
Airteagal 38 3

3.   Eiseofar an moladh dá dtagraítear i mír 2 i gcás ina gcomhlíonfar gach ceann de na coinníollacha seo a leanas:

(a)

ar bhonn na faisnéise atá ar fáil i gcomhthéacs a ghníomhaíochtaí maoirseachta, measann maoirseoir airgeadais, lena n-áirítear AMLA agus a ghníomhaíochtaí maoirseachta á ndéanamh aige, go dtagann institiúid tríú tír is freagróir faoi aon cheann de na cásanna a liostaítear i mír 2 agus go bhféadfadh sí difear a dhéanamh do neamhchosaint ar riosca na gaolmhaireachta comhfhreagraí;

(b)

tar éis measúnú a dhéanamh ar an bhfaisnéis atá ar fáil don mhaoirseoir airgeadais dá dtagraítear i bpointe (a) den mhír seo, tá comhaontú ann idir maoirseoirí airgeadais san Aontas go dtagann an institiúid tríú tír is freagróir faoi aon cheann de na cásanna a liostaítear i mír 2 agus go bhféadfadh sí difear a dhéanamh do neamhchosaint ar riosca na gaolmhaireachta comhfhreagraí.
Airteagal 38 4

4.   Sula n-eiseofar an moladh dá dtagraítear i mír 2, rachaidh AMLA i gcomhairle leis an maoirseoir tríú tír atá i gceannas ar an institiúid is freagróir agus iarrfaidh sé ar an maoirseoir a thuairimí féin chomh maith le tuairimí na hinstitiúide is freagróir a sholáthar maidir le leordhóthanacht na mbeartas, na nósanna imeachta agus na rialuithe AML/CFT chomh maith le leordhóthanacht na mbeart díchill chuí do chustaiméirí atá i bhfeidhm ag an institiúid is freagróir chun rioscaí sciúrtha airgid, a chionta preideacáide agus maoiniú sceimhlitheoireachta a mhaolú agus leordhóthanacht na mbeart feabhais atá le cur i bhfeidhm. I gcás nach dtugtar aon fhreagra laistigh de 2 mhí nó i gcás nach léiríonn an freagra a tugadh gur féidir leis an institiúid tríú tír is freagróir beartais, nósanna imeachta agus rialuithe sásúla AML/CFT a chur chun feidhme mar aon le bearta leordhóthanacha díchill chuí do chustaiméirí a chur i bhfeidhm chun maolú a dhéanamh ar na rioscaí a bhfuil sí neamhchosanta orthu a d’fhéadfadh difear a dhéanamh don ghaolmhaireacht chomhfhreagrach, rachaidh AMLA ar aghaidh leis an moladh.
Airteagal 38 5

5.   Déanfaidh AMLA an moladh dá dtagraítear i mír 2 a tharraingt siar a luaithe a mheasfaidh sé nach gcomhlíonann institiúid tríú tír is freagróir ar ghlac sí an moladh sin ina leith na coinníollacha a leagtar síos i mír 3 a thuilleadh.
Airteagal 38 6

6.   Maidir le hinstitiúidí tríú tír is freagróirí dá dtagraítear i mír 1, déanfaidh institiúidí creidmheasa agus institiúidí airgeadais an méid seo a leanas:

(a)

staonadh ó ghaolmhaireachtaí nua gnó a dhéanamh leis an institiúid tríú tír is freagróir ach amháin má chinneann siad, ar bhonn na faisnéise a bailíodh faoi Airteagal 36 nó faoi Airteagal 37, gur féidir leis na bearta maolaitheacha a chuirtear ar bun maidir leis an ngaolmhaireacht gnó leis an institiúid tríú tír is freagróir agus leis na bearta atá i bhfeidhm san institiúid tríú tír is freagróir maolú leordhóthanach a dhéanamh ar na rioscaí sciúrtha airgid agus maoinithe sceimhlitheoireachta a bhaineann leis an ngaolmhaireacht gnó sin;

(b)

i gcás gaolmhaireachtaí leanúnacha gnó leis an institiúid tríú tír is freagróir:

(i)

an fhaisnéis faoin institiúid is freagróir a athbhreithniú agus a thabhairt cothrom le dáta de bhun Airteagal 36 nó Airteagal 37;

(ii)

an ghaolmhaireacht gnó a fhoirceannadh mura gcinneann siad, ar bhonn na faisnéise a bailíodh faoi phointe (i), gur féidir leis na bearta maolaitheacha a chuirtear i bhfeidhm maidir leis an ngaolmhaireacht gnó leis an institiúid tríú tír is freagróir agus maidir leis na bearta atá i bhfeidhm san institiúid tríú tír is freagróir maolú leordhóthanach a dhéanamh ar na rioscaí sciúrtha airgid agus maoinithe sceimhlitheoireachta a bhaineann leis an ngaolmhaireacht gnó sin;

(c)

an institiúid is freagróir a chur ar an eolas faoi na conclúidí ar tháinig siad orthu i ndáil leis na rioscaí a bhaineann leis an ngaolmhaireacht chomhfhreagrach tar éis an mholta ó AMLA agus na mbeart a rinneadh de bhun phointí (a) nó (b).

I gcás ina bhfuil moladh tarraingthe siar ag AMLA de bhun mhír 5, déanfaidh institiúidí creidmheasa agus institiúidí airgeadais athbhreithniú ar a measúnú i dtaobh an gcomhlíonann na hinstitiúidí tríú tír is freagróirí aon cheann de na coinníollacha a leagtar síos i mír 3.
Airteagal 38 7

7.   Déanfaidh institiúidí creidmheasa agus institiúidí airgeadais doiciméadú ar aon chinneadh a ghlactar de bhun an Airteagail seo.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin