Artikolu 50 Kulleġġi superviżorji għall-AML/CFT fis-settur mhux finanzjarju

1.   L-Istati Membri għandhom jiżguraw li s-superviżuri mhux finanzjarji inkarigati mill-impriża omm ta' grupp ta' entitajiet marbutin b'obbligu fis-settur mhux finanzjarju jew inkarigati mill-uffiċċju prinċipali ta' entità marbuta b'obbligu fis-settur mhux finanzjarju jkunu jistgħu jistabbilixxu kulleġġi superviżorji ddedikati għall-AML/CFT fi kwalunkwe waħda mis-sitwazzjonijiet li ġejjin:

Dan il-paragrafu għandhom japplikaw ukoll għal strutturi li għandhom l-istess sjieda, ġestjoni jew kontroll tal-konformità, inkluż networks jew sħubijiet li għalihom japplikaw rekwiżiti għall-grupp kollu skont l-Artikolu 16 tar-Regolament (UE) 2024/1624.

Il-membri permanenti tal-kulleġġ għandhom ikunus-superviżur mhux finanzjarju inkarigat mill-impriża omm jew mill-uffiċċju prinċipali u s-superviżuri mhux finanzjarji responsabbli mill-istabbilimenti fl-Istati Membri ospitanti jew tas-superviżjoni ta' dik l-entità marbuta b'obbligu fi Stati Membri oħra fil-każijiet koperti mill-Artikolu 37(1), it-tieni subparagrafu.

2.   L-Istati Membri għandhom jiżguraw li meta s-superviżur mhux finanzjarju inkarigat mill-impriża omm ta' grupp jew mill-uffiċċju prinċipali ta' entità marbuta b'obbligu ma jistabbilix kulleġġ, is-superviżuri mhux finanzjarji msemmija fil-paragrafu 1, it-tieni subparagrafu, il-punt (b) jistgħu, wara li jkunu qiesu r-riskji tal-ħasil tal-flus u tal-finanzjament tat-terroriżmu li l-entità jew il-grupp marbut b'obbligu jkun espost għalihom u l-iskala tal-attivitajiet transfruntiera tiegħu, jippreżentaw opinjoni li għandu jiġi stabbilit kulleġġ. Dik l-opinjoni għandha tiġi ppreżentata minn tal-anqas żewġ superviżuri mhux finanzjarji u indirizzata lil:

Meta s-superviżur mhux finanzjarju msemmi fil-punt (a) tal-ewwel subparagrafu ta’ dan il-paragrafu jkun korp ta' awtoregolamentazzjoni, dik l-opinjoni għandha tkun preżentata wkoll lill-awtorità pubblika inkarigata mis-sorveljanza ta' dak il-korp ta' awtoregolamentazzjoni skont l-Artikolu 52.

3.   Meta, wara li tiġi ppreżentata opinjoni skont il-paragrafu 2, is-superviżur mhux finanzjarju inkarigat mill-impriża omm ta' grupp jew mill-uffiċċju prinċipali ta' entità marbuta b'obbligu xorta jqis li mhuwiex meħtieġ li jiġi stabbilit kulleġġ, l-Istati Membri għandhom jiżguraw li s-superviżuri mhux finanzjarji l-oħra jkunu jistgħu jistabbilixxu l-kulleġġ, dment li dan ikun magħmul minn mill-inqas żewġ membri. F'dawk il-każijiet, dawk is-superviżuri mhux finanzjarji għandhom jiddeċiedu bejniethom min huwa s-superviżur inkarigat mill-kulleġġ. Is-superviżur mhux finanzjarju inkarigat mill-impriża omm ta' grupp jew mill-uffiċċju prinċipali ta' entità marbuta b'obbligu għandu jiġi infurmat dwar l-attivitajiet tal-kulleġġ u jkun jista' jissieħeb mal-kulleġġ fi kwalunkwe ħin.

4.   Għall-finijiet tal-paragrafu 1, l-Istati Membri għandhom jiżguraw li s-superviżuri mhux finanzjarji jidentifikaw:

5.   Fejn l-entitajiet marbutin b'obbligu fis-settur mhux finanzjarju jwettqu attivitajiet fi Stati Membri oħra bil-libertà li jiġu pprovduti servizzi, is-superviżur mhux finanzjarju tal-Istat Membru domiċiljari jista' jistieden lis-superviżuri mhux finanzjarji ta' dawk l-Istati Membri biex jipparteċipaw fil-kulleġġ bħala osservaturi.

6.   Meta grupp fis-settur mhux finanzjarju jinkludi kwalunkwe istituzzjoni ta' kreditu jew istituzzjoni finanzjarja, iżda l-preżenza tagħha fil-grupp ma tissodisfax il-livell limitu għall-istabbiliment ta' kulleġġ skont l-Artikolu 49, is-superviżur li jistabbilixxi l-kulleġġ għandu jistieden lis-superviżuri finanzjarji ta' dawk l-istituzzjonijiet ta' kreditu jew istituzzjonijiet finanzjarji biex jipparteċipaw fil-kulleġġ.

7.   L-Istati Membri jistgħu jippermettu l-istabbiliment ta' kulleġġi superviżorji għall-AML/CFT meta entità marbuta b'obbligu fis-settur mhux finanzjarju stabbilita fl-Unjoni tkun stabbiliet stabbilimenti f'mill-inqas żewġ pajjiżi terzi. Is-superviżuri finanzjarji jistgħu jistiednu lill-kontropartijiet tagħhom f'dawk il-pajjiżi terzi biex jistabbilixxu tali kulleġġ. Is-superviżuri mhux finanzjarji li jipparteċipaw fil-kulleġġ għandhom jistabbilixxu ftehim bil-miktub li jiddeskrivi l-kundizzjonijiet u l-proċeduri għall-kooperazzjoni u l-iskambju ta' informazzjoni.

Fejn il-kulleġġ jiġi stabbilit b'rabta mal-entitajiet marbutin b'obbligu msemmija fl-Artikolu 3, il-punti (3)(a) u (b), tar-Regolament (UE) 2024/1624 jew gruppi tagħhom, il-ftehim bil-miktub imsemmi fl-ewwel subparagrafu ta' dan il-paragrafu għandu jinkludi wkoll il-proċeduri biex jiżgura li l-ebda informazzjoni miġbura skont l-Artikolu 21(2) tar-Regolament (UE) 2024/1624 ma tiġi kondiviża, sakemm ma japplikax it-tieni subparagrafu tal-Artikolu 21(2).

8.   L-Istati Membri għandhom jiżguraw li l-kulleġġi jintużaw, fost l-oħrajn, biex jiskambjaw informazzjoni, jagħtu għajnuna reċiproka jew jikkoordinaw l-approċċ superviżorju għall-grupp jew l-entità marbuta b'obbligu, inkluż, fejn rilevanti, it-teħid ta' miżuri xierqa u proporzjonali biex jindirizzaw ksur serju tar-Regolamenti (UE) 2024/1624 u (UE) 2023/1113 li jinkixef fil-livell tal-grupp jew tal-entità marbuta b'obbligu, jew fl-istabbilimenti stabbiliti mill-grupp jew l-entità marbuta b'obbligu fil-ġuriżdizzjoni tas-superviżur li jkun jipparteċipa fil-kulleġġ.

9.   L-AMLA tista' tattendi l-laqgħat tal-kulleġġi superviżorji għall-AML/CFT u għandha tiffaċilita l-ħidma tagħhom f'konformità mal-Artikolu 36 tar-Regolament (UE) 2024/1620. Meta l-AMLA tiddeċiedi li tipparteċipa fil-laqgħat ta' kulleġġ superviżorju għall-AML/CFT, hija għandu jkollha l-istatus ta' osservatur.

10.   Is-superviżuri mhux finanzjarji jistgħu jippermettu lill-kontropartijiet tagħhom f'pajjiżi terzi jipparteċipaw bħala osservaturi fil-kulleġġi superviżorji għall-AML/CFT fil-każ imsemmi fil-paragrafu 1, il-punt (b), jew meta entitajiet tal-Unjoni marbuta b'obbligu fis-settur mhux finanzjarju jew gruppi tagħhom joperaw fergħat u sussidjarji f'dawk il-pajjiżi terzi, dment li:

L-Istati Membri għandhom jiżguraw li s-superviżuri mhux finanzjarji responsabbli mill-impriża omm ta' grupp jew mill-uffiċċju prinċipali ta' entità marbuta b'obbligu jew, fil-każijiet koperti mill-paragrafu 3, mill-kulleġġ, iwettqu valutazzjoni dwar jekk il-kundizzjonijiet tal-ewwel subparagrafu ta’ dan il-paragrafu humiex issodisfati u jippreżentawha lill-membri permanenti tal-kulleġġ. Dik il-valutazzjoni għandha titwettaq qabel ma l-kontroparti ta' pajjiż terz titħalla tissieħeb mal-kulleġġ u tista' tiġi ripetuta kif meħtieġ minn hemm 'il quddiem. Is-superviżuri mhux finanzjarji inkarigati mill-valutazzjoni jistgħu jfittxu l-appoġġ tal-AMLAgħat-twettiq ta’ dik il-valutazzjoni.

11.   Fejn jitqies meħtieġ mill-Membri permanenti tal-kulleġġ, jistgħu jiġu mistiedna osservaturi addizzjonali, dment li jkun hemm konformità mar-rekwiżiti ta' kunfidenzjalità. L-osservaturi jistgħu jinkludu FIUs.

12.   Fejn il-membri ta' kulleġġ ma jaqblux dwar il-miżuri li għandhom jittieħdu fir-rigward ta' entità marbuta b'obbligu, jistgħu jirreferu l-kwistjoni lill-AMLA u jitolbu l-għajnuna tagħha f'konformità mal-Artikolu 38 tar-Regolament (UE) 2024/1620. L-AMLA għandha tagħti l-opinjoni tagħha dwar il-kwistjoni ta' nuqqas ta' qbil fi żmien xahrejn.

13.   Sal-10 ta’ Lulju 2026, l-AMLA għandha tiżviluppa abbozz ta' standards tekniċi regolatorji u tippreżentah lill-Kummissjoni għall-adozzjoni. Dawk l-abbozzi ta' standards tekniċi regolatorji għandhom jispeċifikaw:

Il-Kummissjoni tingħata s-setgħa li tissupplimenta din id-Direttiva billi tadotta l-istandards tekniċi regolatorji msemmija fl-ewwel subparagrafu f'konformità mal-Artikoli 49 sa 52 tar-Regolament (UE) 2024/1620.

14.   Sal-10 ta’ Lulju 2029 u kull sentejn wara dan, l-AMLA għandha toħroġ opinjoni dwar il-funzjonament tal-kulleġġi superviżorji għall-AML/CFT fis-settur mhux finanzjarju. Dik l-opinjoni għandha tinkludi: