Artikolu 3 Definizzjonijiet

“emissjonijiet tas-CO2 ta’ referenza” tfisser il-medja tal-emissjonijiet tas-CO2 speċifiċi fil-perijodu ta’ referenza tal-vetturi tqal ġodda kollha f’kull wieħed mis-subgruppi tal-vetturi, iddeterminata f’konformità mal-punt 3 tal-Anness I;

“emissjonijiet tas-CO2 speċifiċi” tfisser l-emissjonijiet tas-CO2 ta’ vettura tqila individwali ddeterminati skont il-punt 2.1 tal-Anness I;

“perijodu ta’ rapportar tas-sena Y” tfisser il-perijodu mill-1 ta’ Lulju tas-sena Y sat-30 ta’ Ġunju tas-sena Y+1;

“perijodu ta’ rapportar” tfisser il-perijodu mill-1 ta’ Lulju ta’ sena partikolari sat-30 ta’ Ġunju tas-sena ta’ wara;

“perijodu ta’ referenza” tfisser il-perijodu ta’ rapportar ta’ sena partikolari li fir-rigward tagħha l-obbligi ta’ tnaqqis regolatorju tal-emissjonijiet tas-CO2 għal ċertu subgrupp tal-vetturi huma speċifikati fl-ambitu ta’ dan ir-Regolament;

“emissjonijiet tas-CO2 speċifiċi medji” tfisser il-medja tal-emissjonijiet tas-CO2 speċifiċi tal-vetturi tqal ġodda ta’ manifattur f’perijodu ta’ rapportar partikolari ddeterminat skont il-punt 2.7 tal-Anness I;

“mira ta’ emissjonijiet tas-CO2 speċifiċi” tfisser il-mira ta’ emissjonijiet tas-CO2 ta’ manifattur individwali, ddeterminata kull sena għall-perijodu ta’ rapportar preċedenti f’konformità mal-punt 4 tal-Anness I;

“trakk riġidu” tfisser trakk li mhux imfassal jew mibni biex jirmonka semi-trailer;

“trattur” tfisser unità ta’ trattur mfassla u mibnija esklussivament jew primarjament biex tirmonka semi-trailer;

“subgrupp tal-vetturi” tfisser grupp ta’ vetturi kif iddefinit fil-punt 1 tal-Anness I, li huma kkaratterizzati minn sett komuni u distint ta’ kriterji tekniċi rilevanti għad-determinazzjoni tal-emissjonijiet tas-CO2 u l-konsum tal-fjuwil ta’ dawn il-vetturi;

“vettura vokazzjonali” tfisser vettura tqila maħsuba biex tintuża għal dmirijiet speċifiċi, li skont l-informazzjoni fiċ-ċertifikat tal-konformità tagħha, kif irrapportat mill-Istati Membri, tissodisfa l-kriterji stabbiliti fil-punt 1.2 tal-Anness I;

“manifattur” tfisser il-persuna jew il-korp li lilhom ġew attribwiti l-vetturi rreġistrati f’perijodu partikolari f’konformità mal-Artikolu 7a;

“rapportatur” tfisser entità li tkun responsabbli għar-rapportar tad-data lill-Kummissjoni;

“vettura tqila mingħajr emissjonijiet” tfisser kwalunkwe miil-vetturi li ġejjin:

“vettura tqila b’emissjonijiet baxxi” tfisser vettura tqila, għajr vettura tqila mingħajr emissjonijiet, b’emissjonijiet tas-CO2 speċifiċi ta’ anqas minn nofs l-emissjonijiet tas-CO2 ta’ referenza tal-vetturi kollha fis-subgrupp tal-vetturi li għalih tappartjeni l-vettura tqila, kif iddeterminat f’konformità mal-punt 2.3.4 tal-Anness I;

“profil tal-missjoni” tfisser kombinazzjoni ta’ ċiklu tal-veloċità mmirata, ċifra tat-tagħbija utli, konfigurazzjoni tal-karozzerija jew tat-trejler, u parametri oħra, jekk applikabbli, li jirrifletti l-użu speċifiku ta’ vettura, li abbażi tagħhom ġew iddeterminati l-emissjonijiet tas-CO2 u l-konsum tal-fjuwil uffiċjali ta’ vettura tqila;

“ċiklu tal-veloċità mmirata” tfisser id-deskrizzjoni tal-veloċità tal-vettura li s-sewwieq irid jilħaq jew li hu limitat biha minħabba l-kundizzjonijiet tat-traffiku, bħala funzjoni tad-distanza koperta bi vjaġġ;

“tagħbija” tfisser il-piż tal-merkanzija li vettura qed iġorr skont kundizzjonijiet differenti;

“vettura primarja” tfisser vettura primarja kif definit fl-Artikolu 3, il-punt (22), tar-Regolament (UE) 2017/2400;

“vettura primarja ta’ vettura tqila” tfisser vettura primarja, li għas-simulazzjoni tagħha tiġi allokata karozzerija ġenerika li tikkorrispondi għall-karozzerija attwali tal-vettura tqila fir-rigward tal-konfigurazzjonijiet tal-art (baxxa/għolja) u tas-sulari (wieħed/doppju) tagħha u ta’ kwalunkwe parametru ieħor kif applikabbli;

“vettura kompluta” tfisser vettura kompluta kif definit fl-Artikolu 3, il-punt (26), tar-Regolament (UE) 2018/858;

“vettura kompleta” tfisser vettura kompleta kif definit fl-Artikolu 3, il-punt (27), tar-Regolament (UE) 2018/858;

“vettura off-road” tfisser vettura off-road kif definit fil-Parti A, il-punt 2.1, tal-Anness I tar-Regolament (UE) 2018/858;

“vettura bi skop speċjali” tfisser vettura bi skop speċjali kif definit fl-Artikolu 3, il-punt (31), tar-Regolament (UE) 2018/858;

“vettura bi skop speċjali off-road” tfisser vettura bi skop speċjali off-road kif definit fil-Parti A, il-punt 2.3.1, tal-Anness I tar-Regolament (UE) 2018/858;

“ċertifikat tal-konformità” tfisser ċertifikat tal-konformità kif definit fl-Artikolu 3, il-punt (5), tar-Regolament (UE) 2018/858;

“kuntratt pubbliku”, fil-kuntest ta’ proċeduri ta’ akkwist pubbliku u sakemm ma jkunx speċifikat mod ieħor, tfisser “kuntratt pubbliku” kif definit fl-Artikolu 2(1), il-punt (5), tad-Direttiva 2014/24/UE tal-Parlament Ewropew u tal-Kunsill ( 4 ), “kuntratti ta’ provvista, xogħlijiet u servizzi” kif definit fl-Artikolu 2, il-punt (1), tad-Direttiva 2014/25/UE tal-Parlament Ewropew u tal-Kunsill ( 5 ), u “konċessjonijiet” kif definit fl-Artikolu 5, il-punt (1), tad-Direttiva 2014/23/UE tal-Parlament Ewropew u tal-Kunsill ( 6 );

“rakk b’kombinazzjoni tqila ħafna” jew “trakk EHC” tfisser vettura tqila tal-kategorija N3 adattata għall-użu f’kombinazzjoni ta’ vetturi u li tissodisfa l-kriterji kollha tad-disinn u tal-kostruzzjoni li ġejjin:

impriżi li fihom il-manifattur ikollu, direttament jew indirettament:

impriżi li direttament jew indirettament ikollhom, id-dritt jew is-setgħat imsemmija fil-punt (a);

impriżi li fihom impriża msemmija fil-punt (b) ikollha, direttament jew indirettament, id-dritt jew is-setgħat imsemmija fil-punt (a);

impriżi li fihom il-manifattur flimkien ma’ impriża waħda jew aktar mill-impriżi msemmija fil-punt (a), (b) jew (c), jew li fihom żewġ impriżi jew aktar mill-impriżi tal-aħħar, b’mod konġunt ikollhom id-dritt jew is-setgħat imsemmija fil-punt (a);

impriżi li fihom id-dritt jew is-setgħat imsemmija fil-punt (a) huma miżmuma b’mod konġunt mill-manifattur jew minn impriża waħda jew aktar mill-impriżi konnessi miegħu msemmija fil-punti (a) sa (d) u minn parti terza waħda jew aktar.